2 Tem 1:13 - BAEBOLO ANZƐƐ BULUKU NWUANZANWUANZA

¹³ Sɔ nɔhalɛ ne mɔɔ ɛdele ɛvile me ɛkɛ ne la anu boɛ, fa yɛ ndonwo di zo, na tɛnla diedi nee ɛhulolɛ ne mɔɔ Kelaese Gyisɛse ati ɔle yɛ ɛdeɛ la anu.

2 Tem 1:13 ပူးပေါင်းရင်းမြစ်များ

Mrɛlɛbulɛ Buluku ne 23:23

Su ezukoa tɔ nɔhalɛ, nrɛlɛbɛ, ngilehilelɛ, yɛɛ ndelebɛbo; mmatɔne bie.

Mrɛlɛbulɛ Buluku ne 3:18

Ɔle ngoane baka ɔmaa bɛdabɛ mɔɔ bɛsɔ nu boɛ la; bɛdabɛ mɔɔ bɛsɔ nu boɛ la di fɛlɛko.

Mrɛlɛbulɛ Buluku ne 3:21

Me ra nrenya, sɔ nrɛlɛbɛ nee adwenlenunwunlɛ nu boɛ; mmamaa bɛfi ɛ sa,

Mrɛlɛbulɛ Buluku ne 4:13

Sɔ folɛdulɛ nu boɛ, mmagyakyi nuhua, sie ye boɛ, ɔluakɛ yemɔ azo yɛɛ wɔ ngoane gyi a.

Mrɛlɛbulɛ Buluku ne 8:14

Metu folɛ, mekile nrɛlɛbɛ adenle kpalɛ, melɛ ndelebɛbo yɛɛ me nwo yɛ se.

Wulo 2:20

ɛle fotuvo ɛmaa mɔɔ ɛnze nrɛlɛbɛ la, ɛle ngakula kilehilevolɛ, ɛze ye wienyi kɛ mɛla ne ɛbuke wɔ adwenle nu ɛmaa wɔnwu nɔhalɛ ne,

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:9

Bɛyɛ ninyɛne mɔɔ bɛzukoa na bɛlie bɛdo nu bɛvi me ɛdendɛlɛ nee me nyɛleɛ nu la, na Nyamenle ne mɔɔ maa yɛ anzonudwolɛ la nee bɛ badɛnla.

Kɔlɔ 1:4

Ɔluakɛ yɛde kɛ bɛliele Kelaese Gyisɛse bɛlile la, bɛnyia ɛhulolɛ wɔ Nyamenle menli ne anwo,

1 Tɛs 5:21

Bɛzɔ ninyɛne kɔsɔɔti bɛnlea, bɛva mɔɔ le kpalɛ la bɛzie,

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

2 Tem 1:1

Medame Pɔɔlo, mɔɔ ɔlua Nyamenle ɛhulolɛ zo merayɛ Kelaese Gyisɛse ɛzoanvolɛ, na yezoa me kɛ membɔ ngoane ne mɔɔ Kelaese ati bɛvale bɛbɔle yɛ ɛwɔkɛ la nolo la, yɛɛ melɛkɛlɛ kɛlata ɛhye a.

2 Tem 1:14

Sɔ nɔhalɛ ne mɔɔ ɔlua Sunsum Nwuanzanwuanza ne mɔɔ wɔ yɛ nu la tumi zo bɛva bɛwula ɛ sa nu la anu boɛ.

2 Tem 2:2

Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

2 Tem 3:14

Na wɔmɔ, kɔ zolɛ sɔ nɔhalɛ ne mɔ mɔɔ bɛhilehile wɔ na ɛdie ɛdi ɛsesebɛ la anu. Ɛze wɔ kilehilevolɛma ne mɔ,

2 Tem 4:3

Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:9

Ɔwɔ kɛ ɔsɔ Nyamenle edwɛkɛ ne mɔɔ bɛkola bɛfa bɛ rɛle bɛto zo na eza ɔ nee yɛ ngilehilelɛ ne kɔ zolɛ la anu kyengye. Adenle ɛhye azo yɛɛ ɔbamaa yeahola yeamaa menli anwosesebɛ na yeahilehile bɛ na eza yeamaa bɛdabɛ mɔɔ bɛtia ngilehilelɛ ne la anwu bɛ nvonleɛ a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:1

Na wɔmɔ, ɔwɔ kɛ ɛkilehile diedi ne mɔɔ le saanwu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8

Fa ɛdendɛlɛ kpalɛ mɔɔ menli ɛnrɛha nwolɛ edwɛkɛ la kilehile, amaa wɔ agbɔvolɛ asa aha bɛ gye nu, na bɛannyia edwɛkɛ ɛtane bɛanga wɔ yɛ nwo.

Kɛlata mɔɔ bɛhɛlɛle bɛhɔmanle Hibuluma la 10:23

Bɛmaa yɛzɔ anyelazo ne mɔɔ yɛlɛ ye la anu kpalɛ, ɔboalekɛ Nyamenle ne mɔɔ bɔle yɛ ɛwɔkɛ ne la le nɔhalɛ.

Kɛlata mɔɔ bɛhɛlɛle bɛhɔmanle Hibuluma la 3:6

Na Kelaese ɛdeɛ ɔlile nɔhalɛ kɛ ɔle Ralɛ mɔɔ nea Nyamenle sua nu ɛkɛ a. Saa yɛgyinla akɛnrasesebɛ zo na yɛsi pi wɔ anyelazo nu a, yɛkɛnwu kɛ yɛle ye sua.

Kɛlata mɔɔ bɛhɛlɛle bɛhɔmanle Hibuluma la 4:14

Yemɔti, bɛmaa yɛzɔ diedi ne mɔɔ yɛnyia ye la anu ɛsesebɛ. Ɔluakɛ yɛlɛ Sɛlɛvolɛ Kpanyinli Kpole Kpalɛ mɔɔ ɛhɔ toonwo ɛhɔdwu Nyamenle anyunlu a; yemɔ a le Gyisɛse, mɔɔ le Nyamenle Ara ne.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.

Yekile 2:25

Mɔɔ meka meahile bɛ ala la a le kɛ bɛzɔ mɔɔ bɛlɛ ye la anu kpalɛ kɔkpula mekɛ mɔɔ menwɔra la.

Yekile 3:11

Ɔnrɛhyɛ na meara. Mɔɔ ɛlɛ la sɔ nu boɛ, amaa awie amkpodi wɔ konim ahyɛlɛdeɛ ne anvi ɛ sa nu.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.