2 Sam 7:6 - BAEBOLO ANZƐƐ BULUKU NWUANZANWUANZA

⁶ Sumunli kɛ menyele Yizilayɛma menvile Yigyibiti azɛlɛ zo mɔɔ yeradwu ɛnɛ la, metɛtɛnlanle sua nu ɛlɛ. Meli tutɛnla wɔ ndanlɛ azua nu.

2 Sam 7:6 ပူးပေါင်းရင်းမြစ်များ

2 Sam 11:11

Yulaya buale kɛ, “Nana, Yizilayɛma nee Dwudama wɔ konle nloa. Nyamenle Ngyekyeleɛ Ɛlɛka ne nee bɛ a wɔ lɔ a; me Safohyenle Kpanyinli Dwowabe nee ye boavolɛma la kpatawienyi nu. Duzu ati a ɔwɔ kɛ mame mekɔ sua nu, mekɔdi meno, na me nee me ye da ɛ? Meka ɛ ti metane wɔ kɛ menrɛyɛ nyɛleɛ mɔɔ le zɛhae la fee.”

1 Arl 8:16

‘Sumunli kɛ menyele me menli Yizilayɛma menvile Yigyibiti la, metɛyele suakpole biala wɔ abusua ekpunli biala maanzinli nu kɛ bɛzi sua bɛmaa me na me duma adɛnla ɛkɛ; noko meye Devidi kɛ yemɔ yɛɛ ɔzie me menli ne na ɔnlea bɛ nwo zo a.’ ”

Ɛzoanvolɛma Gyima ne 7:44

“Ɛsɛlɛ ne azo yɛɛ yɛ nlenya mɔ nyianle Ɛdanlɛ Sua ne mɔɔ kile kɛ Nyamenle de bɛ avinli la a. Bɛyɛle ye kɛmɔ Nyamenle zele Mosisi ala la, nzonlɛ mɔɔ Nyamenle vale hilele Mosisi la azo a ɔnleanle ɔzile a.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Mɛla 23:14

Ɔboalekɛ Ɛdɛnkɛma bɛ Nyamenle ne luolua bɛ azokoɛleɛ ne kɛ ɔbalie bɛ na yeaye bɛ kpɔvolɛma ne yeamaa bɛ. Ɛhye ati ɔwɔ kɛ azokoɛleɛ ɛkɛ ne te, amaa yeannwu debie ɛtane biala wɔ ɛkɛ ne na yeahakyi ɔ nwo yeahɔ.

Dwɔhyua Buluku ne 18:1

Yizilayɛma honle vale azɛlɛ ne la, nzinlii bɛ muala bɛyiale Hyaelo na bɛzile Ɛdɛnkɛma Ɛzonlenlɛ Ndanlɛ Sua ne.

Yekile 2:1

“Kɛlɛ ɛhye kɔmaa Ɛfɛsɛse asɔne ne Nyamenle soanvolɛ ne. “Nrɛlaleɛ ɛhye vi mɔɔ lɛ nwɔlɔra nsuu ne mɔ ɔ sa fema ne anu na ɔluolua ezukoa nvutuke kɛnlaneɛ mbaka nsuu ne mɔ avinli la ɛkɛ ne.

Maanlebuvolɛma Buluku ne 20:27

Mekɛ ne anu ɛnee Nyamenle Ngyekyeleɛ Ɛlɛka ne wɔ ɛkɛ, na Aalɔn ara nrenya Ɛlieza ara Fenɛhaze a le sɛlɛvolɛ a. Na Yizilayɛma bizale Ɛdɛnkɛma bieko kɛ, “Eza yɛva konle yɛhɔdoa yɛ mediema Bɛngyamanema bieko ɔ, anzɛɛ yɛgyakyi?” Ɛdɛnkɛma buale kɛ, “Bɛhɔ bieko, ɔluakɛ ɛhyema mebaye Gebɛyama meamaa bɛ,”