Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Sam 7:22 - BAEBOLO ANZƐƐ BULUKU NWUANZANWUANZA

22 O Ɛdɛnkɛma Nyamenle, ɛle kpole; nyamenle bieko ɛnle ɛkɛ mɔɔ le kɛ ɛdawɔ a, yɛɛ nyamenle bieko ɛnle ɛkɛ mɔɔ yɛdayɛ yɛde ye yɛ nzo nu kɛ ɛ ngome ala.

အခန်းကိုကြည့်ပါ။ ကော်ပီ




2 Sam 7:22
33 ပူးပေါင်းရင်းမြစ်များ  

Nyamenle a le nwane? Ɛdɛnkɛma ɔ. Nwane a le bodane a? Kyesɛ yɛ Nyamenle ne.


ɔzele kɛ, “O Ɛdɛnkɛma, Yizilayɛ Nyamenle, wɔmɔ, nyamenle biala nee wɔ ɛnzɛ wɔ anwuma anzɛɛ azɛlɛ ye azo; wɔmɔ, ɛdi wɔ ɛwɔkɛ zo, na ɛkile ɛhulolɛ kpole ɛmaa wɔ ngɛkɛlɛ mɔɔ fa bɛ ahonle kpokpoti yɛ tieyɛ maa wɔ la.


Ɔluakɛ Ɛdɛnkɛma le kpole, na ɔwɔ kɛ bɛye ye ayɛlɛ kpalɛ; ɔwɔ kɛ bɛsulo ye bɛtɛla nyamenle gyɛne gyɛne ne mɔ.


Sua ne mɔɔ mesi la bayɛ kpole kpalɛ, ɔluakɛ yɛ Nyamenle ne le kpole tɛla nyamenle kɔsɔɔti.


Meze kɛ Ɛdɛnkɛma le kpole, yɛɛ yɛ Awulae bo nyamenle muala anwo zo.


Ɛdɛnkɛma le kpole, yɛɛ ɔwɔ kɛ bɛye ye ayɛlɛ kpole; ye kpoleyɛlɛ, sonla ɛngola ɛnvedevede nu.


O Nyamenle, yɛde ye yɛ nzo nu, yɛ nlenya mɔ ɛha ɛhile yɛ, ninyɛne mgbole mɔɔ ɛyɛle bɛ mekɛ zo, wɔ mɔmoane mɔmoane ne.


Ɛdɛnkɛma le kpole, ɔwɔ kɛ bɛye ye ayɛlɛ kpole wɔ yɛ Nyamenle ne suakpole ne azo!


Ɔluakɛ ɛle kpole yɛɛ ɛyɛ nwanwane ninyɛne, ɛ ngomekye ala yɛɛ ɛle Nyamenle a.


O Awulae, nyamenle biala nee wɔ ɛnzɛ, yɛɛ gyima biala ɛndɛla wɔ gyima ne mɔ.


Nwane a wɔ anwuma lɔ mɔɔ nee Ɛdɛnkɛma sɛ a? Nwane a wɔ anwuma amra anu mɔɔ nee Ɛdɛnkɛma sɛ a?


O Tumivolɛ Ɛdɛnkɛma Nyamenle, O Ɛdɛnkɛma, nwane a le tumivolɛ kɛ ɛdawɔ, mɔɔ nɔhalɛlilɛ ɛbɔ ɛyia wɔ a?


Ɛdɛnkɛma le bedevinli, yɛɛ ɔwɔ kɛ bɛye ye ayɛlɛ kpole; ɔwɔ kɛ bɛsulo ye bɛtɛla nyamenle kɔsɔɔti.


na wɔabɔ ye nolo wɔahile ɛ mra nee ɛ mra amra, kɛ menzile menyɛle Yigyibitima nee sɛkɛlɛneɛ mɔɔ menyɛle wɔ bɛ avinli la, na ɛdawɔ noko wɔanwu kɛ medame a mele Ɛdɛnkɛma a.”


“O Ɛdɛnkɛma, nwane a le kɛ ɛdawɔ wɔ awozonle avinli a? Nwane a le kɛ wɔmɔ, mɔɔ le kpole wɔ nwuanzanwuanzayɛlɛ nu, ye ayɛlɛyelɛ le kpole na ɔyɛ nwanwane ninyɛne a?


