2 Sam 7:10 - BAEBOLO ANZƐƐ BULUKU NWUANZANWUANZA

^10-11 Mekpondɛ ɛleka memaa me menli Yizilayɛma na mebɔ bɛ atɛnlase. Gyegyeravolɛma ɛnrɛgyegye bɛ bieko, maamɔvoma ɛnrɛnwunlonwunla bɛ bieko, kɛmɔ bɛyɛle ye dɛba ne la. Sumunli kɛ bɛradɛnlanle azɛlɛ ye azo la, maamɔvoma ɛgyegye bɛ toonwo, na ɛhye ɛnrɛzi bieko. Mebɔ bɛ ɛwɔkɛ kɛ mebapepɛ mealie bɛ wɔ bɛ kpɔvolɛma asa anu na meamaa bɛ bo zo adɛlɛ.

2 Sam 7:10 ပူးပေါင်းရင်းမြစ်များ

2 Arl 21:8

Ɛdɛnkɛma zele kɛ, “Saa Yizilayɛma kɛyɛ tieyɛ kɛmaa me na bɛkɛli me Mɛla ne kpokpoti mɔɔ me sonvolɛ Mosisi vale manle bɛ la azo a, anrɛɛ menrɛmaa bɛnrɛdu bɛ bɛnrɛvi azɛlɛ ne mɔɔ menvale memanle bɛ nlenya mɔ la azo.”

1 Edk 17:9

Meva ɛleka memaa me menli Yizilayɛma na meva bɛ megua zolɛ kɛ bɛdɛnla ɛkɛ, mɔɔ awie ɛnrɛsisi bɛ bieko ɛlɛ a. Sumunli kɛ bɛradɛnlanle azɛlɛ ye azo la, menli atisesebɛma bie kɛ zo konle doa bɛ ala ɛne. Ɛhye ɛnrɛzi bieko. Mebɔ wɔ ɛwɔkɛ kɛ mebamaa wɔali wɔ kpɔvolɛma anwo zo konim na meamaa ɛ bo zo amra adɛlɛ.

2 Edk 33:8

Saa bɛnea boɛ na bɛyɛ mɔɔ meze bɛ la amuala, bɛdi me mɛla nee me ngyehyɛlɛ ne mɔ mɔɔ menvale memanle Mosisi la azo a, yemɔ menrɛmaa bɛnrɛdu Yizilayɛma bɛnrɛvi azɛlɛ ne mɔɔ menvale memanle bɛ ze mɔ la azo.”

Edwɛndolɛ Buluku ne 44:2

Ɛvale wɔ tumi ɛvoanle maanle maanle, na ɛvale bɛmɛ ɛziele bɛ gyakɛ anu. Ɛmanle menli ɛhendeɛ ne mɔ nwunle nyane, na ɛmanle bɛmɛ bɛvale bɛ nwo dwɔɔ.

Edwɛndolɛ Buluku ne 44:4

Ɛle me Belemgbunli nee me Nyamenle, mɔɔ maa Gyekɔbo di konim a.

Edwɛndolɛ Buluku ne 80:8

Ɛvale vanye baka ɛvile Yigyibiti ɛrale; ɛvoanle maanle maanle ne mɔ na ɛluale.

Edwɛndolɛ Buluku ne 80:9

Ɛzieziele azɛlɛ ne ɛmanle ye; ɔzɔle ndinli ɔhɔle aze kpalɛ na ɔvale azɛlɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:22

Na akee belemgbunli ne yɛle ye mɛla manle maanlema kɛ, “Ralɛ nrenya biala mɔɔ Hibulunli biala kɛwo ye la, bɛvuandi ye bɛdo Azule Naele ne anu, na saa raalɛ a, bɛmmato ye nu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:17

O Ɛdɛnkɛma, ɛbava bɛ wɔara, na wɔalua bɛ wɔ wɔ boka ne azo, ɛleka mɔɔ wɔziezie kɛ ɛbadɛnla, wɔ wɔ Ɛzonlenlɛ Sua ne mɔɔ ɛdawɔ wɔzi la anu.

