2 Sam 7:23 - BAEBOLO ANZƐƐ BULUKU NWUANZANWUANZA

²³ Maanle biala ɛnle aleɛabo kɛ wɔ menli Yizilayɛma mɔɔ ɛkpɔnenle bɛ na ɛyɛle bɛ wɔ menli la. Ninyɛne mgbole nee nwanwane ninyɛne mɔɔ ɛyɛle ɛmanle bɛ la ɛmaa wɔ duma ɛkponde aleɛabo ɛleka biala. Mekɛ mɔɔ wɔ menli mɔɔ ɛyele bɛ ɛvile Yigyibiti la kɔ bɛ nyunlu la, ɛdule maanle maanle nee bɛ awozonle ne mɔ.

2 Sam 7:23 ပူးပေါင်းရင်းမြစ်များ

2 Sam 7:24

Wɔyɛ Yizilayɛma wɔ menli wɔ melɛ mɔɔ ɛnlɛ awieleɛ, na wɔmɔ Ɛdɛnkɛma wɔyɛ bɛ Nyamenle.

1 Edk 17:21

Maanle biala ɛnle ewiade ye anu mɔɔ nee Yizilayɛ sɛ a. Ɛyele bɛ ɛvile akɛlɛzonlenlɛ nu na ɛrayɛle bɛ wɔ menli. Ninyɛne mgbole mɔɔ yɛ nwanwane mɔɔ ɛyɛle ɛmanle bɛ la manle wɔ duma kpondenle ewiade ye. Ɛliele wɔ menli ne ɛvile Yigyibiti na ɛvoanle maanle maanle mɔɔ ɛha la wɔ mekɛ mɔɔ wɔ menli ne ɛlɛba la.

Nihɛmaya Buluku ne 1:10

“Bɛle wɔ sonvolɛma nee wɔ menli mɔɔ ɛdawɔ wɔva wɔ tumi kpole ne nee wɔ anwosesebɛ ne wɔlie bɛ a.

Edwɛndolɛ Buluku ne 106:22

ye nwanwane gyima ne mɔɔ ɔyɛle wɔ Yigyibiti nee ninyɛne ɛzulolɛ ɛzulolɛ ne mɔ mɔɔ ɔyɛle bɛ Nyevile Kɔkɔlɛ ne anloa la.

Edwɛndolɛ Buluku ne 111:9

Ɛdɛnkɛma liele ye menli ne, na ɔ nee bɛ yɛle ngyekyeleɛ mɔɔ bɛntulu ye ɛlɛ a. Ye duma ne le kpole, ɔle nwuanzanwuanza.

Edwɛndolɛ Buluku ne 145:6

Menli babɔ wɔ tumi gyima mgbole ne mɔ nolo, na medame mebabɔ wɔ kpoleyɛlɛ ne nolo.

Edwɛndolɛ Buluku ne 147:20

Ɔtɛyɛle ɛhye ɔtɛmanle maanle biala; bɛnze ye mɛla ne mɔ. Bɛye Ɛdɛnkɛma ayɛlɛ!

Edwɛndolɛ Buluku ne 40:5

O Ɛdɛnkɛma me Nyamenle, wɔmaa wɔ adwenle, nee wɔ nwanwane nyɛleɛ wɔ yɛ nwo ɛyɛ mɔnwo; awie biala nee wɔ ɛnzɛ! Saa mebɔ nolo meaha bɛ nwo edwɛkɛ a, anrɛɛ bɛzonle somaa mɔɔ bɛngola bɛ tia a.

Edwɛndolɛ Buluku ne 44:3

Bɛdabɛ bɛanva bɛ dadeɛ bɛango bɛanva azɛlɛ, bɛdabɛ bɛanva bɛ anwosesebɛ bɛanli konim; na ɛvale wɔ tumi kpole ne nee wɔ anwosesebɛ ne, yɛɛ ɛ nyunlu ɛdalɛ kpole ne ɛlile konim; ɔluakɛ ɛ nye die bɛ nwo.

Edwɛndolɛ Buluku ne 65:5

Ɛfa nyɛleɛ ɛzulolɛ ɛye yɛ ɛfi ewule nu, O yɛ ngoanelielɛ Nyamenle, ɛle ewiade amuala anyelazo, nyevile nzi amra amuala anyelazo a le wɔ.

