2 Sam 6:16 - BAEBOLO ANZƐƐ BULUKU NWUANZANWUANZA

¹⁶ Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

2 Sam 6:16 ပူးပေါင်းရင်းမြစ်များ

2 Sam 3:14

Akee Devidi zoanle menli wɔ Sɔɔlo ara Yehyebɔhyɛte ɛkɛ ne manle bɛhɔzele ye kɛ, “Maa me sa ɛha me ye Maekale mɔɔ menvale Filisitia mrenya ɛya ko atoa ati nwoma menzule ɔ ti asoa la ndɛndɛ.”

2 Sam 5:7

(Noko Devidi vale Zayɔn suakpole ne aranemgbole ne na bɛvɛlɛle ye “Devidi Suakpole.”)

2 Sam 6:15

Yemɔti Devidi nee Yizilayɛma kɔsɔɔti vale aweɛnebɔlɛ, edwɛnedolɛ, agolezilɛ nee fɛlɛkolilɛ vale Ɛdɛnkɛma Ngyekyeleɛ Ɛlɛka ne hɔle Devidi Suakpole zo.

2 Sam 6:20

Nzinlii Devidi hɔle kɛ ɔkayila ye awuke nu amra, na Sɔɔlo ara raalɛ Maekale rayiale ye na ɔzele ye kɛ, “Yizilayɛ belemgbunli ne ɛlie duma kpole ɛmaa ɔ nwo ɛnɛ. Yeye ɔ nwo yehile ye sonvolɛma sonvolɛ mraalɛ anyiemgba nu bie kɛ koasea la.”

1 Edk 15:29

Mɔɔ bɛ nee Ɛdɛnkɛma Ngyekyeleɛ Ɛlɛka ne dwule Devidi Suakpole ne azo la, Belemgbunli Sɔɔlo ara raalɛ Maekale nleanle ye nvɛnzɛlɛ ne anu na ɔnwunle kɛ Belemgbunli Devidi anye ɛlie na ɔlɛwuluwulu ɔsi agole la, ɔvale ɛya kpole.

Edwɛndolɛ Buluku ne 123:3

Nwu yɛ anwunvɔne, O Ɛdɛnkɛma, nwu yɛ anwunvɔne, ɔluakɛ yɛnwu akpule yɛhyɛ.

Edwɛndolɛ Buluku ne 69:7

Ɔluakɛ wɔmɔ ɛ ti yɛɛ bɛbɔ me aholoba, na nyiane ɛkpɔlɔ me betaa a.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Ɛzoanvolɛma Gyima ne 2:13

Na bie mɔ golole bɛ nwo na bɛzele kɛ, “Menli ɛhye mɔ ɛbo nza.”

1 Kɔl 2:14

Sonla mɔɔ Nyamenle Sunsum ne ɛnle ye nu la ɛngola ɛnnyia Nyamenle Sunsum nu ahyɛlɛdeɛ ne mɔ. Sonla zɛhae ɛnde ninyɛne ɛhye mɔ abo; bɛle ɔ nye zo ɛzɛlɛ edwɛkɛ, ɔboalekɛ kyesɛ sunsum nu ala na bɛade ɔ bo.

1 Sam 18:17

Akee Sɔɔlo zele Devidi kɛ, “Me ra raalɛ kpanyinli Milabe ɛne. Mefa ye meamaa wɔagya; debie mɔɔ hyia wɔ afoa nu la a le kɛ ɛkɛzi ahonle ɛkɛli nɔhalɛ ɛkɛmaa me na ɛkɛho ɛkɛmaa Ɛdɛnkɛma.” (Ɛnee Sɔɔlo adwenle a le kɛ, “Medame mumua ne menrɛhu ye; ɔle kpalɛ kɛ Filisitiama kɛhu ye.”)

1 Sam 18:20

Sɔɔlo ara raalɛ Maekale hulole Devidi kpole. Mɔɔ bɛhanle bɛhilele Sɔɔlo la ɔ nye liele nwolɛ somaa.