2 Tem 1:3 - BAEBOLO ANZƐƐ BULUKU NWUANZANWUANZA

³ Meyɛ Nyamenle ne mɔɔ mesonle ye nɔhalɛ nu, kɛmɔ me nlenya mɔ yɛle la mo kɛ mekakye wɔ wɔ me nzɛlɛlɛ nu alehyenlɛ nee aledwolɛ biala a.

2 Tem 1:3 ပူးပေါင်းရင်းမြစ်များ

Ɛzoanvolɛma Gyima ne 22:3

“Mele Dwuunli, bɛwole me wɔ Taasɛse mɔɔ wɔ Selesea maanle nu la. Bɛtetele me wɔ Gyɛlusalɛm ɛke wɔ nwomanli Gameeleɛle sukulu ne anu. Menzukoale yɛ nlenya mɔ mɛla ne nee amaamuo ne kpalɛ, na mendule me nwo memanle Nyamenle, kɛmɔ kɛkala bɛde la.

Ɛzoanvolɛma Gyima ne 23:1

Pɔɔlo nleanle bagua ne na ɔzele bɛ kɛ, “Mediema Yizilayɛma, me adwenle ɛmbu me fɔlɛ wɔ me ɛbɛlabɔlɛ nu wɔ Nyamenle anyunlu toonwo a yeradwu ɛnɛ a.”

Ɛzoanvolɛma Gyima ne 24:14

Ko mɔɔ medie meto nu la a le kɛ melua Awulae Adenle ye mɔɔ bɛmɛ bɛse ɔnle nɔhalɛ la azo yɛɛ mesonle yɛ nlenya mɔ Nyamenle ne a. Noko eza medie mɔɔ bɛhɛlɛ ye wɔ Mosisi mɛla ne anu, nee Nyamenle kpɔmanvolɛma mbuluku ne mɔ anu la medi.

Ɛzoanvolɛma Gyima ne 24:16

Ɛhye ati yɛɛ mebɔ mɔdenle kɛ menwɔnyia adwenle mɔɔ nuhua te la wɔ Nyamenle nee menli nyunlu a.

Ɛzoanvolɛma Gyima ne 26:4

“Ɔvi me ngakula nu, Dwuuma amuala ze kɛ mezi mebɔ me ɛbɛla la. Bɛze kɛ membɔle me ɛbɛla bo wɔ me maanle ye anu, nee Gyɛlusalɛm.

Ɛzoanvolɛma Gyima ne 27:23

Nɔe, Nyamenle ne mɔɔ mele ye ɛdeɛ na mesonle ye la soanvolɛ rale me nwo ɛke,

Wulo 9:1

Kelaese ati nɔhalɛ kpalɛ a melɛka meahile bɛ la, membɔ adalɛ. Me adwenle nu wienyi, Sunsum Nwuanzanwuanza ne ɔdaye ɔze kɛ membɔ adalɛ,

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:14

Wɔ me tipɛne ne mɔ anu, biala ɛnle ɛkɛ mɔɔ nee me sɛ wɔ Dwuuma maamɛla ne azo ɛlilɛ nu a, yɛɛ eza me nye bolo yɛ nlenya mɔ ngilehilelɛ ne mɔɔ bɛgyakyile yɛ la anwo ɛsesebɛ kpalɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:16

dahuu meyɛ Nyamenle mo wɔ bɛ ti. Mekakye bɛ wɔ me nzɛlɛlɛ nu,

1 Tɛs 3:10

Alehyenlɛ nee aledwolɛ kɔsɔɔti yɛfa yɛ ahonle muala yɛsɛlɛ kɛ yɛkɛnwu bɛ nyunlu na mɔɔ bɛhyia nwo wɔ bɛ diedi nu la yɛayɛ yɛamaa bɛ.

1 Tem 1:19

na nyia diedi nee adwenle kpalɛ mɔɔ anu te la. Menli ne bie mɔ ɛminli bɛ diedi, ɔluakɛ bɛnlɛ adwenle kpalɛ mɔɔ anu te a.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

1 Tem 5:5

Kunlanvolɛ mɔɔ ɛnlɛ awie ɛnnea ye la, ɛva ɔ nye ɛdo Nyamenle anwo zo, na ɔhɔ zolɛ ɔbodo ɔzɛlɛ na ɔbiza moalɛ aledwolɛ nee alehyenlɛ.

2 Tem 1:5

Mekakye nɔhalɛ diedi ne mɔɔ ɛlɛ ye, diedi ne mɔɔ ɛnee ɛ nla Loyese nee ɛ nli Yunaesi lɛ ye la bie, na medie medi kɛ ɛdawɔ noko ɛlɛ zɔhane diedi ne.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Kɛlata mɔɔ bɛhɛlɛle bɛhɔmanle Hibuluma la 13:8

Kɛ Gyisɛse Kelaese si de anoma la, ɔle zɔhane ɛnɛ nee kenle biala.

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.