2 Tem 1:4 - BAEBOLO ANZƐƐ BULUKU NWUANZANWUANZA

⁴ Kɛmɔ mekakye monle mɔɔ ɛhwinle la ati, me nwo dɔ wɔ nɔɔzo nee ewiazo amuala, na me kunlu a anrɛɛ menwu wɔ, amaa me nye alie.

2 Tem 1:4 ပူးပေါင်းရင်းမြစ်များ

Edwɛndolɛ Buluku ne 126:5

Maa bɛdabɛ mɔɔ bɛfa monle bɛdua la, ɛva anyelielɛ ɛdeɛdea nu ɛbu!

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Gyɛlɛmaya Buluku ne 31:13

Mbɛlɛra bazi agole na bɛ nye alie, mgbavolɛ nee mgbanyinli anye balie. Mebamaa bɛ ɛzunlɛ ahakyi anyelielɛ, mebakyekye bɛ rɛle, na bɛagyakyi nyanelilɛ bɛali fɛlɛko.

Dw 16:22

Zɔhane ala yɛɛ ɔle ɔmaa bɛ a; kɛkala alɔbɔlɛ ɛha bɛ, na mebaranwu bɛ bieko na fɛlɛkolilɛ bayi bɛ ahonle nu tɛkɛɛ, fɛlɛkolilɛ mɔɔ awie biala ɛnrɛhola bɛ sa die ɛlɛ a.

Dw 16:24

Toonwo mɔɔ yeradwu bekezɛ la, bɛtɛbizale debie biala wɔ me duma nu; bɛbiza na bɛ sa kɛha ye, amaa bɛ fɛlɛkolilɛ ne ali munli.

Ɛzoanvolɛma Gyima ne 20:19

Wɔ Dwuuma akpamo ne mɔ mɔɔ bɛvale wɔ me ti la amuala anu, mendole me nwo aze menvale monle nee amaneɛnwunlɛ menyɛle me gyima kɛ Awulae akɛlɛ.

Ɛzoanvolɛma Gyima ne 20:31

Yemɔti bɛnlea boɛ, na bɛhakye kɛ mendwinle monle ɛvolɛ nsa a mengilehilele bɛ wɔ nɔɔzo nee ewiazo a.

Wulo 1:11

Ɔluakɛ mekulo kɛ mebakpɔla bɛ, amaa yɛanyia Nyamenle Sunsum nu ahyɛlɛdeɛ ne na bɛ nwo ayɛ se.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:8

Nyamenle di me daselɛ kɛ me nwo mɔɔ dɔ bɛ la amuala vi Gyisɛse Kelaese ɔdaye mumua ne ahonle nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:26

Ɔ nwo ɛlɛdɔ bɛ muala, na ɔlɛdi nyane kɛ bɛdele ye anwonyane nganeɛ a.

1 Tɛs 2:17

Mediema, yɛmɛ, yɛvile bɛ nwo ɛkɛ ne mekɛ ekyi bie wɔ nwonane nu na tɛ sunsum nu ɔ, yemɔti yɛ nwo dɔ bɛ kpole, na yɛ kunlu a anrɛɛ yɛnwu bɛ nyunlu bieko.

2 Tem 4:21

Bɔ mɔdenle bɛla na fɔsɛlɛ ne ara. Yubulɛse, Pudɛnse, Laenɛse, yɛɛ Kolɔdea nee mediema mɔɔ ɛha la amuala biza wɔ ahye.

2 Tem 4:9

Bɔ mɔdenle bakpɔla me ndɛndɛ.

1 Dw 1:4

Yɛlɛkɛlɛ ɛhye mɔ amaa yɛ anyelielɛ ne ali munli.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”

Yekile 7:17

Ɔluakɛ Boaneralɛ ne mɔɔ de belemgbunli ebia kpole ne azo la bayɛ mboaneneavolɛ anlea bɛ, na ɔbayɛ bɛ tataa yeahɔ nzubula mɔɔ maa ngoane la anwo. Na Nyamenle bakyikyi bɛ nye anwo monle.”