2 Sam 9:3 - BAEBOLO ANZƐƐ BULUKU NWUANZANWUANZA

³ Belemgbunli ne bizale ye kɛ, “Awie tɛbɔ Sɔɔlo abusua ne anu mɔɔ ɔwɔ kɛ meyɛ ahunlunyele memaa ye, kɛmɔ menvale membɔle ɛwɔkɛ la ɔ?” Zaeba buale belemgbunli ne kɛ, “Dwɔnatan ara nrenya ko tɛbɔ ɛkɛ, na kɛkala ɔle abubura.”

2 Sam 9:3 ပူးပေါင်းရင်းမြစ်များ

2 Sam 19:26

Ɔbuale ye kɛ, “O me awulae, me belemgbunli, me sonvolɛ ne bɛlɛbɛlale me. Menzele ye kɛ, ‘Boɔboa me asoaso ne maa me maa me nee belemgbunli ɛhɔ,’ na yeanyɛ. Kɛmɔ ɛdawɔ ɛze la, mele abubura.

2 Sam 19:27

Ɔdoanle me ɔmanle wɔ, Nana. Noko, awulae me belemgbunli le kɛ Nyamenle soanvolɛ la; yemɔti debie biala mɔɔ fɛta la fa yɛ me.

2 Sam 4:4

Sɔɔlo ara Dwɔnatan ɛnee lɛ ɔ ra nrenya mɔɔ agyakɛ ɛbubu a. Bɛfɛlɛ ye Mɛfebɔhyɛte. Ɔlile ɛvolɛ nnu la yɛɛ nrɛlaleɛ vi Gyɛzɛli rale kɛ bɛhu Sɔɔlo nee Dwɔnatan a; ye adanedivolɛ ne vale ye nriandile. Ɛnriandilɛ ne anu, kɛmɔ adanedivolɛ ne kpondɛ ye ndɛndɛ la ati, kakula ne dɔle aze na ɔyɛle abubura.

2 Sam 9:13

Yemɔti Mɛfebɔhyɛte mɔɔ ɛnee le abubura la dɛnlanle Gyɛlusalɛm na ɔlile aleɛ dahuu wɔ belemgbunli ne ɛkponle zo.

2 Sam 9:7

Devidi zele ye kɛ, “Mmasulo; ɔlua ɛ ze Dwɔnatan ati mebayɛ ahunlunyele meamaa wɔ. Eza mebava ɛ nlenya Sɔɔlo azɛlɛ ne kɔsɔɔti meamaa wɔ. Akee ɔvi ɛnɛ mɔɔ kɔ la, me nee wɔ badɛnla ɛkponle ko anwo yɛado ɛsalɛ.”

Edwɛkpa ne kɛmɔ Luku hɛlɛle la 6:36

Bɛ Ze mɔɔ wɔ anwuma la se anwunvɔne, yemɔti bɛdabɛ noko bɛze anwunvɔne.

Mɛla 10:15

Noko Ɛdɛnkɛma vale ye ahonle hulole bɛ ze mɔ na ɔkpale nu ɔyele bɛ bo zo amra, mɔɔ le bɛdabɛ, ɔvile menli kɔsɔɔti anu, kɛmɔ kɛkala ɔde la.

Mɛla 4:37

Kɛmɔ ɔhulole bɛ ze mɔ na ɔkpale nu ɔyele bɛ nee bɛ bo zo amra la ati, ɔyele ɔ nyunlu ɔvale tumi kpole ɔyele bɛ ɔvile Yigyibiti.