2 Sam 6:13 - BAEBOLO ANZƐƐ BULUKU NWUANZANWUANZA

¹³ Mɔɔ menli mɔɔ zo Ɛdɛnkɛma Ngyekyeleɛ Ɛlɛka ne la dule bɛ gyakɛ nsia la, Devidi manle bɛgyinlanle na ɔvale ɛnlankɛ nyinli nee ɛnlankɛ mɔɔ ɛhye kpalɛ la ɔbɔle azu ɔmanle Ɛdɛnkɛma.

2 Sam 6:13 ပူးပေါင်းရင်းမြစ်များ

1 Arl 8:5

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu na bɛhunle mboane nee nlankɛ dɔɔnwo kpalɛ bɛbɔle azu.

1 Edk 15:15

Livaema ne vale mbaka sosɔle ye na bɛzoale ye bɛ kɔme zo, kɛmɔ Ɛdɛnkɛma luale Mosisi anwo zo hanle la.

1 Edk 15:2

Akee ɔhanle kɛ, “Livaema ala a ɔwɔ kɛ soa Ngyekyeleɛ Ɛlɛka ne a. Awie biala ɛnzoa bie, ɔboalekɛ bɛmɛ yɛɛ Ɛdɛnkɛma yele bɛ kɛ bɛzoa na bɛzonle ye dahuu a.”

2 Edk 5:6

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu ɛkɛ na bɛhunle mboane nee nlankɛ dɔɔnwo kpalɛ mɔɔ bɛngola bɛ tia la bɛbɔle azu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:15

Saa mekɛ dwu na bɛlɛfi azokoɛleɛ bie, na Aalɔn nee ɔ mra mrenya ne mɔ boɔboa ninyɛne nwuanzanwuanza ne mɔ anloa, kyekye wie a, ɔwɔ kɛ Kohate abusua ekpulike ne anu amra a soa ɛhye mɔ amuala a. Noko ɔnle kɛ bɛfa bɛ sa bɛka ninyɛne nwuanzanwuanza ne mɔ bie, anrɛɛ bɛkɛwu. “Kohate abusua ekpulike ne gyima mɔɔ la bɛ kɔme zo, wɔ mekɛ biala mɔɔ bɛvi azokoɛleɛ ko bɛlɛtu la, yemɔ ɛne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:9

Na Kohate asa azo ne, Mosisi ammaa bɛ bie, ɔboalekɛ bɛmɛ, bɛ gyima ɛdeɛ ne ala a le ninyɛne nwuanzanwuanza ne mɔ mɔɔ bɛsoa bɛ bɛ kɔme zo na bɛnea bɛ gyɛlɛɛnye la.

Edwɛkpa ne kɛmɔ Mateyu hɛlɛle la 22:4

Eza ɔzoanle sonvolɛma fofolɛ na ɔzele bɛ kɛ bɛze menli mɔɔ yeyieyia bɛ la kɛ, ‘Medo me aleɛ ne mewie, mehu me nlankɛ nee me nane mɔɔ ɛlɔ la mewie; bɛwie debie biala siezie na bɛrɛla atɔfolɛlielɛ ne abo.’

Dwɔhyua Buluku ne 3:3

na bɛzele bɛ kɛ, “Saa bɛnwu kɛ Livaema ne mɔɔ bɛmɛ a bɛle sɛlɛvolɛma la ɛmaa Ɛdɛnkɛma bɛ Nyamenle ne Ngyekyeleɛ Ɛlɛka ne zo bɛvi azokoɛleɛ ɛke bɛlɛkɔ a, bɛdabɛ noko bɛdu bɛ bo bɛdoa bɛ.