2 Sam 8:18 - BAEBOLO ANZƐƐ BULUKU NWUANZANWUANZA

¹⁸ Gyɛhɔyada ara Bɛnaya a nea Devidi sinzavolɛma ne anwo zo a yɛɛ Devidi amra mrenya ne mɔ le sɛlɛvolɛma.

2 Sam 8:18 ပူးပေါင်းရင်းမြစ်များ

2 Sam 15:18

Ye mgbanyima ne mɔ razenle, na bɛgyinlanle ye foa ko. Ye sinzavolɛma ne mɔ zenle lumuale ɔ nyunlu. Ɛlɔnema ɛya nsia ne mɔɔ ɔ nee bɛ vi Gate la noko zenle lumuale ɔ nyunlu.

2 Sam 20:23

Dwowabe nea Yizilayɛ ɛlɔnema ne anwo zo. Bɛnaya nea belemgbunli ne sinzavolɛma anwo zo;

2 Sam 20:26

yɛɛ Ayela mɔɔ vi Gyeeyɛɛ la le Devidi sɛlɛvolɛ.

2 Sam 20:7

Na Dwowabe ɛlɔnema ne, belemgbunli sinzavolɛma nee ɛlɔnema mɔɔ ɛha la lile Abehyae anzi bɛvi Gyɛlusalɛm bɛhɔle Bekelae ara Hyiba ɛhyelɛ.

1 Arl 1:38

Yemɔti sɛlɛvolɛ Zeedɔko, Nyamenle kpɔmanvolɛ Neetan nee Bɛnaya, yɛɛ Kɛlɛtema nee Pɛlɛtema mɔɔ le belemgbunli ne ɔdaye ye sonvolɛma la hɔvale Sɔlɔmɔn dɛnlanle Belemgbunli Devidi ɛkpɔnwɔndua ne azo na bɛ nee ye hɔle Gaehɔn.

1 Arl 1:44

Belemgbunli ɛmaa sɛlɛvolɛ Zeedɔko nee Nyamenle kpɔmanvolɛ Neetan, Gyɛhɔyada ara Bɛnaya nee Kɛlɛtema nee Pɛlɛtema, belemgbunli sinzavolɛma, ɛva ye ɛzie belemgbunli ɛkpɔnwɔndua ne azo ɛdudu gua

1 Arl 1:8

Noko sɛlɛvolɛ Zeedɔko nee Gyɛhɔyada ara Bɛnaya, Nyamenle kpɔmanvolɛ Neetan, Hyemɛyae nee Riliyae yɛɛ Devidi ɛlɔne nu katakyiema ne mɔ anli angɔ Adonaegya anzi.

1 Arl 2:25

Belemgbunli Sɔlɔmɔn amgba zoanle Gyɛhɔyada ara Bɛnaya manle ɔhɔhunle Adonaegya.

1 Arl 4:4

Gyɛhɔyada ara Bɛnaya le ɛlɔnema ne kpanyinli; Zeedɔko nee Abayata le sɛlɛvolɛma.

1 Arl 4:5

Azalaya nea maanzinli ne mɔ anu amɛnladoma ne mɔ anwo zo. Bɛfɛlɛ ɔ ze Neetan. Zeebɛde le sɛlɛvolɛ yɛɛ yemɔ a ɔtu belemgbunli folɛ a. Ɔ ze a le Neetan.

2 Arl 11:4

Ehazaya wule la, ye ɛvolɛ nsuu ne azo, sɛlɛvolɛ Gyɛhɔyada zoanle manle bɛhɔvale belemgbunli sinzavolɛma, nee belemgbunli sua nu sinzavolɛma ne mɔ bɛrale Ɛzonlenlɛ sua ne anu. Ɔ nee bɛ yɛle ngyehyɛlɛ na ɔmanle bɛlile amonle bɛhyele ɔ bo wɔ Ɛzonlenlɛ Sua ne anu, na akee ɔvale Belemgbunli Ehazaya ara nrenya Dwowahye ɔhilele bɛ,

1 Edk 11:22

Gyɛhɔyada, nrenya kakanyinli bie mɔɔ vi Kabezili la ara Bɛnaya le katakyie. Ɔyɛle ninyɛne mgbole. Ɔhunle Mowabe ɛlɔnema anu menli mgbole nwiɔ. Eza kenle ko mɔɔ ɛnee “ezukɔtweaba” ɛlɛtɔ kpalɛ la ɔdwule kuma bie anu ɔhɔhunle awenade.

1 Edk 18:17

Gyɛhɔyada ara Bɛnaya a nea Devidi sinzavolɛma anwo zo a; yɛɛ Belemgbunli Devidi amra mrenya ne mɔ dedɛ gyima nu gyinlabelɛ mgbole.

Yizikeɛle Buluku ne 25:16

Yemɔti medame Awulae Nyamenle mese, mebadea Filisitiama nee Kɛlɛtema, meabɔ bɛ bo zo bɔkɔɔ, na meazɛkye bɛ menli mɔɔ ɛha mɔɔ wɔ ɛnweanloa la.

Zɛfanaya Buluku ne 2:5

Bɛdabɛ mɔɔ bɛwɔ Kɛlɛte maanle nu, mɔɔ bɛde nyevile ne anloa la, bɛ gyakɔ! Filisitiama mɔɔ de Keena azɛlɛ zo, Ɛdɛnkɛma edwɛkɛ ne tia bɛ. Ɔse, “Mebazɛkye bɛ bɔkɔɔ; sonla ko bɔbɔ ɛnrɛha.”

1 Sam 30:14

Yɛhɔvale Kɛlɛte maanle ne mɔɔ wɔ Dwuda nyiakɛ la anu ninyɛne kɔsɔɔti nee Kalɛbe abusua ne maanle ne anu debie biala, yɛɛ yɛyelale Zekelage.”