2 Sam 7:16 - BAEBOLO ANZƐƐ BULUKU NWUANZANWUANZA

¹⁶ Ɛ bo zo badɛlɛ amaa wɔ belemgbunli maanle ne ayɛ maandimase dahuu. Wɔ belemgbunlililɛ ne ɛnrɛbɔ aze ɛlɛ.’ ”

2 Sam 7:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

2 Sam 22:51

Nyamenle maa ye belemgbunli ne di konim mgbole; ɔkile ye ɛhulolɛ kpundii ne ɔmaa sonla ne mɔɔ yekpa nu yeye ye la, Devidi nee ɔ bo zo amra, wɔ mekɛ mɔɔ ɛnlɛ awieleɛ la.

2 Sam 7:13

Yemɔ yɛɛ ɔbazi ɛzonlenlɛ sua yeamaa me a, na mebanlea kɛ ye belemgbunli maanle ne ɛgyinla kpundii dahuu.

2 Sam 7:17

Neetan hanle edwɛkɛ biala mɔɔ Nyamenle hanle hilele ye la hilele Devidi.

1 Arl 2:4

Saa ɛyɛ ɛhye a yɛɛ Ɛdɛnkɛma ɛwɔkɛ ne mɔɔ ɔbɔle me la bayɛ nɔhalɛ a. Ɛdɛnkɛma zele me kɛ, ‘Saa ɛ mra ne mɔ nea boɛ na bɛfa bɛ ahonle nee bɛ ɛkɛla muala bɛtoa me bo zo nɔhalɛ nu a, yemɔ ɛ bo zo amra ɛnrɛvi Yizilayɛ belemgbunli ebia ne azo ɛlɛ.’

1 Arl 9:5

mebamaa wɔali belemgbunli dahuu, kɛmɔ menvale membɔle ɛ ze Devidi ɛwɔkɛ la. ‘Bɛ bo zo amra ɛnrɛkpa ebia ne azo ɛlɛ.’

2 Arl 19:34

Mebalie suakpole ɛhye ati, meawowa ye wɔ me ti, ɔboalekɛ menvale membɔle me akɛlɛ Devidi ɛwɔkɛ.’ ”

2 Arl 8:19

Noko ɛnee ɔnle Ɛdɛnkɛma ɛhulolɛ kɛ ɔkɛzɛkye Dwudama, ɔboalekɛ yebɔ ye akɛlɛ Devidi ɛwɔkɛ kɛ ɔ bo zo amra a bali ebia ne dahuu a.

2 Edk 6:16

Yemɔti, O Ɛdɛnkɛma, Yizilayɛ Nyamenle, mesɛlɛ wɔ, di wɔ ɛwɔkɛ mɔɔ ɛha la azo, ɛwɔkɛ ne mɔɔ ɛbɔle me ze Devidi kɛ saa ɔ bo zo amra di wɔ mɛla ne mɔ azo na bɛyɛ tieyɛ bɛmaa wɔ kɛmɔ ɔdaye Devidi ɔyɛle la a, dahuu bɛ bie bali belemgbunli azie Yizilayɛma la.

Dwobu Buluku ne 36:7

Ɔnye ɔ nye wɔ tenlenema anwo zo, ɔsiezie bɛ kɛ arelemgbunli na ɔkpogya bɛ zo dahuu.

Edwɛndolɛ Buluku ne 45:6

Wɔ belemgbunlililɛ nwuanzanwuanza ne wɔ ɛkɛ ne dahuu. Ɛfa pɛlepɛlelilɛ a ɛdi wɔ ebia ne a;

Edwɛndolɛ Buluku ne 72:5

Maa wɔ menli ne ɛzonle wɔ alehyenlɛ nee aledwolɛ ɔhɔdwu awolɛndoazo kɔsɔɔti anu.

Edwɛndolɛ Buluku ne 89:4

‘Mebamaa ɛ bo zo amra ali belemgbunli dahuu, na meabɔ wɔ belemgbunlililɛ ne anwo bane wɔ awolɛndoazo muala anu!’ ”

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Gyɛlɛmaya Buluku ne 17:25

yemɔ menli ɛnrɛkpa suakpole ye azo ɛlɛ. Bɛ arelemgbunli badɛnla ehwili nu nee mgbɔnwɔ zo, bɛmɛ yɛɛ bɛ mgbanyima banyia tumi, kɛmɔ Belemgbunli Devidi nyianle la.

Gyɛlɛmaya Buluku ne 33:17

Ɔluakɛ medame, Ɛdɛnkɛma, mese: Dahuu Devidi abo zo sonla a badɛnla Yizilayɛ belemgbunli ebia ne azo a,

Yizikeɛle Buluku ne 37:25

Bɛbadɛnla azɛlɛ ne mɔɔ bɛ ze mɔ dɛnlanle zolɛ na menvale memanle me sonvolɛ Gyekɔbo la azo. Bɛdabɛ, bɛ mra, yɛɛ bɛ bo zo amra kɔsɔɔti badɛnla ɛkɛ ne dahuu, na me sonvolɛ Devidi ali bɛ belemgbunli dahuu.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Dw 12:34

Ɛlɔne ne bizale ye kɛ, “Yɛ mɛla ne ka kile yɛ kɛ Mɛzaya ne ɛnrɛwu ɛlɛ. Na duzu ati a ɛse ɔwɔ kɛ bɛmaa Sonla Ra ne zo a? Nwane a le Sonla Ra ɛhye?”

Kɛlata mɔɔ bɛhɛlɛle bɛhɔmanle Hibuluma la 1:8

Wɔ Ralɛ ne anwo, Nyamenle hanle kɛ, “O Nyamenle, wɔ belemgbunlililɛ ɛnrɛbɔ aze ɛlɛ! Ɛfa nɔhalɛlilɛ a ɛsie wɔ menli mɔɔ ɛnea bɛ nwo zo la a.

Yekile 11:15

Akee Nyamenle soanvolɛ ne mɔɔ tɔ zolɛ nsuu la bɔle ye aweɛne tendenle ne anu. Na ɛnelɛ mgbole dɔɔnwo bie vi anwuma hanle kɛ, “Azɛlɛ ye azo tumi muala ɛyɛ Awulae nee yɛ Mɛzaya ne ɛdeɛ; ɔbali belemgbunli ɛvolɛ mɔɔ ɛnlɛ awieleɛ!”

1 Sam 25:28

Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.