2 Sam 6:5 - BAEBOLO ANZƐƐ BULUKU NWUANZANWUANZA

⁵ Na Devidi nee Yizilayɛma kɔsɔɔti bubule nya vale bɛ anwosesebɛ dole edwɛne, zile agole, bɔle getaa, akɛya, aweɛne, sɔnwosɔnwo yɛɛ ahenle yele Ɛdɛnkɛma ayɛlɛ.

2 Sam 6:5 ပူးပေါင်းရင်းမြစ်များ

2 Arl 3:15

Bɛvɛlɛ awie mɔɔ bɔ getaa la bɛmaa me.” Mɔɔ ahenle ne bɔle ɔ bo kɛ ɔbɔ getaa ne ala la yɛɛ Ɛdɛnkɛma Sunsum ne dwule Yilaehya anwo zo a,

1 Edk 13:8

Devidi nee menli ne mɔ amuala vale bɛ anwosesebɛ muala zile agole dole edwɛne na bɛbɔle akɛya, aweɛne ndendenle, getaa yɛɛ sɔnwosɔnwo bɛyeyɛle Nyamenle.

1 Edk 15:28

Akee Yizilayɛma kɔsɔɔti vale anyelielɛ, aweɛnebɔlɛ, mɛne, sɔnwosɔnwo nee getaa bɔle agole lile Ɛdɛnkɛma Ngyekyeleɛ Ɛlɛka ne anzi toonwo bɛradwule Gyɛlusalɛm.

2 Edk 20:28

Bɛbɔle getaa mgbole nee ngyikyi nee aweɛne ndendenle toonwo bɛrawolole Ɛdɛnkɛma Ɛzonlenlɛ Sua ne anu.

Edwɛndolɛ Buluku ne 47:5

Nyamenle ɛvo ɛdɛnla ye ebia nu, bɛlɛbɔ aweɛne ndendenle, bɛtea nu anyelielɛ nu.

Daneɛle Buluku ne 3:10

Wɔmɔ belemgbunli, wɔli mɛla kɛ awie biala mɔɔ kɛde aweɛne ndendenle ne, fulutu, getaa ngyikyi nee mgbole, nee ɛweɛne, yɛɛ agole ngakyile ne mɔ ane la ɛdu ɛdɔ ɛzonle ezukoa nvutuke ananze ne mɔɔ wɔzie la.

Daneɛle Buluku ne 3:15

Saa mekɛ biala bɛte aweɛne ndendenle ne, fulutu, getaa ngyikyi nee mgbole, ɛweɛne, yɛɛ agole ngakyile ne mɔ ane na bɛkɛdu bɛkɛgua, bɛkɛzonle ananze ne mɔɔ memaa bɛzie la a, ɛnee bɛ kɔme doa zolɛ. Na saa bɛanli zolɛ a, bɛbavuandi bɛ bɛagua sendɔlɔra nu bɛayela bɛ. Ɛkɛ yɛɛ bɛbahile nyamenle holɛ ko mɔɔ balie bɛ la a.”

Daneɛle Buluku ne 3:5

saa bɛte kɛ bɛlɛbɔ aweɛne ndendenle ne mɔ, getaa ngyikyi nee mgbole, fulutu, ɛweɛne, yɛɛ agole ngakyile biala a, awie biala ɛdu ɛdɔ ɛzonle ezukoa nvutuke ananze ne mɔɔ belemgbunli Nɛbukadenɛza ɛzie la.

Daneɛle Buluku ne 3:7

Yemɔti, mekɛ mɔɔ maanlema mɔɔ ka aneɛ ngakyile mɔɔ rayiale la dele aweɛne ndendenle ne mɔ ane, getaa ngyikyi nee mgbole ne mɔ ane, fulutu nee ɛweɛne yɛɛ agole ngakyile ne mɔ ane la, bɛdule bɛguale bɛzonlenle ezukoa nvutuke ananze ne mɔɔ Nɛbukadenɛza ɛzie la.

Emɔzo Buluku ne 5:23

Bɛva bɛ alɛra edwɛne ne mɔ mɔɔ bɛlɛto la bɛhɔ nehane; mengulo kɛ mete bɛ getaa ne mɔ ane bɔbɔ.

Emɔzo Buluku ne 6:5

Bɛkulo kɛ bɛyɛ edwɛne, kɛmɔ Devidi yɛle la, na bɛbɔ wɔ bɛ getaa ne mɔ azo.

1 Sam 10:5

Akee ɛbadwu Nyamenle Boka, wɔ Gebɛya, ɛleka mɔɔ Filisitiama azokoɛleɛ ne wɔ la ademgbole ne mɔɔ fa kɔ sua ne azo la anu, ɛbanwu Nyamenle kpɔmanvolɛma ekpunli bie mɔɔ vi boka ne azo azukponle ne anwo ɛlɛtolo ara la na bɛlɛka Nyamenle nrɛlaleɛ, bɛsi agole na bɛbɔ getaa kpole, akɛya, fulutu, yɛɛ ɛto.

1 Sam 16:16

Yemɔti Nana, yɛsɛlɛ wɔ, maa adenle maa yɛhɔkpondɛ awie mɔɔ ze sanwule bɔ la, amaa saa sunsum ɛtane ne bawolo wɔ a, yeabɔ yeamaa ɛ nwo adɔ wɔ.”