2 Sam 8:14 - BAEBOLO ANZƐƐ BULUKU NWUANZANWUANZA

¹⁴ Ɔyɛle ye ɛlɔnema azokoɛleɛ dɔɔnwo wɔ Yidɔm maanle ne anu, na Yidɔmma yɛle Devidi ngɛkɛlɛ. Ɛleka biala mɔɔ Devidi hɔle la, Ɛdɛnkɛma manle ɔlile konim.

2 Sam 8:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:23

Na Ɛdɛnkɛma zele ye kɛ, “Maanle nwiɔ a gua ɛ kunlu a; Ɛbawo ndalɛ, na bɛ nloa ɛnrɛzɛ. Ko anwo bayɛ se adɛla ko; Kpanyinli ne bazonle ekyi ne.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 27:29

Ɔmaa menli ɛzonle wɔ, na maanle maanle ɛbɔ bɛ ti aze ɛmaa wɔ. Ɔmaa ɛzie ɛ mediema ne mɔ, na ɛ nli akunlu amra mrenya ɛbɔ bɛ ti aze ɛmaa wɔ. Awie mɔɔ kɛbɔ wɔ sasa la, munzule ɛha ye, na mɔɔ kɛyileyila wɔ la, nyilalɛ ɛha ye!”

2 Sam 5:10

Akee Devidi anwo yɛle ɛzulolɛ kpole kpalɛ, ɔboalekɛ Tumivolɛ Ɛdɛnkɛma Nyamenle ne nee ye lua.

2 Sam 7:9

yɛɛ adenle biala anu me nee wɔ ɛlua. Meli wɔ kpɔvolɛma kɔsɔɔti anwo zo konim memaa wɔ; mebamaa wɔalie duma kpole, kɛmɔ mgbolema mɔɔ wɔ aleɛabo la lɛ ye la.

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

2 Sam 8:6

Akee Devidi yɛle ye ɛlɔnema azokoɛleɛ dɔɔnwo wɔ maanle ne anu na Seleama yɛle Devidi ngɛkɛlɛ na bɛduale adwule bɛmanle ye.

1 Arl 11:15

Mekɛ mɔɔ Devidi honle vale Yidɔm la, Devidi safohyenle kpanyinli ne mɔɔ bɛfɛlɛ ye Dwowabe la hɔle kɛ ɔkazie menli mɔɔ dɔle konle ne anu la. Ɔvale nu ɔhunle mrenya mɔɔ hale Yidɔm la kɔsɔɔti.

1 Arl 22:47

Mekɛ ne anu ɛnee belemgbunli ɛnle Yidɔm. Dwuda belemgbunli yɛɛ dule sonla mɔɔ ɛnee gyi ɔ gyakɛ anu nea maanzinli ne azo a.

1 Arl 22:48

Belemgbunli Gyɛhɔhyafate bobɔle gualilɛ meli mɔɔ kɔ Ofɛ kɛ bɛkakpondɛ ezukoa nvutuke bɛara, noko bɛandwu. Ɔboalekɛ meli ne mɔ nlomanle wɔ Ɛzeɔngibɛ.

2 Arl 14:7

Amazaya hunle Yidɔm ɛlɔnema apenle bulu wɔ Ngyenle Bɔnza. Eza ɔhonle ɔvale Selea suakpole ne na ɔhakyile sua ne duma ɔvɛlɛle ye Dwɔketii. Duma ɛhye ala a ɛnɛ nee ɛnɛ bɛtɛfa bɛtɛfɛlɛ suakpole ne a.

2 Arl 18:7

Yemɔti ɛnee Ɛdɛnkɛma nee ye lua yɛɛ ɔkpazile wɔ debie biala mɔɔ ɔyɛle la anu. Ɔdele Aselea belemgbunli ne anwo atua na ɔkpole kɛ ɔkɛboa belemgbunli ne abo.

1 Edk 18:13

Ɔyɛle ye ɛlɔnema azokoɛleɛ dɔɔnwo wɔ Yidɔm amuala, na ɔmanle menli mɔɔ wɔ maanle ne anu la yɛle Belemgbunli Devidi ngɛkɛlɛ. Ɛdɛnkɛma manle Devidi lile konim wɔ ɛleka biala.

Edwɛndolɛ Buluku ne 60:1

O Nyamenle, wɔkpo yɛ, wɔgologolo yɛ nwo banebɔlɛ; wɔva yɛ nwo ɛya; O, fa yɛ sie yɛ bo zo ne.