2 Sam 9:11 - BAEBOLO ANZƐƐ BULUKU NWUANZANWUANZA

¹¹ Akee Zaeba zele belemgbunli ne kɛ, “Debie biala mɔɔ Nana ɛha ɛhile ye sonvolɛ la, zɔhane ala yɛɛ ye sonvolɛ ne bayɛ a.” Yemɔti Mɛfebɔhyɛte lile aleɛ wɔ Devidi ɛkponle zo dahuu kɛ asɛɛ belemgbunli amra ne mɔ ko ala la.

2 Sam 9:11 ပူးပေါင်းရင်းမြစ်များ

2 Sam 15:15

Na belemgbunli ne mgbanyima ne mɔ zele ye kɛ, “Nana, yɛboɔboa yɛ nwo kɛ debie biala mɔɔ ɛkɛha ɛkɛhile yɛ la yɛkɛyɛ.”

2 Sam 19:17

Ɔba la, ɔ nee Bɛngyaman abusua ekpunli ne anu menli apenle a rale a. Na Zaeba, mɔɔ le sonvolɛ wɔ Sɔɔlo awuke nu la, vale ɔ mra mrenya bulu nee nnu ne nee sonvolɛma abulanwiɔ nriandile rale Dwɔdan ne anloa kolaa na belemgbunli ne adwu ɛkɛ.

2 Sam 19:24

Sɔɔlo ara Mɛfebɔhyɛte ɔdaye ɔrayiale belemgbunli ne. Ɔvi kenle ko ne mɔɔ belemgbunli vile Gyɛlusalɛm toonwo mɔɔ eza yera sua nu anzonudwolɛ nu la, yeanrinzi ɔ gyakɛ anwo bɔbɔ, yɛɛ yeamkpa ɔ kɛsa na yeakpo ye adɛladeɛ ne mɔ.

2 Sam 19:26

Ɔbuale ye kɛ, “O me awulae, me belemgbunli, me sonvolɛ ne bɛlɛbɛlale me. Menzele ye kɛ, ‘Boɔboa me asoaso ne maa me maa me nee belemgbunli ɛhɔ,’ na yeanyɛ. Kɛmɔ ɛdawɔ ɛze la, mele abubura.

2 Sam 9:10

Akee ɛdawɔ nee ɛ mra mrenya nee wɔ sonvolɛma bazo ɛya amaa ye, na bɛava nuhua aleɛ bɛara, amaa ɛ menle anyia debie ali. Na Mɛfebɔhyɛte, ɛ menle ara nrenya ne, dahuu ɔ nee me bado ɛsalɛ.” (Zaeba lɛ mralɛ mrenya bulu nee nnu yɛɛ sonvolɛma abulanwiɔ.)

2 Sam 9:12

Mɛfebɔhyɛte wole ralɛ nrenya ko, bɛfɛlɛ ye Maeka. Na Zaeba abusua ne anu amra kɔsɔɔti yɛle Mɛfebɔhyɛte sonvolɛma.

2 Sam 9:13

Yemɔti Mɛfebɔhyɛte mɔɔ ɛnee le abubura la dɛnlanle Gyɛlusalɛm na ɔlile aleɛ dahuu wɔ belemgbunli ne ɛkponle zo.