2 Sam 8:2 - BAEBOLO ANZƐƐ BULUKU NWUANZANWUANZA

² Eza ɔlile Mowabema anwo zo konim. Ɔmanle bɛdedale aze ɛhonlone ɛhonlone. Menli nsa biala bɛhunle nuhua nwiɔ na bɛgyakyile ko. Yemɔti Mowabema yɛle Devidi ngɛkɛlɛ na bɛduale adwule bɛmanle ye.

2 Sam 8:2 ပူးပေါင်းရင်းမြစ်များ

2 Sam 12:31

na Devidi manle ezuavolɛ ne vale sɛlada, bulalɛ ahoanlɛ nee bulalɛ akuma yɛle gyima, na eza ɔmanle bɛguale belekese. Ɔmanle Amɔnoma mɔɔ wɔ azua gyɛne gyɛne zo la yɛle gyima zɔhane bie. Akee Devidi nee ye ɛlɔnema ne ziale hɔle Gyɛlusalɛm.

2 Sam 8:6

Akee Devidi yɛle ye ɛlɔnema azokoɛleɛ dɔɔnwo wɔ maanle ne anu na Seleama yɛle Devidi ngɛkɛlɛ na bɛduale adwule bɛmanle ye.

1 Arl 4:21

Sɔlɔmɔn ziele maanle ne kɔsɔɔti, ɛbɔ ye Azule Yufileti mɔɔ bagua Filisitiama azɛlɛ zo, ɔdwu Yigyibiti ɛweɛne zo amuala la rahotole Sɔlɔmɔn na bɛduale adwule mɔɔ fɛta la bɛmanle ye.

2 Arl 1:1

Mɔɔ Yizilayɛ Belemgbunli Ehabe wule la, Mowabe maanle ne dele atua wɔ Yizilayɛma anwo zo.

2 Arl 17:3

Aselea Belemgbunli Hyalemanizɛ vale konle doale ye. Hohyia manle ɔ sa zo na ɔduale adwule ɔmanle Hyalemanizɛ ɛvolɛ biala.

1 Edk 18:2

Eza ɔlile Mowabema anwo zo konim na ɔmanle bɛyɛle ye ngɛkɛlɛ na bɛduale adwule bɛmanle ye.

2 Edk 26:8

Amɔnoma duale adwule manle Ɛzaya. Ɛhye manle Ɛzaya anwo yɛle ɛzulolɛ na ye nganeɛ dendenle dwule Yigyibiti ɛweɛne zo.

Edwɛndolɛ Buluku ne 108:9

Mowabe le me kyɛnze bonkuma; mefuandi me mgbɔlaboa megua Yidɔm anwo zo; metea nu konimlilɛ nu wɔ Filisitiama anwo zo.”

Edwɛndolɛ Buluku ne 18:45

Nyɛvolɛ ne mɔ anwo mɔra dule, na bɛvale anwowozolɛ bɛvi bɛ aranemgbole ne mɔ anu bɛvindele.

Edwɛndolɛ Buluku ne 60:10

O Nyamenle, asoo ɛtɛkpole yɛ ɛ? O Nyamenle, ɛ nee yɛ ɛlɔnema ne angɔ.

Edwɛndolɛ Buluku ne 60:8

Mowabe le me kyɛnze bonkuma mɔɔ menrinzi me sa anwo nu, mefuandi me mgbɔlaboa megua Yidɔm anwo zo; metea nu konimlilɛ nu megua Filisitiama anwo zo.”

Edwɛndolɛ Buluku ne 83:6

Yidɔmma nee Yehyemeeyɛlema, Mowabema nee Hagelaema,

Ayezaya Buluku ne 36:16

Bɛmmatie Hɛzikaya! Aselea belemgbunli ne se bɛ nee ye ɛyɛ anzonudwolɛ ngyehyɛlɛ na bɛvi suakpole ne azo bɛvinde bɛrabɔ bɛ ti aze bɛmaa ye. Bɛyɛ ye zɔhane a ɔkɛmaa bɛ adenle ɔkɛmaa awie biala ɔdaye ɔkɛli ye vanye nee ye feege mbaka zo ma, na bɛanlo bɛdabɛ bɛ bula nu nzule,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:17

Menwu ye, na tɛ kɛkala ɔ; Me nye gyi nwo, noko ɔmbikye. Belemgbunli bavinde Yizilayɛ, Tumi kpole badwazo Yizilayɛ. Ɔbali Mowabe mgbanyima anwo zo konim Na yeabɛlɛ Sɛte abo zo amra aze.

1 Sam 10:27

Na menli kpamgbanvolɛma bie zele kɛ, “Duzu debie kpaziwɔkɛ bɔbɔ yɛɛ sonla ɛhye kɛhola kɛyɛ kɛmaa yɛ a?” Bɛkpole ye, bɛammaa ye ahyɛlɛdeɛ biala, noko Sɔɔlo andɛne bɛ zo.

1 Sam 14:47

Mɔɔ Sɔɔlo di Yizilayɛma belemgbunli la, ɔhonle ɔtiale ye kpɔvolɛma kɔsɔɔti; ɔhonle ɔtiale Mowabema, Amɔnoma, Yidɔmma, Zoba arelemgbunli nee Filisitiama. Na ɛleka biala mɔɔ ɔhonle la ɔlile konim.

1 Sam 22:3

Devidi vi ɛkɛ ne la ɔhɔle Mezepa mɔɔ wɔ Mowabe maanle nu la na ɔhɔzele Mowabe belemgbunli ne kɛ, “Mesɛlɛ wɔ, maa egya nee ɔmɔ ɛwoa ɛ nwo ɛke kɔkpula mekɛ mɔɔ menwɔnwu mɔɔ Nyamenle kɛyɛ kɛmaa me la.”

1 Sam 22:4

Yemɔti Devidi manle ye awovolɛ ne woale Mowabe belemgbunli ne anwo ɛkɛ, wɔ mekɛ tendenle ne mɔɔ ɔlile wɔ bolɛ bɔne ne anu la.