2 Sam 6:21 - BAEBOLO ANZƐƐ BULUKU NWUANZANWUANZA

²¹ Na Devidi zele Maekale kɛ, “Menzile agole, menyele Ɛdɛnkɛma ne mɔɔ vale ɛ ze nee ye abusua ne ziele ahane, na ɔziele me ye menli Yizilayɛma belemgbunli la ayɛlɛ. Na mebahɔ zolɛ meazi agole meawula Ɛdɛnkɛma anyunlunyia dahuu.

2 Sam 6:21 ပူးပေါင်းရင်းမြစ်များ

2 Sam 5:2

Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

2 Sam 6:14

Devidi wulale Nyamenlezonlenlɛ tɛladeɛ ne mɔɔ bɛfɛlɛ ye “Yifɔdo” la na ɔvale ye anwosesebɛ kɔsɔɔti ɔzile agole ɔwulale Ɛdɛnkɛma anyunlunyia.

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

2 Sam 6:22

Mebagua me nyunlu aze mɔɔ tɛla ɛhye bɔbɔ la meamaa ye. Wɔmɔ, ɛ nye zo a menzɔho ɛhwee, noko sonvolɛ mraalɛ mɔɔ ɛlɛdi bɛ edwɛkɛ la bawula me anyunlunyia kpalɛ kpalɛ.”

2 Sam 6:5

Na Devidi nee Yizilayɛma kɔsɔɔti bubule nya vale bɛ anwosesebɛ dole edwɛne, zile agole, bɔle getaa, akɛya, aweɛne, sɔnwosɔnwo yɛɛ ahenle yele Ɛdɛnkɛma ayɛlɛ.

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

1 Edk 15:29

Mɔɔ bɛ nee Ɛdɛnkɛma Ngyekyeleɛ Ɛlɛka ne dwule Devidi Suakpole ne azo la, Belemgbunli Sɔɔlo ara raalɛ Maekale nleanle ye nvɛnzɛlɛ ne anu na ɔnwunle kɛ Belemgbunli Devidi anye ɛlie na ɔlɛwuluwulu ɔsi agole la, ɔvale ɛya kpole.

Ɛzoanvolɛma Gyima ne 13:22

Mɔɔ Nyamenle yele ye ɛkɛ ne la, ɔyɛle Devidi bɛ belemgbunli. Na Nyamenle hanle ɔ nwo edwɛkɛ kɛ, ‘Menwu Gyɛsi ara Devidi kɛ yemɔ a ɔle sonla mɔɔ sɔ me nye a, na yemɔ a ɔbali gyima mɔɔ mekpondɛ la amuala a.’

1 Kɔl 10:31

Bɛdie ɛ. Debie biala mɔɔ bɛyɛ la, saa aleɛ a bɛdi o, saa nzule a bɛno o, bɛyɛ bɛde Nyamenle anyunlu.

1 Sam 13:14

na kɛkala, wɔ belemgbunlililɛ ne ɛnrɛhɔ zolɛ bieko. Ɛdɛnkɛma ɛnyia sonla mɔɔ ɔdaye ɔkulo la, yeye ye kɛ ɔzie ye menli ne, ɔboalekɛ wɔdu ɔ nloa wɔdo.”

1 Sam 15:28

Na Samoɛle zele ye kɛ, “Ɛdɛnkɛma ɛza wɔ ɛlie Yizilayɛ belemgbunlililɛ ne ɛvi ɛ sa nu ɛnɛ na yeva yemaa sonla mɔɔ le kpalɛ tɛla wɔ la.

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 16:12

Yemɔti Gyɛsi zoanle manle bɛhɔvale ye. Ɔle kpavolɛ kɛnlɛma, ɔgyi zolɛ sengɔɔnwo, ɔte kpɔkɛ, yɛɛ ɔ nye ma le nzenzɛɛnye. Ɛdɛnkɛma zele Samoɛle kɛ, “Ɛhye a mekpa nu meye ye a; fa nwole ne kpokpa ye.”