2 Sam 6:14 - BAEBOLO ANZƐƐ BULUKU NWUANZANWUANZA

¹⁴ Devidi wulale Nyamenlezonlenlɛ tɛladeɛ ne mɔɔ bɛfɛlɛ ye “Yifɔdo” la na ɔvale ye anwosesebɛ kɔsɔɔti ɔzile agole ɔwulale Ɛdɛnkɛma anyunlunyia.

2 Sam 6:14 ပူးပေါင်းရင်းမြစ်များ

2 Sam 6:15

Yemɔti Devidi nee Yizilayɛma kɔsɔɔti vale aweɛnebɔlɛ, edwɛnedolɛ, agolezilɛ nee fɛlɛkolilɛ vale Ɛdɛnkɛma Ngyekyeleɛ Ɛlɛka ne hɔle Devidi Suakpole zo.

2 Sam 6:20

Nzinlii Devidi hɔle kɛ ɔkayila ye awuke nu amra, na Sɔɔlo ara raalɛ Maekale rayiale ye na ɔzele ye kɛ, “Yizilayɛ belemgbunli ne ɛlie duma kpole ɛmaa ɔ nwo ɛnɛ. Yeye ɔ nwo yehile ye sonvolɛma sonvolɛ mraalɛ anyiemgba nu bie kɛ koasea la.”

1 Edk 15:27

Devidi wulale “Lenen” tɛladeɛ kɛnlɛma bie. Zɔhane tɛladeɛ ne ala bie yɛɛ menli mɔɔ bɔ agole ne la, Kɛnanaya mɔɔ yemɔ a ɔli bɛ ti nee Livaema mɔɔ zo Ɛlɛka ne la wulale a. Devidi eza wulale Nyamenle ɛzonlenlɛ tɛladeɛ ne mɔɔ bɛfɛlɛ ye Yifɔdo la.

Edwɛndolɛ Buluku ne 149:3

Bɛzi agole bɛye ye ayɛlɛ; bɛva ahenle nee getaa bɛye ye ayɛlɛ!

Edwɛndolɛ Buluku ne 150:4

Bɛva ahenle nee agolezilɛ bɛye ye ayɛlɛ; bɛva getaa nee aweɛne bɛye ye ayɛlɛ!

Edwɛndolɛ Buluku ne 30:11

Wɔmaa me nyane ɛhakyi ɛzelekɛ, wɔkpa me ɛrele wɔgua na wɔmaa me nye ɛlie,

Edwɛndolɛ Buluku ne 87:7

Edwɛndolɛma nee agolezilɛma amuala se, “Me nyilalɛ kɔsɔɔti vi wɔ ɛkɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:20

Na Nyamenle kpɔmanvolɛ raalɛ Meleam, Aalɔn adiema raalɛ ne vale akɛya, na mraalɛ ne mɔ kɔsɔɔti doale ye, wozole akɛya, zile agole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:21

Meleam dole edwɛne manle bɛ kɛ: “Bɛdo edwɛne bɛyeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:6

Bɛbayɛ me maanle nwuanzanwuanza na bɛazonle me kɛ bɛle me sɛlɛvolɛma. Ɛhye a le edwɛkɛ mɔɔ ɛbaha wɔahile Yizilayɛma a.’ ”

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Yizikeɛle Buluku ne 46:10

Saa bɛlɛkɔ ɛkɛ ne a, ɔwɔ kɛ belemgbunli ne nee bɛ a kɔ a, yɛɛ saa bɛlɛfinde a, ɔwɔ kɛ belemgbunli ne nee bɛ a finde a.

Edwɛkpa ne kɛmɔ Luku hɛlɛle la 15:25

“Mekɛ ne anu ɛnee ralɛ nrenya kpanyinli ne ɛhɔ ye ɛya nu. Na mɔɔ ɔlɛba na ɔbikyele ɔ ze awuke ne la, ɔdele edwɛne nee agolehanlɛ ne.

Mɛla 6:5

Bɛva bɛ ahonle muala, bɛ ɛkɛla muala, nee bɛ anwosesebɛ muala bɛhulo Ɛdɛnkɛma bɛ Nyamenle ne.

Kɔlɔ 3:23

Debie biala mɔɔ bɛyɛ la bɛva ahonle kpalɛ bɛyɛ, kɛ asɛɛ bɛyɛ bɛamaa Awulae, na bɛnyɛ bɛmmaa sonla.

Maanlebuvolɛma Buluku ne 11:34

Akee Gyɛfeta ziale rale ye sua zo Mezepa, na nea, ɔ ra raalɛ ne bɔle akɛya, zile agole vi awuke ne anu vindele kɛ ɔkayia ɔ ze adenle. Ɔ ze ara ala ɛne. Ɔnlɛ ralɛ nrenya anzɛɛ ralɛ raalɛ bieko ɔmboka ɔ nwo.

Maanlebuvolɛma Buluku ne 21:21

Saa Hyaelo mbɛlɛra ba kɛ bɛbazi agole wɔ ɛvoyialilɛ ne anu a, bɛvinde na awie biala ɛhye ko ɛva ye ɛyɛ ɔ ye, na ɔ nee ye ɛhɔ Bɛngyaman maanle nu.

1 Sam 2:18

Kakula nrenya Samoɛle wulale “Lenen” ɛzonlenlɛ tɛladeɛ aguzo.

1 Sam 2:28

Menyele ye abusua ɛdeɛ ne menvile Yizilayɛ mbusua ekpunli ne mɔ amuala anu kɛ bɛmɛ yɛɛ bɛyɛ me sɛlɛvolɛma, bɛzonle wɔ azukponle ne anwo, bɛyela ɛyɛlɛ bɛbɔ azu na bɛwula Yifɔdo bɛrɛla me nyunlu a. Eza memanle bɛ adenle kɛ bɛva azukponle ne azo azubɔdeɛ ne mɔ mɔɔ Yizilayɛma kɛva kɛra la bie.

1 Sam 22:18

Sɔɔlo zele Dowɛge kɛ, “Wɔmɔ, ku bɛ!” Na Dowɛge hunle sɛlɛvolɛma abulatwɛ nee nnu ne mɔɔ ɛnee wula sɛlɛvolɛ tɛladeɛ fufule ne mɔɔ bɛfɛlɛ ye “Yifɔdo” la.