2 Tem 1:18 - BAEBOLO ANZƐƐ BULUKU NWUANZANWUANZA

¹⁸ Awulae ɛnwu ye anwunvɔne wɔ Awulae Kenle ne anu! Ɛdawɔ ɛze dɔɔnwo mɔɔ ɔyɛle ɔmanle me wɔ Ɛfɛsɛse a.

2 Tem 1:18 ပူးပေါင်းရင်းမြစ်များ

1 Arl 17:20

Akee ɔmanle ɔ ne zo ɔzɛlɛle kɛ, “O Ɛdɛnkɛma, me Nyamenle, duzu munzule a akee wɔmaa yerado raalɛ ye mɔɔ merazokoɛ ye la na wɔmaa ɔ ra nrenya ye ɛwu a?”

Edwɛkpa ne kɛmɔ Luku hɛlɛle la 1:72

Ɔhanle kɛ ɔbaze yɛ nlenya mɔ anwunvɔne, na ɔ rɛle ɛnrɛvi ye ngyekyeleɛ nwuanzanwuanza ne.

Edwɛkpa ne kɛmɔ Luku hɛlɛle la 1:78

Ɔlua yɛ Nyamenle ne ahunlunyele kpole ti, ɔbamaa ngoanelielɛ kenle ne ado yɛ;

Edwɛkpa ne kɛmɔ Luku hɛlɛle la 8:3

Twuza, mɔɔ le Hɛlɔdo suakunlu ɛkɛ ne abɔlɔba kpanyinli ne mɔɔ nea ye ninyɛne zo la aye ne mɔɔ bɛfɛlɛ ye Dwowana la, yɛɛ Susana nee mraalɛ dɔɔnwo bie mɔ. Mraalɛ ɛhye mɔ, bɛdabɛ bɛvale mɔɔ bɛlɛ ye la bɛboale Gyisɛse nee ye ɛdoavolɛma ne mɔ.

Ɛzoanvolɛma Gyima ne 18:19

Bɛdwule Ɛfɛsɛse la, Pɔɔlo gyakyile Pelesela nee Akoyela. Ɔhɔle Dwuuma nyianu sua ne anu ɔ nee bɛ hɔdendɛle.

Ɛzoanvolɛma Gyima ne 18:21

Ɔzele bɛ kɛ, “Saa ɔyɛ Nyamenle ɛhulolɛ a mebazia meara.” Na ɔvi Ɛfɛsɛse ɔvale ɛlɛne ɔhɔle.

Ɛzoanvolɛma Gyima ne 19:1

Mɔɔ Apɔlɔso wɔ Kɔlente la, Pɔɔlo hɔle maanzinli ne anu akpɔsa toonwo ɔravindele Ɛfɛsɛse, na ɔranwunle ɛdoavolɛma bie wɔ ɛkɛ.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 16:8

Mebadɛnla Ɛfɛsɛse ɛke kɔkpula Pɛntekɔso Ɛvoyia ne.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

2 Kɔl 9:1

Ɔngyia biala kɛ menwɔhɛlɛ bɛ wɔ moalɛ mɔɔ bɛlɛ bɛkamaa Nyamenle menli ne la anwo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:4

Noko Nyamenle anwunvɔnezelɛ ne zonle, yɛɛ ye ɛhulolɛ mɔɔ wɔ yɛ nwo zo la le kpole bo zolɛ,

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tem 1:3

Mekpondɛ kɛ ɛtɛnla Ɛfɛsɛse, kɛmɔ mesia meahɔ Masidonea mɔɔ menganle mengilele wɔ la. Menli bie wɔ ɛkɛ ne ɛlɛkilehile ngilehilelɛ mɔɔ ɛnle nɔhalɛ a, na tua bɛ.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 1:16

Awulae ɛnwu Onɛsefɔlɛse awuke nu amra anwunvɔne, ɔboalekɛ ɔkyekyele me rɛle mekɛ dɔɔnwo ne ala. Yeanyɛ ye nyiane kɛ mela efiade a.

2 Tem 1:17

Ɔdwule Wulomu ala la yɛɛ ɔbɔle ɔ bo kɛ ɔkpondɛ me a, na ɔkpondɛle me toonwo ɔnwunle me.

2 Tem 4:12

Mezoa Tekekɛse wɔ Ɛfɛsɛse.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

1 Pit 1:10

Nyamenle kpɔmanvolɛma mɔɔ hanle ɛlolɛ ɛhye mɔɔ le bɛ ɛdeɛ la anwo edwɛkɛ dole ɛkɛ ne la nleɛnleanle nu, na bɛkpondɛle ngoanelielɛ ɛhye mɔɔ Nyamenle bava amaa bɛ la anu.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.