2 Sam 9:1 - BAEBOLO ANZƐƐ BULUKU NWUANZANWUANZA

¹ Kenle ko Devidi bizale kɛ, “Awie tɛbɔ Sɔɔlo abusua ne anu mɔɔ Dwɔnatan ati ɔwɔ kɛ meyɛ ahunlunyele memaa ye ɔ?”

2 Sam 9:1 ပူးပေါင်းရင်းမြစ်များ

2 Sam 1:26

“Mesu wɔ, me diema Dwɔnatan; ɛsonle bolɛ ɛmaa me somaa! Ɛhulole me ɛmanle ɔyɛle nwanwane, ɔdɛlale mraalɛ ɛhulolɛ bɔbɔ.

2 Sam 21:7

Na kɛmɔ Devidi nee Sɔɔlo ara Dwɔnatan vale Ɛdɛnkɛma bɔle bɛ nwo ɛwɔkɛ la ati, Devidi gyakyile Dwɔnatan ara Mɛfebɔhyɛte, mɔɔ le Sɔɔlo anlɔnra ne,

2 Sam 9:7

Devidi zele ye kɛ, “Mmasulo; ɔlua ɛ ze Dwɔnatan ati mebayɛ ahunlunyele meamaa wɔ. Eza mebava ɛ nlenya Sɔɔlo azɛlɛ ne kɔsɔɔti meamaa wɔ. Akee ɔvi ɛnɛ mɔɔ kɔ la, me nee wɔ badɛnla ɛkponle ko anwo yɛado ɛsalɛ.”

1 Arl 2:7

“Ɛ nee Geleadenli Baazeleeyae amra ne mɔ ɛlua kɛnlɛma gyɛlɛɛnye na ɛ nee bɛ ɛdo ɛsalɛ ɛyɛba ko anu, kɛmɔ ɛ nee menli bie mɔ yɛ la, ɔboalekɛ mekɛ mɔɔ mevi ɛ diema nrenya Abesalɛm anwo lɔ menriandile la kɛ bɛliele me la ɛne.

Mrɛlɛbulɛ Buluku ne 27:10

Mmamaa ɛ rɛle fi ɛ gɔnwo nee ɛ ze agɔnwo, yɛɛ saa edwɛkɛ to wɔ a, mmakɔ ɛ diema nrenya sua nu. Agɔnwolɛ mɔɔ bikye wɔ la le kpalɛ tɛla adiema nrenya mɔɔ nee wɔ bɛ avinli twe la.

Edwɛkpa ne kɛmɔ Mateyu hɛlɛle la 10:42

Na bɛhakye ɛhye: Awie biala mɔɔ kɛmaa ngakula ngyikyi ɛhye mɔ anu ko nzule fɔlɔdɔdɔ kanrɛlɛ ko bɔbɔ kɛnlo, kɛ ɔle me ɛdoavolɛ la, kɛnyia nwolɛ ahatualɛ somaa!”

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Maake hɛlɛle la 9:41

Bɛhakye ɛhye! Awie biala mɔɔ ɔluakɛ bɛle Kelaese ne ɛdeɛ la ati ɔkɛmaa bɛ nzule bɛkɛnlo la kɛnyia ahatualɛ wɔ nwolɛ.

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

1 Sam 20:42

Na Dwɔnatan zele Devidi kɛ, “Kɔ anzonudwolɛ nu; sumunli kenle ala mɔɔ yɛ mu nwiɔ yɛkyekye na yɛli amonle wɔ Ɛdɛnkɛma anyunlu la, Ɛdɛnkɛma ɔdaye ɔbanlea kɛ ɛdawɔ nee medame, ɛ bo zo amra nee me bo zo amra bali ɛwɔkɛ ne azo dahuu.” Devidi vale ɔ ti bɔle nu, na Dwɔnatan ɔdaye ɔziale ɔhɔle sua nu.