Edwɛndolɛ Buluku ne 66:3

Bɛha bɛhile Nyamenle kɛ, “Wɔ gyima yɛ ɛzulolɛ! Wɔ tumi ne kpole ti wɔ kpɔvolɛma tu gua ɛ nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:12

“Ɔluakɛ mebapɛ nu Yigyibiti azɛlɛ zo kenle ko ne nɔe ne. Mebahu Yigyibiti belamunli mralɛ muala, menli nee nyɛmoa, na meabua Yigyibiti awozonle kɔsɔɔti ndɛne. Medame a mele Ɛdɛnkɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:16

Ɔluakɛ, kɛ ɔkɛyɛ na bɛanwu kɛ medame nee wɔ menli ne yɛsɔ ɛ nye ɛ? Wɔ ɛlualɛ mɔɔ ɛ nee yɛ lua la yɛɛ maa menli nwu ngakyile mɔɔ wɔ yɛ nee menli gyɛne gyɛne mɔɔ wɔ aleɛabo la avinli a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:15

Ɔluakɛ kɛkala, saa medenrɛ me sa kɛ memaa ewulenzane adɔ wɔ nee wɔ mgbanyima avinli a, anrɛɛ mezɛkye bɛ muala mevi azɛlɛ ye azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Gyɛlɛmaya Buluku ne 32:20

Wɔyɛ sɛkɛlɛneɛ nee nwanwane ninyɛne wɔ Yigyibiti azɛlɛ zo ɛlɛ, yɛɛ ɛtɛyɛ ye ɛnɛ noko wɔ Yizilayɛma nee menli kɔsɔɔti avinli, na wɔlie duma wɔmaa ɛ nwo wɔ ewiade, kɛmɔ ɛnɛ ɔde la.

Gyɛlɛmaya Buluku ne 32:21

Ɛluale sɛkɛlɛneɛ nee nwanwane ninyɛne ɛyɛlɛ zo ɛvale wɔ tumi ɛsalɛ kpole ne ɛyele wɔ menli Yizilayɛma ɛvile Yigyibiti.

Yizikeɛle Buluku ne 20:9

Noko amaa meanzɛkye me duma wɔ maanle maanle ne mɔ mɔɔ bɛde bɛ avinli la anyunlu la, mengilele bɛ kɛ mesi mede la na menyele bɛ menvile Yigyibiti.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:27

Na Ɛdɛnkɛma zele kɛ, “Saa bɛbɔ me duma bɛyila Yizilayɛma a, mebayila bɛ.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Mɛla 10:21

Bɛye ye ayɛlɛ, ɔle bɛ Nyamenle mɔɔ ɛyɛ ninyɛne mgbole nee nwanwane ninyɛne ɛmaa bɛ, mɔɔ bɛdabɛ bɛ nye dua a.

Mɛla 15:15

Ɔwɔ kɛ bɛkakye kɛ ɛnee bɛdabɛ noko bɛle ahanra wɔ Yigyibiti azɛlɛ zo yɛɛ Ɛdɛnkɛma bɛ Nyamenle ne raliele bɛ a; ɛhye ati yɛɛ ɛnɛ kenle ye melɛfa mɛla ɛhye meamaa bɛ a.

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.

Mɛla 9:26

Na menzɛlɛle Ɛdɛnkɛma kɛ, ‘O Ɛdɛnkɛma Nyamenle, mmabɔ wɔ menli ne mɔɔ le wɔ agyadeɛ, mɔɔ wɔva wɔ kpoleyɛlɛ nee tumi kpole wɔlie bɛ, na wɔye bɛ wɔvi Yigyibiti la abo zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Dwɔhyua Buluku ne 7:9

Keenama nee awie biala mɔɔ wɔ maanle ye anu la bade yɛ nwo edwɛkɛ. Bɛbarabɔ bɛayia yɛ na bɛabɔ yɛ bo zo bɔkɔɔ! Na duzu yɛɛ ɛkɛyɛ na wɔalie wɔ duma kpole ne wɔazie aze ɛ?”

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.