Na belemgbunli ne hanle kɛ, “Ɛhyema.” Mosisi hanle kɛ, “Ɔyɛ zɔhane, kɛmɔ ɛdawɔ ɛse la, amaa wɔanwu kɛ nyamenle biala ɛnle ɛkɛ ne kɛ Ɛdɛnkɛma, yɛ Nyamenle ne ala.


Yemɔti Aalɔn dendenle ɔ sa wɔ Yigyibiti azule ne mɔ azo, na ahɛlɛne vi bɛ nuhua ravale Yigyibiti azɛlɛ ne amuala bɔkɔɔ.


Ɔluakɛ akee mebava me ndeanlɛ kɔsɔɔti meagua ɛ nwo zo, nee wɔ mgbanyima nee wɔ menli ne anwo zo, amaa wɔanwu kɛ awie biala mɔɔ le kɛ medame la ɛnle azɛlɛ ye azo ɛleka biala.


Nwane anwo a bɛfa Nyamenle bɛto a, anzɛɛ duzu debie a zɔho ye a?


“Ɛnee akee nwane anwo a bɛfa me bɛto a, amaa meazɔho ahenle,” Nwuanzanwuanza Ko ne ɛlɛbiza bɛ.


Ɛdɛnkɛma mɔɔ bɔle anwuma la, yemɔ a ɔle Nyamenle a! Yemɔ mɔɔ ɔhyehyɛle na ɔbɔle azɛlɛ ye la, ɔbɔle ɔmanle ɔlile munli, yeambɔ ye sesakaa biala yeanzie ɛkɛ; ɔbɔle ewiade, amaa sonla adɛnla nu. Ɔse, “Medame a mele Ɛdɛnkɛma a, bieko ɛnle ɛkɛ.


“Bɛzia bɛ nzi bɛrɛla na bɛnyia ngoane, bɛdabɛ mɔɔ bɛwɔ ewiade amuala la! Ɔluakɛ medame a mele Nyamenle a, bieko ɛnle ɛkɛ.


“Medame a mele Ɛdɛnkɛma a, bieko ɛnle ɛkɛ, ɛye me a Nyamenle bieko ɛnle ɛkɛ; memaa wɔ anwosesebɛ, noko ɛnze me,


“Zɔhane ati, ka kile Yizilayɛma kɛ: Medame, Awulae Nyamenle, mese: Tɛ bɛmɛ Yizilayɛma ati yɛɛ mekeha me nwo a, na me duma nwuanzanwuanza ne mɔɔ bɛzɛkye ye wɔ maanle maanle mɔɔ bɛhɔle nu la ati ɔ.


Tɛ bɛmɛ Yizilayɛma ati yɛɛ mekeha me nwo a, medame Awulae Nyamenle a mese a. Bɛmaa ɔla bɛ ti anu. O Yizilayɛma, bɛmaa bɛ nyɛleɛ ɛyɛ bɛ nyiane ɛmaa bɛ ti ɛzi aze.”


kɛmɔ ɛnwunle bolɛ ne mɔɔ awie ɛnlɛ nu mɔɔ vi boka bie azo radinle bulalɛ ne, kɔbele ne, ɛva ne, dwɛtɛ fufule ne, yɛɛ ezukoa nvutuke ne la. Nana, Nyamenle bedevinli yɛɛ ɛha wɔ ɛlalɛ ɛhye a. Ɛlalɛ ne ala a meha mehile wɔ la, yɛɛ ɔ bo kɔsɔɔ a mehile la. Ɔnrɛkpa nwolɛ.”


Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.


‘O Awulae Nyamenle, bɔ zo mɔɔ wɔbɔ ɔ bo ɛlɛkile wɔ sonvolɛ wɔ kpoleyɛlɛ nee wɔ tumi a. Ɔluakɛ nyamenle biala ɛnle anwuma anzɛɛ aze mɔɔ kola yɛ ninyɛne mgbole nee nwanwane gyima kɛ wɔmɔ ala.


“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.


Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.


Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.


“Awie ɛnle nwuanzanwuanza kɛ wɔmɔ Ɛdɛnkɛma angome ala, awie ɛnle ɛkɛ kɛ ɛ ngomekye ala; boavolɛ biala ɛnle ɛkɛ kɛ wɔmɔ yɛ Nyamenle ne ala.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