2 Sam 7:20 - BAEBOLO ANZƐƐ BULUKU NWUANZANWUANZA

²⁰ O Tumivolɛ Ɛdɛnkɛma, na duzu bieko bɔbɔ yɛɛ mame Devidi melɛ meka a? Ɔluakɛ ɛze wɔ sonvolɛ.

2 Sam 7:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

1 Edk 17:18

Duzu edwɛkɛ bɔbɔ yɛɛ akee menga a. Ɛze me kpalɛ kpalɛ, yɛɛ eza dahuu ɛbu wɔ sonvolɛ ye bie.

Edwɛndolɛ Buluku ne 139:1

O Ɛdɛnkɛma, wɔnleɛnlea me nu wɔnwu me!

Dw 2:25

Yeangyia kɛ awie kɛha sonla nwo edwɛkɛ kɛhile ye, ɔboalekɛ ɔdaye mumua ne ɔze mɔɔ wɔ sonla biala ahonle nu la.

Dw 21:17

Fane nsa ne azo eza Gyisɛse bizale Pita kɛ, “Dwɔn ara Saemɔn, asoo ɛkulo me?” Nyane hanle Pita kɛ Gyisɛse ɛbiza ye fane nsa kɛ, “Asoo ɛkulo me?” a, na ɔbuale ye kɛ, “Awulae ɛze debie biala; ɛze kɛ mekulo wɔ.” Gyisɛse zele ye kɛ, “Nea me mboane ne mɔ boɛ.

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

Dwɔhyua Buluku ne 5:14

Nrenya ne buale kɛ, “Kyɛkyɛ, menle kpɔvolɛ. Mera kɛ mele Ɛdɛnkɛma ɛlɔnema ne Safohyenle Kpanyinli.” Dwɔhyua dule dɔle ɔ nyunlu zonlenle ye na ɔbizale ye kɛ, “Yɛmenle, mele wɔ akɛlɛ, duzu a ɛkpondɛ kɛ meyɛ a?”

Yekile 2:23

Eza menli mɔɔ li ɔ nzi la, mebahu bɛ muala na asɔnema ne amuala anwu kɛ medame a menwu sonla biala ati anu nee ye ahonle nu a. Me nee bɛ nuhua ko biala bali wɔ mɔɔ yeyɛ la anwo.

1 Sam 16:7

Na Ɛdɛnkɛma zele ye kɛ, “Mmanea ɔ nyunlu anzɛɛ ye anyinlima ne anwo, ɔboalekɛ tɛ yemɔ yɛɛ meye ye a, ɔluakɛ mennea sonla kɛmɔ dasanli si nea ye la. Dasanli nea sonla ɛnyelɛ zo ala, na mame, menea sonla ahonle nu.”