2 Sam 7:25 - BAEBOLO ANZƐƐ BULUKU NWUANZANWUANZA

²⁵ “Na kɛkala, O Ɛdɛnkɛma Nyamenle, kɛmɔ ɛdawɔ wɔha wɔ wɔ sonvolɛ ye nee ɔ bo zo amra anwo la, moa zolɛ na maa ɔyɛ zɔhane;

2 Sam 7:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:12

Wɔmɔ yɛɛ ɛhanle kɛ, ‘Mebayɛ wɔ boɛ na meamaa ɛ bo zo amra anwo azo kɛ ɛnweazo anwea, mɔɔ bɛ somaa ti bɛnrɛhola bɛ tia a.’ ”

2 Sam 7:24

Wɔyɛ Yizilayɛma wɔ menli wɔ melɛ mɔɔ ɛnlɛ awieleɛ, na wɔmɔ Ɛdɛnkɛma wɔyɛ bɛ Nyamenle.

2 Sam 7:26

na bɛkɛbɔ wɔ duma bɛkɛze kɛ, ‘Tumivolɛ Ɛdɛnkɛma le Yizilayɛ Nyamenle’, na wɔ sonvolɛ Devidi belemgbunlililɛ ne ɛnrɛbɔ aze ɛlɛ wɔ ɛ nyunlu.

1 Arl 2:4

Saa ɛyɛ ɛhye a yɛɛ Ɛdɛnkɛma ɛwɔkɛ ne mɔɔ ɔbɔle me la bayɛ nɔhalɛ a. Ɛdɛnkɛma zele me kɛ, ‘Saa ɛ mra ne mɔ nea boɛ na bɛfa bɛ ahonle nee bɛ ɛkɛla muala bɛtoa me bo zo nɔhalɛ nu a, yemɔ ɛ bo zo amra ɛnrɛvi Yizilayɛ belemgbunli ebia ne azo ɛlɛ.’

1 Arl 8:26

Zɔhane ati, O Yizilayɛ Nyamenle, maa edwɛkɛ biala mɔɔ ɛhanle ɛhilele wɔ akɛlɛ, me ze Devidi la ɛyɛ zɔhane.’

2 Edk 6:17

Yemɔti, O Ɛdɛnkɛma, Yizilayɛ Nyamenle, maa mɔɔ wɔha la biala ɛyɛ nɔhalɛ, kɛmɔ ɛvale ɛbɔle me ze Devidi ɛwɔkɛ la.

Edwɛndolɛ Buluku ne 119:38

Wɔ ɛwɔkɛ ne mɔɔ wɔbɔ bɛdabɛ mɔɔ bɛsulo wɔ la, moa zolɛ maa wɔ sonvolɛ.

Edwɛndolɛ Buluku ne 119:49

Kakye wɔ ɛwɔkɛ ne mɔɔ wɔbɔ wɔ sonvolɛ, mɔɔ ɔlua zo wɔmaa menyia anyelazo la.

Yizikeɛle Buluku ne 36:37

Awulae Nyamenle ne se, “Eza mebamaa Yizilayɛma abiza me bɛamaa meayɛ ɛhye meamaa bɛ. Mebamaa bɛ nwo azo kɛ mboane ekpunli.

1 Sam 1:23

Ɛlekana buale ye kɛ, “Nɔhalɛ, yɛ mɔɔ ɔwɔ kɛ ɛyɛ la; tɛnla sua nu kɔkpula mekɛ mɔɔ kakula ne kɛpɛ nyɛfonlɛ na ɔ nwo kɛkputi la. Ɛdɛnkɛma ɛmaa wɔ ɛwɔkɛ ne ɛyɛ zɔhane.” Yemɔti Hana dɛnlanle sua nu na ɔlile kakula ne adane.