2 Sam 7:13 - BAEBOLO ANZƐƐ BULUKU NWUANZANWUANZA

¹³ Yemɔ yɛɛ ɔbazi ɛzonlenlɛ sua yeamaa me a, na mebanlea kɛ ye belemgbunli maanle ne ɛgyinla kpundii dahuu.

2 Sam 7:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

2 Sam 22:51

Nyamenle maa ye belemgbunli ne di konim mgbole; ɔkile ye ɛhulolɛ kpundii ne ɔmaa sonla ne mɔɔ yekpa nu yeye ye la, Devidi nee ɔ bo zo amra, wɔ mekɛ mɔɔ ɛnlɛ awieleɛ la.

2 Sam 7:16

Ɛ bo zo badɛlɛ amaa wɔ belemgbunli maanle ne ayɛ maandimase dahuu. Wɔ belemgbunlililɛ ne ɛnrɛbɔ aze ɛlɛ.’ ”

2 Sam 7:27

Tumivolɛ Ɛdɛnkɛma, Yizilayɛ Nyamenle, melɛ akɛnrazilɛ yɛɛ melɛyɛ nzɛlɛlɛ ɛhye a, ɔboalekɛ wɔye ɛhye mɔ kɔsɔɔti wɔhile wɔ sonvolɛ Devidi kɛ ɛbayɛ ɔ bo zo amra arelemgbunli.

1 Arl 2:24

Zɔhane ati, kɛmɔ tease Ɛdɛnkɛma mɔɔ ɛlie me ebia ye, mɔɔ le egya Devidi ebia ye ɛzie aze ɛmaa me, na yebɔ me atɛnlase la, ɔwɔ kɛ Adonaegya tɔ amolɛ nu ɛnɛ demua ye!”

1 Arl 2:4

Saa ɛyɛ ɛhye a yɛɛ Ɛdɛnkɛma ɛwɔkɛ ne mɔɔ ɔbɔle me la bayɛ nɔhalɛ a. Ɛdɛnkɛma zele me kɛ, ‘Saa ɛ mra ne mɔ nea boɛ na bɛfa bɛ ahonle nee bɛ ɛkɛla muala bɛtoa me bo zo nɔhalɛ nu a, yemɔ ɛ bo zo amra ɛnrɛvi Yizilayɛ belemgbunli ebia ne azo ɛlɛ.’

1 Arl 2:45

Belemgbunli Sɔlɔmɔn ɛdeɛ, Ɛdɛnkɛma bayila ye kosoɛɛ na saleɛ adoa egya Devidi ebia ne.”

1 Arl 5:5

Zɔhane ati menyia adwenle kɛ mesi sua meamaa Ɛdɛnkɛma me Nyamenle ne, kɛmɔ Ɛdɛnkɛma ɔdaye ɔ nloa edwɛkɛ se la. Ɔzele egya Devidi kɛ, ‘Ɛ ra ne mɔɔ mebava ye meazie wɔ ebia ne azo la bazi me Ɛzonlenlɛ Sua ne.’

1 Arl 6:12

“Sua ye mɔɔ ɛlɛsi la, saa ɛdua me adenle ne anu, ɛdi me mɛla ne mɔ azo, ɛfa ɛsie na ɛfa ɛbɔ wɔ ɛbɛla a, yemɔ me nee wɔ balua, kɛmɔ me ɛwɔkɛ ne mɔɔ membɔle ɛ ze Devidi la se la.

1 Arl 8:13

Mezi Ɛzonlenlɛ Sua bedevinli ɛhye memaa wɔ, kɛ wɔ ɛleka mɔɔ ɛbadɛnla kpɔkpɔ.”

1 Arl 8:15

ɔzele bɛ kɛ, “Bɛye Yizilayɛ Ɛdɛnkɛma Nyamenle ne ayɛlɛ. Yeli ye ɛwɔkɛ mɔɔ ɔbɔle Egya Devidi la azo. Ɔzele ye kɛ,

1 Arl 8:19

Noko tɛ wɔmɔ a ɛbazi a. Ɛ ra, ɛdawɔ ɛ kunlu ralɛ nrenya yɛɛ bazi me Ɛzonlenlɛ Sua ne a.’

2 Arl 21:4

Ɔsisile awozonle azukponle wɔ Ɛzonlenlɛ Sua ne mɔɔ Ɛdɛnkɛma ɛha kɛ nuhua yɛɛ ɔwɔ kɛ bɛsonle ye la anu.

2 Arl 21:7

Ɔvale bozonle raalɛ Ahyela ne ananze ne ɔziele Ɛzonlenlɛ Sua ne anu ɛleka mɔɔ Ɛdɛnkɛma zele Devidi nee ɔ ra Sɔlɔmɔn kɛ, “Wɔ Gyɛlusalɛm ɛke Ɛzonlenlɛ Sua ɛhye anu yɛɛ mekpa nu meye ye wɔ Yizilayɛ mbusua ekpunli bulu nee nwiɔ ne anu, kɛ ɔle ɛleka mɔɔ bɛsonle me a.”

2 Arl 8:19

Noko ɛnee ɔnle Ɛdɛnkɛma ɛhulolɛ kɛ ɔkɛzɛkye Dwudama, ɔboalekɛ yebɔ ye akɛlɛ Devidi ɛwɔkɛ kɛ ɔ bo zo amra a bali ebia ne dahuu a.

1 Edk 28:10

Ɔwɔ kɛ ɛnwu ye kɛ Ɛdɛnkɛma ɛnlea nu ɛye wɔ kɛ ɛzi ye Ɛzonlenlɛ Sua nwuanzanwuanza ne. Si, fa wɔ ahonle nee wɔ anwosesebɛ kɔsɔɔti si.”

