2 Sam 8:15 - BAEBOLO ANZƐƐ BULUKU NWUANZANWUANZA

¹⁵ Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

2 Sam 8:15 ပူးပေါင်းရင်းမြစ်များ

2 Sam 15:3

ɛnee Abesalɛm ɛha ɛhile ye kɛ, “Nea, wɔ edwɛkɛ yɛ fɛ bɔkɔɔ na belemgbunli ɛnlɛ awie kpaziwɔkɛ biala mɔɔ di wɔ edwɛkɛ ne amaa wɔ a.”

2 Sam 20:23

Dwowabe nea Yizilayɛ ɛlɔnema ne anwo zo. Bɛnaya nea belemgbunli ne sinzavolɛma anwo zo;

2 Sam 3:12

Abenɛɛ zoanle menli wɔ Devidi anwo wɔ Hibulɔn manle bɛhɔzele ye kɛ, “Azɛlɛ ne, nwane ɛdeɛ ɔ? Maa yɛyɛ ngyehyɛlɛ na menwɔboa wɔ menwɔmaa ɛkɛlie Yizilayɛ maanle ne kɔsɔɔti.”

2 Sam 5:5

Ɔdɛnlanle Hibulɔn ɔziele Dwuda ɛvolɛ nsuu siane nsia, yɛɛ ɔdɛnlanle Gyɛlusalɛm ɔziele Yizilayɛ nee Dwuda maanle ne amuala ɛvolɛ abulasa nee nsa.

2 Sam 8:14

Ɔyɛle ye ɛlɔnema azokoɛleɛ dɔɔnwo wɔ Yidɔm maanle ne anu, na Yidɔmma yɛle Devidi ngɛkɛlɛ. Ɛleka biala mɔɔ Devidi hɔle la, Ɛdɛnkɛma manle ɔlile konim.

2 Sam 8:16

Zɛluaya ara Dwowabe a nea ɛlɔnema ne anwo zo a; Gyɛhɔhyafate mɔɔ ɔ ze a le Ahaelɛde la a le maanle ne kɛlɛhɛlɛvolɛ a;

1 Arl 10:9

Ayɛlɛyelɛ ɛha Ɛdɛnkɛma wɔ Nyamenle ne kɛ yehulo wɔ na yemaa bɛva wɔ bɛzie Yizilayɛ belemgbunli ebia ne azo la. Kɛmɔ Ɛdɛnkɛma kulo Yizilayɛma na ɔkulo kɛ bɛtɛnla ɛkɛ dahuu la ati yɛɛ yemaa bɛva wɔ bɛzie belemgbunli a, amaa wɔava pɛlepɛlelilɛ wɔazie bɛ na bɛayɛ tenlenema.”

1 Arl 4:1

Belemgbunli Sɔlɔmɔn ziele Yizilayɛ maanle ne amuala.

1 Edk 18:14

Devidi ziele Yizilayɛma amuala na ɔnleanle ɔmanle awie biala akunlu dwole ɔ nwo mɔɔ bɛnsisi bɛ nuhua biala a.

Edwɛndolɛ Buluku ne 119:121

Meyɛ mɔɔ le pɛlepɛle na ɔtenrɛ la, mmagyakyi me ɛmaa menli mɔɔ sisi me la.

Edwɛndolɛ Buluku ne 72:2

Maa ɔva tenleneyɛlɛ ɔbua ye menli ne ndɛne, na ɔva pɛlepɛle ɔbua ehyianvolɛma ndɛne.

Edwɛndolɛ Buluku ne 75:2

Nyamenle se, “Saa mekɛ ne mɔɔ mehile la dwu a, mebabua ndɛne wɔ ye adenle zo.

Edwɛndolɛ Buluku ne 89:14

Tenleneyɛlɛ nee pɛlepɛlelilɛ le wɔ belemgbunli ebia ne adiabo; ɛhulolɛ kpundii nee nɔhalɛlilɛ a gyi ɛ nyunlu a.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Emɔzo Buluku ne 5:15

Kyi mɔɔ le ɛtane la, na kulo mɔɔ le kpalɛ la, na nea maa nɔhalɛlilɛ ɛrɛla edwɛkɛlilɛ ɛleka ne mɔ; wɔannea a Ɛdɛnkɛma, Tumivolɛ Nyamenle ne kɛnwu Dwosefi abo zo amra ne mɔɔ ɛha la anwunvɔne.

Emɔzo Buluku ne 5:24

Kɛ bɛkɛyɛ ɛhye mɔ la, bɛmaa pɛlepɛlelilɛ ɛze kɛ azudenle, na tenleneyɛlɛ ɛze kɛ azule mɔɔ ɛnsesa ɛlɛ la.

Kɛlata mɔɔ bɛhɛlɛle bɛhɔmanle Hibuluma la 11:33

Bɛluale diedi zo bɛhonle na bɛlile maanle dɔɔnwo anwo zo konim. Bɛnleanle bɛmanle pɛlepɛlelilɛ yɛle gyima na bɛnyianle Nyamenle ɛwɔkɛ ne mɔ. Bɛluale diedi zo bɛhanle awenade nloa bɛdole nu,

1 Sam 14:47

Mɔɔ Sɔɔlo di Yizilayɛma belemgbunli la, ɔhonle ɔtiale ye kpɔvolɛma kɔsɔɔti; ɔhonle ɔtiale Mowabema, Amɔnoma, Yidɔmma, Zoba arelemgbunli nee Filisitiama. Na ɛleka biala mɔɔ ɔhonle la ɔlile konim.