2 Sam 8:16 - BAEBOLO ANZƐƐ BULUKU NWUANZANWUANZA

¹⁶ Zɛluaya ara Dwowabe a nea ɛlɔnema ne anwo zo a; Gyɛhɔhyafate mɔɔ ɔ ze a le Ahaelɛde la a le maanle ne kɛlɛhɛlɛvolɛ a;

2 Sam 8:16 ပူးပေါင်းရင်းမြစ်များ

2 Sam 18:2

Ɔvale ekpunli ko ɔwulale Dwowabe asa anu; ɔvale ekpunli ne mɔɔ tɔ zo nwiɔ la ɔwulale Dwowabe adiema nrenya Zɛluaya ara Abehyae asa anu yɛɛ ɔvale ekpunli ne mɔɔ tɔ zolɛ nsa la ɔwulale Gatenli Yetae asa anu. Akee belemgbunli ne zele menli ne kɛ, “Medame mumua ne me nee bɛ bahɔ.”

2 Sam 19:13

Bɛze Ameesa kɛ, ɔle me nwo sonla. Saa meandu Dwowabe, meanva ɔdaye Ameesa meanyɛ me Safohyenlema Kpanyinli mɔɔ nea me ɛlɔnema ne anwo zo la a, Nyamenle ɛdua me kakɛ ɛgua me bie zo.”

2 Sam 2:13

Dwowabe mɔɔ ɔ nli a le Zɛluaya la nee Devidi mgbanyima ne mɔ noko hɔyiale bɛ wɔ Gebɛyɔn nzubula ne azo na bɛdɛnlanle aze. Ekpunli ko wɔ nzubula ne anzi foa ko yɛɛ ekpunli ko noko wɔ ye foa ko.

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

1 Arl 4:3

Kɛlɛhɛlɛvolɛma a le Yilaehɔlɛfe nee Ahaegya; bɛ ze a le Hyaehya. Ahaelɛde ara Gyɛhɔhyafate a le abɔlɔba mɔɔ kɛlɛhɛlɛ mɔɔ sisi maanle ne anu la wɔ mbuluku nu a.

2 Arl 18:18

Akee bɛzoanle kɛ bɛhɔvɛlɛ Hɛzikaya na Hɛzikaya mbɔlɔba nsa vindele kɛ bɛkayia bɛ. Bɛmɛ a le Belekaya ara Yilayakem mɔɔ nea suakunlu ɛkɛ ne la, Hyɛbena mɔɔ le kɔɔto kɛlɛhɛlɛvolɛ ne yɛɛ Esafe ara Dwowaa mɔɔ yemɔ a nea suakunlu ɛkɛ ne ngɛlata zo la.

2 Arl 18:37

Na Yilaya, Hyɛbena, yɛɛ Dwowaa vale nyane suosuanle bɛ adɛladeɛ ne mɔ anu na bɛhɔhanle mɔɔ Aselea Safohyenle ne hanle la bɛhilele belemgbunli ne.

1 Edk 11:6

Akee Devidi zele kɛ, “Awie biala mɔɔ kɛlumua kɛhu Gyibɛsenli la mebayɛ ye me ɛlɔnema ne safohyenlema kpanyinli. Na Zɛluaya ara Dwowabe lumuale hunle bie, na bɛyɛle ye ɛlɔnema ne safohyenlema kpanyinli.”