Ayezaya Buluku ne 5:2

Ɔvundunle azɛlɛ ne ɔyeyele zolɛ awolɛ ne mɔ, na ɔluale ye vanye ma kpalɛ; ɔzile tawa wɔ egyinli ne avinli, na ɔvunle kuma mɔɔ ɔbahwihwi vanye ma ne nu la. Akee ɔhendɛle kɛ ye vanye egyinli ne kɛzo ma kpalɛ, na vanye ma ne bolole la ɛnee biala yɛ ɛnwonle.

Ayezaya Buluku ne 5:7

Ɔluakɛ Tumivolɛ Ɛdɛnkɛma vanye egyinli ne, yemɔ a le Yizilayɛ abo zo amra ne; menli mɔɔ wɔ Dwuda la amuala, bɛmɛ a bɛle ye ma ngɛnlɛma ne mɔɔ ɔluale la. Ɛdɛnkɛma nleanle kɛ ɔkɛnwu pɛlepɛlelilɛ bɛ nu, na ɔnwunle mogyahanlɛ; ɔnleanle kɛ ɔkɛnwu tenleneyɛlɛ, na nea, ɔnwunle ɛsisilɛ nee ɛzunlɛ.

Ayezaya Buluku ne 60:18

Bɛnrɛde konle nganeɛ wɔ bɛ azɛlɛ ne azo bieko, Awie ɛnrɛzɛkye bɛ maanle ne bieko; Bɛbavɛlɛ bɛ bane ne mɔ Ngoanelielɛ, Na bɛavɛlɛ bɛ nlenkɛ ne mɔ Ayɛlɛyelɛ.

Ayezaya Buluku ne 60:21

Menli ne amuala bayɛ tenlenema; Bɛbava azɛlɛ ne bɛayɛ bɛ ɛdeɛ dahuu. Medame a menzole bɛ a, bɛle me sa anloa gyima, Amaa bɛawula me anyunlunyia.

Gyɛlɛmaya Buluku ne 18:9

Zɔhane ala yɛɛ saa mese kɛ meboa maanle bie meamaa yeakpazi, yeagyinla

Gyɛlɛmaya Buluku ne 24:6

Mebanwu bɛ anwunvɔne, meava bɛ meazia meara azɛlɛ ɛhye azo. Mebazɔ bɛ meamaa bɛagyinla, menrɛmaa bɛnrɛgolo bɛnrɛgua; mebalua bɛ, menrɛdudu bɛ menrɛgua.

Yizikeɛle Buluku ne 28:24

Ɛdɛnkɛma zele kɛ, “Na Yizilayɛma ɛdeɛ, agbɔvolɛ maanle maanle mɔɔ ɛbɔ ɛyia bɛ la anu biala ɛnrɛhakyi ɔ nwo mbowunzaka anzɛɛ mbowule ɛnrɛwowɔ anzɛɛ ɛnrɛbodɛboda bɛ. Na bɛbanwu kɛ medame a mele Awulae Nyamenle ne a.”

Hozia Buluku ne 2:18

Kenle zɔhane me nee ɛbɔ nu nanemgbole, anwomanyunlu nloma, yɛɛ debie biala mɔɔ twenle ɔ kɛnra aze la bayɛ ngyekyeleɛ; mebaye ɛda, konle dadeɛ nee konle meavi azɛlɛ ne azo, na me menli ne adɛnla bɛ nwo adɔ bɛ.

Emɔzo Buluku ne 9:15

Mebava me menli ne meazie bɛ azɛlɛ ne azo, na bɛnrɛdu bɛ bieko ɛlɛ; bɛnrɛvi azɛlɛ ne mɔɔ meva memaa bɛ la azo.” Ɛdɛnkɛma bɛ Nyamenle ne a se a.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”

Maanlebuvolɛma Buluku ne 4:3

Na Yizilayɛma zunle vɛlɛle Ɛdɛnkɛma, ɔluakɛ Sesɛla lɛ mbulalɛ ehwili mɔɔ bɛfa bɛko la ɛya ngɔnla, na ɔvale ɔhilele Yizilayɛma nyane toonwo ɛvolɛ abulanwiɔ.

1 Sam 13:17

Filisitia ɛlɔnema ne hyɛle bɛ nwo ekpunli nsa. Ekpunli ko hɔle Ɔfela, wɔ Hyuale maanle nu,