2 Tem 1:14 - BAEBOLO ANZƐƐ BULUKU NWUANZANWUANZA

¹⁴ Sɔ nɔhalɛ ne mɔɔ ɔlua Sunsum Nwuanzanwuanza ne mɔɔ wɔ yɛ nu la tumi zo bɛva bɛwula ɛ sa nu la anu boɛ.

2 Tem 1:14 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 16:11

Na saa bɛngola bɛnli nɔhalɛ wɔ ewiade ye anyiabɛnwo nwo a, ɛnee kɛ ɔkɛyɛ na bɛava nɔhalɛ anwonyia ne bɛawula bɛ sa nu ɛ?

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Wulo 3:2

Nɔhalɛ bɔkɔɔ, wɔ adenle biala azo! Ɔboalekɛ alumua ne, bɛmɛ yɛɛ Nyamenle vale ye ngilehilelɛ ne wulale bɛ sa nu a.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

Wulo 8:9

Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

1 Kɔl 9:17

Saa melɛ medame me ɛhulolɛ yɛɛ melɛyɛ gyima ne a, anrɛɛ me nye bala ahatualɛ zo, na meyɛ ye kɛ ɔle ɛzonle ɔla me nwo zo, ɔboalekɛ Nyamenle a ɛva ɛwula me sa nu a.

2 Kɔl 5:16

Ɛhye ati, ɔvi ɛnɛ mɔɔ kɔ la, yɛnnea awie biala anyunlu yɛmbua ndɛne. Saa mekɛ bie mɔɔ ɛze ɛhɔ la yɛbuale Kelaese ndɛne wɔ zɔhane adenle zo bɔbɔ a, ɛnɛ yɛnyɛ ye zɔhane bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:7

Mɔɔ bɛnwunle ye la a le kɛ amgba Nyamenle ɛva ye Edwɛkpa ne ɛwula me nloa na yezoa me kɛ membɔ ye nolo mengile bɛdabɛ mɔɔ bɛnle Dwuuma la, kɛmɔ yeva yewula Pita anloa kɛ ɔbɔ ye nolo ɔhile Dwuuma la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:22

Kɛmɔ bɛ nee Kelaese ɛyɛ ko la, bɛdabɛ noko bɛlua Nyamenle Sunsum ne azo bɛlɛsi bɛ nee menli kɔsɔɔti kɛ sua la na Nyamenle adɛnla nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Kɔlɔ 4:11

Gyisɛse ne mɔɔ bɛfɛlɛ ye Gyɛsetɛse la biza bɛ ahye. Menli nsa ɛhye a le Dwuuma mɔɔ ɛlie ɛli na bɛ nee me yɛlɛdi Nyamenle Belemgbunlililɛ ne anwo gyima a, yɛɛ bɛboa me kpole kpalɛ.

1 Tɛs 5:19

Bɛmmanua Sunsum Nwuanzanwuanza ne,

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.