2 Sam 6:17 - BAEBOLO ANZƐƐ BULUKU NWUANZANWUANZA

¹⁷ Bɛvale Ɛdɛnkɛma Ngyekyeleɛ Ɛlɛka ne bɛraziele ɛleka mɔɔ ɛnee Devidi ɛziezie wɔ Ndanlɛ Sua ne anu ɛmaa ye la. Akee Devidi bɔle ɛyelalɛ nee anzonudwolɛ azu manle Ɛdɛnkɛma.

2 Sam 6:17 ပူးပေါင်းရင်းမြစ်များ

1 Arl 8:5

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu na bɛhunle mboane nee nlankɛ dɔɔnwo kpalɛ bɛbɔle azu.

1 Edk 15:1

Devidi sisile ɔdaye ɔ ti anwo azua wɔ Devidi Suakpole zo. Eza ɔzieziele ɛleka mɔɔ ɔbava Nyamenle Ngyekyeleɛ Ɛlɛka ne yeazie la, na ɔzile ndanlɛ sua wɔ ɛkɛ ne mɔɔ bɛbava Ɛlɛka ne bɛazie nu a.

1 Edk 15:3

Akee Devidi boɔboale Yizilayɛma amuala anloa wɔ Gyɛlusalɛm kɛ bɛkava Nyamenle Ngyekyeleɛ Ɛlɛka ne bɛarazie ye ɛleka ne mɔɔ yeziezie yemaa ye la.

1 Edk 16:1

Bɛvale Ngyekyeleɛ Ɛlɛka ne bɛhɔziele ndanlɛ sua ne mɔɔ Devidi ɛzi ɛmaa ye la anu. Na bɛbɔle ɛyelalɛ azu nee anzonudwolɛ azu bɛmanle Nyamenle.

1 Edk 6:31

Menli mɔɔ Belemgbunli Devidi vale Ɛdɛnkɛma Sua nu ɛzonlenlɛ edwɛndolɛ nwo ngyehyɛlɛ ne wulale bɛ sa nu wɔ mekɛ mɔɔ bɛvale Ngyekyeleɛ Ɛlɛka ne bɛziele aze la ɛne:

2 Edk 1:4

(Belemgbunli Devidi ɛnee ɛva Nyamenle Ngyekyeleɛ Ɛlɛka ne ɛvi Keleate Gyialem ɛra Ndanlɛ Sua ne mɔɔ yezi yemaa ye wɔ Gyɛlusalɛm la anu.)

2 Edk 5:6

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu ɛkɛ na bɛhunle mboane nee nlankɛ dɔɔnwo kpalɛ mɔɔ bɛngola bɛ tia la bɛbɔle azu.

Edwɛndolɛ Buluku ne 132:8

O Ɛdɛnkɛma, dwazo kɔ wɔ sua ne anu, ɛdawɔ yɛɛ wɔ Ngyekyeleɛ Ɛlɛka ne mɔɔ kile wɔ tumi la.

Sɛlɛ 3:9

Akee ɔyeye ɛyelalɛ azubɔdeɛ ne akunlu ɛnlome ne, ɔpɛ ɔ dua ne mɔɔ ɛlɔ mɔɔ kɔne ɔ nzi bowule ne azo la, ɔyeye ɛnlome mɔɔ wɔ nane ne akunlu ninyɛne ne mɔ anwo, ye ɛzizira nwiɔ ne nee nwolɛ ɛnlome ne mɔɔ wɔ ɔ nze nu la amuala, yɛɛ ye ɛbolɛ nwo ninyɛne kɔsɔɔti ɔvi ɛyelalɛ azubɔdeɛ ne mɔɔ bɛfa bɛamaa Ɛdɛnkɛma la anu.