2 Sam 6:20 - BAEBOLO ANZƐƐ BULUKU NWUANZANWUANZA

²⁰ Nzinlii Devidi hɔle kɛ ɔkayila ye awuke nu amra, na Sɔɔlo ara raalɛ Maekale rayiale ye na ɔzele ye kɛ, “Yizilayɛ belemgbunli ne ɛlie duma kpole ɛmaa ɔ nwo ɛnɛ. Yeye ɔ nwo yehile ye sonvolɛma sonvolɛ mraalɛ anyiemgba nu bie kɛ koasea la.”

2 Sam 6:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

2 Sam 6:14

Devidi wulale Nyamenlezonlenlɛ tɛladeɛ ne mɔɔ bɛfɛlɛ ye “Yifɔdo” la na ɔvale ye anwosesebɛ kɔsɔɔti ɔzile agole ɔwulale Ɛdɛnkɛma anyunlunyia.

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

2 Sam 6:18

Ɔwiele azu ne bɔ la, ɔyilale menli ne mɔ wɔ Tumivolɛ Ɛdɛnkɛma duma nu.

2 Sam 6:19

Na ɔvale ahyɛlɛ ninyɛne ɔmanle Yizilayɛma kɔsɔɔti, mraalɛ nee mrenya. Ɔmanle awie biala kpanwo ko, nane ndondo sinli nee vanye ma welera ndɛlamoa ko. Akee awie biala hɔle sua nu.

1 Edk 16:43

Akee awie biala hɔle sua nu, na Devidi ɔdaye ɔvale ye nyilalɛ ne ɔhɔle ye sua nu.

Dwobu Buluku ne 30:8

Bɛle gyibivolɛma ekpunli mɔɔ anwo ɛnlɛ nvasoɛ, na bɛbo bɛ bɛdu bɛ azɛlɛ ne azo.

Edwɛndolɛ Buluku ne 101:2

Mebalua adenle mɔɔ ngehanleɛ ɛnle nwo la anu; O, kenlenzu yɛɛ ɛkɛra me nwo a? Mebava pɛlepɛlelilɛ meadɛnla me sua nu.

Edwɛndolɛ Buluku ne 30:1

O Ɛdɛnkɛma, mebayeyɛ wɔ, ɔluakɛ wɔmaa me zo, wɔammaa me kpɔvolɛma anzi me nwo zo agole.

Nolo 7:17

Mmayɛ amumuyɛ somasoma, yɛɛ mmayɛ koasea. Duzu ati a ɛkɛhu ɛ nwo na wɔ ewule mekɛ adwu a?

Edwɛkpa ne kɛmɔ Maake hɛlɛle la 14:66

Pita de alie ne anwo la Sɛlɛvolɛ Kpanyinli ne sonvolɛ bɛlɛra ko rale ɛkɛ.

Edwɛkpa ne kɛmɔ Maake hɛlɛle la 3:21

Ɔ nli nee ɔ mediema ne mɔ dele la, bɛrale kɛ bɛbava ye bɛahɔ, ɔluakɛ menli ɛlɛkeha kɛ, “Yezɛ!”

Dw 13:6

Ɔradwule Saemɔn Pita anwo zo la, Pita bizale Gyisɛse kɛ, “Awulae, na akee wɔmɔ yɛɛ ɛnrinzi me gyakɛ anwo a?”

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Maanlebuvolɛma Buluku ne 9:4

Na bɛvale dwɛtɛ fufule abulasuu wɔ Beeyale-bilete bozonle sua ne abo bɛmanle ye, na ɔvale ɔbɔle kpamgbanvolɛma bie ɛkpa ɔmanle bɛdoale ɔ bo zo.

1 Sam 14:49

Sɔɔlo amra mrenya ne mɔ a le Dwɔnatan, Yehyevae yɛɛ Mɛlekaehyua. Bɛfɛlɛ ɔ ra raalɛ kpanyinli ne Milabe, yɛɛ bɛfɛlɛ ekyi ne Maekale.

1 Sam 18:20

Sɔɔlo ara raalɛ Maekale hulole Devidi kpole. Mɔɔ bɛhanle bɛhilele Sɔɔlo la ɔ nye liele nwolɛ somaa.