2 Edk 33:4

Ɔsisile azukponle gyɛne gyɛne wɔ Ɛdɛnkɛma Ɛzonlenlɛ Sua ne anu, wɔ mekɛ mɔɔ Ɛdɛnkɛma ɛha kɛ, “Gyɛlusalɛm ala yɛɛ ɔwɔ kɛ bɛsonle me dahuu a” la.

2 Edk 6:16

Yemɔti, O Ɛdɛnkɛma, Yizilayɛ Nyamenle, mesɛlɛ wɔ, di wɔ ɛwɔkɛ mɔɔ ɛha la azo, ɛwɔkɛ ne mɔɔ ɛbɔle me ze Devidi kɛ saa ɔ bo zo amra di wɔ mɛla ne mɔ azo na bɛyɛ tieyɛ bɛmaa wɔ kɛmɔ ɔdaye Devidi ɔyɛle la a, dahuu bɛ bie bali belemgbunli azie Yizilayɛma la.

Dwobu Buluku ne 36:7

Ɔnye ɔ nye wɔ tenlenema anwo zo, ɔsiezie bɛ kɛ arelemgbunli na ɔkpogya bɛ zo dahuu.

Edwɛndolɛ Buluku ne 72:17

Ye duma ɛdɛnla ɛkɛ ne dahuu, na ye anyunlunyia ɛda kɛ sɛnzɛne. Menli kɔsɔɔti ɛva ye ɛyila bɛ nwo, na maanle maanle ɛzuzu ye boɛ.

Edwɛndolɛ Buluku ne 89:21

amaa me tumi ne awoa ye nu dahuu, na yeamaa ye anwosesebɛ.

Edwɛndolɛ Buluku ne 89:29

Mebamaa ye abusua ɛlɔnwɔne ne adɛnla ɛkɛ dahuu, na ye belemgbunlililɛ adɛnla ɛkɛ ne dahuu kɛ anwumaneamra

Edwɛndolɛ Buluku ne 89:4

‘Mebamaa ɛ bo zo amra ali belemgbunli dahuu, na meabɔ wɔ belemgbunlililɛ ne anwo bane wɔ awolɛndoazo muala anu!’ ”

Ayezaya Buluku ne 49:8

Ɛdɛnkɛma se, “Mekɛ dwule mɔɔ ɔwɔ kɛ menwu bɛ anwunvɔne la, membuale bɛ, mekɛ ne mɔɔ ɔwɔ kɛ medie bɛ ngoane la, memboale bɛ; mezinza bɛ, na mebɔ bɛ nwo bane, melua bɛ nwo zo me nee menli ne ɛyɛ ngyehyɛlɛ, kɛ bɛbadɛnla azɛlɛ ne azo, na bɛahyɛ azɛlɛ ne mɔɔ ɛdɔ mgbane la;

Ayezaya Buluku ne 9:6

Ɔluakɛ bɛwo kakula bie bɛmaa yɛ, bɛmaa yɛ ralɛ nrenya; yemɔ yɛɛ maanlebulɛ ne badɔ ɔ sa zo a, bɛbavɛlɛ ye “Nwanwane, Folɛtuvolɛ, Nyamenle Bedevinli, Damɛnlangoate Selɛ, Anzonudwolɛ Belemgbunli.”

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Gyɛlɛmaya Buluku ne 33:17

Ɔluakɛ medame, Ɛdɛnkɛma, mese: Dahuu Devidi abo zo sonla a badɛnla Yizilayɛ belemgbunli ebia ne azo a,

Yizikeɛle Buluku ne 37:25

Bɛbadɛnla azɛlɛ ne mɔɔ bɛ ze mɔ dɛnlanle zolɛ na menvale memanle me sonvolɛ Gyekɔbo la azo. Bɛdabɛ, bɛ mra, yɛɛ bɛ bo zo amra kɔsɔɔti badɛnla ɛkɛ ne dahuu, na me sonvolɛ Devidi ali bɛ belemgbunli dahuu.

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Zɛkalaya Buluku ne 6:12

na ka kile ye kɛ, ‘Tumivolɛ Ɛdɛnkɛma se: Bɛnlea, sonla ne mɔɔ ye duma a le Baka Ɛhane la ɛne. Ɔbakpazi wɔ ɛleka mɔɔ ɔde la na yeazi Ɛdɛnkɛma Ɛzonlenlɛ Sua ne.

Zɛkalaya Buluku ne 6:13

Yemɔ a ɔbazi Ɛdɛnkɛma Ɛzonlenlɛ Sua ne a, na bɛbali ye eni kɛ belemgbunli. Ɔbadɛnla ye belemgbunli ebia nu na yeazie ye menli ne. Ɔbanyia sɛlɛvolɛ ko wɔ ye belemgbunli ebia ne anwo, na bɛdabɛ bɛ mu nwiɔ bɛ nloa bazɛ bɛ nwo anzonudwolɛ nu.’

Edwɛkpa ne kɛmɔ Mateyu hɛlɛle la 16:18

Yemɔti meka meahile wɔ, Pita, ɛle bodane, kɛmɔ wɔ duma ne abo kile la; wɔ bodane ɛhye azo yɛɛ mebazi me asɔne ne a, na ewule tumi bɔbɔ ɛnrɛhola ɔ nwo zo fo.

Kɛlata mɔɔ bɛhɛlɛle bɛhɔmanle Hibuluma la 3:3

Sonla mɔɔ si sua la lɛ ɔ nyunlu tɛla sua ne mɔɔ ɔkɛzi la. Zɔhane ala yɛɛ Gyisɛse lɛ ɔ nyunlu tɛla Mosisi a.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.