2 Sam 7:8 - BAEBOLO ANZƐƐ BULUKU NWUANZANWUANZA

⁸ “Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

2 Sam 7:8 ပူးပေါင်းရင်းမြစ်များ

2 Sam 12:7

Neetan zele Devidi kɛ, “Sonla zɔhane, yemɔ a le ɛdawɔ. Na kɛ Ɛdɛnkɛma, Yizilayɛ Nyamenle ne se la ɛne: Menziele wɔ Yizilayɛ belemgbunli, menliele wɔ menvile Sɔɔlo asa anu;

2 Sam 14:13

Raalɛ ne hanle kɛ, “Na duzu ati yɛɛ wɔyɛ ɛtane ɛhye wɔtia Nyamenle menli ne a? Edwɛkɛ ɛhye mɔɔ wɔha la kile kɛ wɔbu ɛ nwo fɔlɛ. Duzu ati a ɛnrɛmaa ɛ ra nrenya ne mɔɔ ɛdɔ ɛbɔ nu la ɛnrɛzia ɛnrɛra ɛ?

2 Sam 23:1

Gyɛsi ara Devidi a le sonla mɔɔ Nyamenle kpogyale ye zo a. Yemɔ yɛɛ Gyekɔbo Nyamenle ne kpale nuhua yele ye ziele ye belemgbunli a. Yemɔ a ɔsesale Yizilayɛma edwɛne fɛlɛko ne mɔ agbɔkɛ a. Ye edwɛkɛ mɔɔ li amozi la ɛne:

2 Sam 24:17

Mɔɔ Devidi nwunle Nyamenle soanvolɛ ne mɔɔ ɛlɛkuhu menli ne mɔ la, ɔzɛlɛle Ɛdɛnkɛma kɛ, “Mame, meze kɛ meyɛ ɛtane na mebɔ munzule, na mboane ɛhye mɔ, duzu a bɛyɛ a? Mesɛlɛ wɔ, maa wɔ ndeanlɛ ne ɛyɛ me ngome nee egya awuke nu amra ɛdeɛ.”

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

2 Sam 6:21

Na Devidi zele Maekale kɛ, “Menzile agole, menyele Ɛdɛnkɛma ne mɔɔ vale ɛ ze nee ye abusua ne ziele ahane, na ɔziele me ye menli Yizilayɛma belemgbunli la ayɛlɛ. Na mebahɔ zolɛ meazi agole meawula Ɛdɛnkɛma anyunlunyia dahuu.

1 Arl 3:6

Sɔlɔmɔn buale kɛ, “Kɛmɔ wɔ akɛlɛ, egya Devidi lile nɔhalɛ manle wɔ, ɔvale ye ahonle kɔsɔɔti ɔdiele ɛ ne, na ɔbɔle ɛbɛla mɔɔ sɔ ɛ nye la, ɛhulole ye edwɛkɛ bɔkɔɔ. Ɛhye ati wɔhyɛ ye ralɛ nrenya wɔmaa ɛnɛ mede ɔ bo zo ne.

1 Arl 8:16

‘Sumunli kɛ menyele me menli Yizilayɛma menvile Yigyibiti la, metɛyele suakpole biala wɔ abusua ekpunli biala maanzinli nu kɛ bɛzi sua bɛmaa me na me duma adɛnla ɛkɛ; noko meye Devidi kɛ yemɔ yɛɛ ɔzie me menli ne na ɔnlea bɛ nwo zo a.’ ”

1 Edk 17:7

“Yemɔti ka kile me sonvolɛ Devidi kɛ, ‘Medame, Tumivolɛ Ɛdɛnkɛma, meka meahile ye kɛ: Ɛnee ɛka mboane wɔ fienemgbole nu yɛɛ menvale wɔ kɛ ɛrazie me menli Yizilayɛma a.

1 Edk 21:17

Na Devidi zɛlɛle zɛhae, “O Nyamenle, medame a medi fɔlɛ a. Medame a menganle kɛ bɛhɔdia menli ne a. Na menli ɛhye mɔ, bɛtɛyɛle ɛhwee. Ɛdɛnkɛma, me Nyamenle, tea me nee egya sua nu amra, na gyakyi wɔ menli ne mɔ.”

Emɔzo Buluku ne 7:15

Na Ɛdɛnkɛma manle mengyakyile mboaneneavolɛ gyima ne, na ɔzoanle me kɛ mengɔnga mɔɔ kenle bie bazi la anwo edwɛkɛ mengile ye menli Yizilayɛma.

Ɛzoanvolɛma Gyima ne 7:46

Nyamenle anye zɔle Devidi na Devidi zɛlɛle Nyamenle kɛ ɔmaa ye adenle ɔmaa ɔzi sua ɔmaa Gyekɔbo Nyamenle ne.

1 Sam 10:1

Akee Samoɛle vale dwora mɔɔ nwole wɔ nu la, ɔwolale ɔguale Sɔɔlo ati zo, ɔvole ɔ nvoka anwo na ɔzele kɛ, “Ɛdɛnkɛma ɛye wɔ kɛ ɛzie ye menli Yizilayɛma. Ɛbazie bɛ na wɔalie bɛ wɔavi bɛ kpɔvolɛma asa anu. Na ɛhye a le sɛkɛlɛneɛ mɔɔ bahile kɛ Ɛdɛnkɛma ɛye wɔ kɛ ɛzie ye menli ne la a.

1 Sam 2:8

Ɔye ehyianvolɛma ɔfi bɛ nyane nu, ɔye anwunvɔnema ɔfi bɛ amaneɛnwunlɛ nu. Ɔyɛ bɛ arelemgbunli agɔnwo mɔ na ɔmaa bɛdi bɛ eni dɔɔnwo. Azɛlɛ ye adiabo ne le Ɛdɛnkɛma ɛdeɛ; zolɛ yɛɛ yezie ewiade a.

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”