2 Sam 7:3 - BAEBOLO ANZƐƐ BULUKU NWUANZANWUANZA

³ Na Neetan zele belemgbunli ne kɛ, “Kɔ na kɔyɛ debie biala mɔɔ wɔ wɔ ahonle nu la, ɔluakɛ Ɛdɛnkɛma nee wɔ lua.”

2 Sam 7:3 ပူးပေါင်းရင်းမြစ်များ

2 Sam 7:4

Na kenle ko ne nɔe ne, Ɛdɛnkɛma zele Neetan kɛ,

1 Arl 1:8

Noko sɛlɛvolɛ Zeedɔko nee Gyɛhɔyada ara Bɛnaya, Nyamenle kpɔmanvolɛ Neetan, Hyemɛyae nee Riliyae yɛɛ Devidi ɛlɔne nu katakyiema ne mɔ anli angɔ Adonaegya anzi.

2 Arl 4:27

Na mɔɔ ɔdwule Yilaehya anwo ɛkɛ ne wɔ boka ne azo la ɔhotole ɔbɔle ɔ ti aze, ɔzɔle Yilaehya agyakɛ. Gɛheezae rale kɛ ɔbahwe ye ahane na Yilaehya zele ye kɛ, “Gyakyi ye na nyane kpole ɛha ye, yemɔ a Ɛdɛnkɛma ɛva ɛvea me mɔɔ yeanga yeangile me la.”

1 Edk 22:7

Ɔzele Sɔlɔmɔn kɛ, “Me ra, ɛnee mekulo kɛ mesi ɛzonlenlɛ sua mefa medi Ɛdɛnkɛma me Nyamenle ne eni.

1 Edk 28:2

Devidi dwazole gyinlanle bɛ nyunlu ɛkɛ na ɔzele bɛ kɛ, “Me mediema nee me ɛlɔnema, bɛdie me. Menyɛle me adwenle kɛ mesi sua meamaa bɛava Ngyekyeleɛ Ɛlɛka ne, mɔɔ le Ɛdɛnkɛma yɛ Nyamenle ne agyakɛ abo ebia la bɛazie nuhua mɔɔ bɛndu ɔ bo bieko ɛlɛ a. Meboɔboa me nwo kɛ mesi Ɛzonlenlɛ Sua ne.

1 Edk 29:29

Belemgbunli Devidi anwo edwɛkɛ nee ye nyɛleɛ biala mɔɔ ɔyɛle la, bɛhɛlɛ bɛ wɔ Nyamenle Kpɔmanvolɛma Samoɛle, Neetan, yɛɛ Gaade Mbuluku nsa ne anu.

2 Edk 29:25

Akee ɔvale Livaema ne ɔziele bɛ bo zo ne wɔ Ɛdɛnkɛma Ɛzonlenlɛ Sua ne anu na ɔmanle bɛ sɔnwosɔnwo, yɛɛ getaa mgbole nee ngyikyi, kɛmɔ Belemgbunli Devidi, Gaade mɔɔ ka Nyamenle nrɛlaleɛ ne kile Devidi, nee Nyamenle kpɔmanvolɛ Neetan hyehyɛle dole ɛkɛ ne la, ɔluakɛ Ɛdɛnkɛma yɛɛ luale ye kpɔmanvolɛma anwo zo hyehyɛle a.

Edwɛndolɛ Buluku ne 20:4

Ɔmaa ɛ sa ɛha mɔɔ ɛkpondɛ la, na ɔmaa wɔ adwenle ngyehyɛlɛ muala ɛyɛ zɔ.

Edwɛndolɛ Buluku ne 37:4

Maa ɛ nye ɛlie Ɛdɛnkɛma anwo, na ɔbamaa wɔanyia mɔɔ ɛkpondɛ la.

1 Dw 2:27

Bɛmɛ, Sunsum ne mɔɔ Kelaese ɛwola ɛgua bɛ nwo zo la tɛbɔ bɛ nwo, yemɔti bɛngyia kilehilevolɛ bieko, ɔluakɛ ye Sunsum ne bahilehile bɛ debie biala, yɛɛ ɔnle adalɛ, ɔka nɔhalɛ. Ngilehilelɛ mɔɔ yeva yemaa bɛ la bɛli zo na bɛ nee Kelaese ɛyɛ ko ɛdɛnla.

1 Sam 10:7

Saa sɛkɛlɛneɛ ɛhye mɔ sisi a, debie biala mɔɔ Nyamenle kɛze wɔ kɛ ɛyɛ la, yɛ. Ɔluakɛ Nyamenle nee wɔ a lua a.

1 Sam 14:7

Kpavolɛ ne buale ye kɛ, “Debie biala mɔɔ wɔ adwenle se wɔ la, yɛ; megyi ɛ nzi. Wɔ adenle biala anu, menrɛgyakyi ɛ nzi ɛlilɛ.”

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”