2 Sam 6:12 - BAEBOLO ANZƐƐ BULUKU NWUANZANWUANZA

¹² Na bɛrahanle bɛhilele Belemgbunli Devidi kɛ, “Ɛdɛnkɛma ɛyila Obɛde Yidɔm, ye awuke nu amra nee debie biala mɔɔ ɔlɛ la, ɔboalekɛ Nyamenle Ngyekyeleɛ Ɛlɛka ne wɔ ye ɛkɛ.” Yemɔti Devidi vale fɛlɛkolilɛ hɔyele Nyamenle Ngyekyeleɛ Ɛlɛka ne vile Obɛde Yidɔm sua nu hɔle Devidi Suakpole zo.

2 Sam 6:12 ပူးပေါင်းရင်းမြစ်များ

2 Sam 5:7

(Noko Devidi vale Zayɔn suakpole ne aranemgbole ne na bɛvɛlɛle ye “Devidi Suakpole.”)

1 Arl 8:1

Akee Belemgbunli Sɔlɔmɔn yiale Yizilayɛ mgbanyima nee abusua ekpunli biala anu kpanyinli nee bɛ ze mɔ abo zo amra adile adile ne mɔ wɔ Gyɛlusalɛm kɛ bɛkaye Ɛdɛnkɛma Ngyekyeleɛ Ɛlɛka ne wɔ Devidi sua zo Zayɔn bɛara Ɛzonlenlɛ Sua ne anu.

1 Arl 8:3

Yizilayɛ adile adile ne mɔ amuala rale na sɛlɛvolɛma ne mɔ ramanle Ɛdɛnkɛma Ngyekyeleɛ Ɛlɛka ne zo

1 Arl 8:4

na bɛvale bɛvindele. Sɛlɛvolɛma ne nee Livaema ne mɔ yeyele Ndanlɛ Sua ne mɔɔ ɛnee bɛyia nu la nee nuhua ninyɛne nwuanzanwuanza ne mɔ amuala.

1 Edk 15:15

Livaema ne vale mbaka sosɔle ye na bɛzoale ye bɛ kɔme zo, kɛmɔ Ɛdɛnkɛma luale Mosisi anwo zo hanle la.

1 Edk 15:25

Yemɔti Belemgbunli Devidi, Yizilayɛ mbusua mgbanyinli, yɛɛ ɛlɔnema safohyenle mgbanyinli hɔle Obɛde Yidɔm sua nu kɛ bɛkava Ngyekyeleɛ Ɛlɛka ne, na ɔdɛlale ɛvoyialilɛ.

1 Edk 16:16

ɔkakye ngyekyeleɛ ne mɔɔ ɔ nee Ebileham yɛle, nee ye ɛwɔkɛ mɔɔ ɔbɔle Ayezeke.

1 Edk 26:4

Nyamenle lole Obɛde Yidɔm mrenya mɔtwɛ: Hyɛmaya a le kpanyinli a. Mɔɔ doɔdoa zolɛ la a le Gyɛhozabade, Dwowaa, Seekaa, Nɛtanɛle,

1 Edk 26:5

Ameɛle, Yesakaa, yɛɛ Piyɛlitae.

2 Edk 5:2

Akee Belemgbunli Sɔlɔmɔn dole ɛsalɛ vɛlɛle mbusua ekpunli ekpunli ne mɔ mgbanyinli, Yizilayɛ mgbanyima, mbusua mgbanyinli mɔɔ gyigyi bɛ ze mɔ awuke ti la manle bɛ muala bɛrayiale Gyɛlusalɛm, kɛ bɛkava Ɛdɛnkɛma Ngyekyeleɛ Ɛlɛka ne wɔ Devidi Suakpole zo, Zayɔn bɛ nee ye ara Ɛzonlenlɛ Sua ne anu.

Edwɛkpa ne kɛmɔ Mateyu hɛlɛle la 10:42

Na bɛhakye ɛhye: Awie biala mɔɔ kɛmaa ngakula ngyikyi ɛhye mɔ anu ko nzule fɔlɔdɔdɔ kanrɛlɛ ko bɔbɔ kɛnlo, kɛ ɔle me ɛdoavolɛ la, kɛnyia nwolɛ ahatualɛ somaa!”