2 Sam 5:7 - BAEBOLO ANZƐƐ BULUKU NWUANZANWUANZA

⁷ (Noko Devidi vale Zayɔn suakpole ne aranemgbole ne na bɛvɛlɛle ye “Devidi Suakpole.”)

2 Sam 5:7 ပူးပေါင်းရင်းမြစ်များ

2 Sam 5:8

Kenle ko ne, Devidi zele ye menli ne kɛ, “Awie wɔ ɛke mɔɔ kyi Gyibɛsema tɛla me, mɔɔ kɛhola kɛhu bɛ ɔ? Ɛnee bɛva azɛlɛ bo adenle ne anu na bɛva konle bɛhɔdoa anyenzinliravolɛma nee abuburama ne mɔ mɔɔ Devidi kyi bɛ la.” (Ɛhye ati yɛɛ bɛse, “Anyenzinliravolɛma nee abuburama ɛnrɛhɔ Ɛdɛnkɛma sua nu” la.)

2 Sam 5:9

Devidi vale aranemgbole ne la ɔdɛnlanle nuhua na ɔvɛlɛle sua ne “Devidi Suakpole”. Devidi kyekyele suakpole ne yiale, ɔbɔle ye boka ne aduduleɛ ɛleka mɔɔ bɛdule ndɛtɛlɛ bɛduale ye kuma ne la.

2 Sam 6:10

Yemɔti Devidi angulo kɛ ɔkɛva Ɛdɛnkɛma Ngyekyeleɛ Ɛlɛka ne ɔkɛhɔ Devidi Suakpole zo (Gyɛlusalɛm), na ɔvale ɔhɔle Obɛde Yidɔm mɔɔ vi Gate la sua nu.

2 Sam 6:12

Na bɛrahanle bɛhilele Belemgbunli Devidi kɛ, “Ɛdɛnkɛma ɛyila Obɛde Yidɔm, ye awuke nu amra nee debie biala mɔɔ ɔlɛ la, ɔboalekɛ Nyamenle Ngyekyeleɛ Ɛlɛka ne wɔ ye ɛkɛ.” Yemɔti Devidi vale fɛlɛkolilɛ hɔyele Nyamenle Ngyekyeleɛ Ɛlɛka ne vile Obɛde Yidɔm sua nu hɔle Devidi Suakpole zo.

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

1 Arl 2:10

Akee Belemgbunli Devidi hɔle ayile nu na bɛwulale ye mrɛlatɛlɛ nu wɔ Devidi suakpole zo.

1 Arl 3:1

Sɔlɔmɔn gyale Yigyibiti belemgbunli ne ara raalɛ na ɔlua zolɛ ɔ nee Yigyibiti belemgbunli yɛle ko. Ɔvale ɔ ye ɔrale Devidi suakpole zo ɔhɔkpulale mekɛ mɔɔ ɔwiele ye belemgbunli awuke ne bu, ɔzile Ɛdɛnkɛma Ɛzonlenlɛ Sua ne na bɛliele bane bɛbɔle Gyɛlusalɛm suakpole ne anwo bɛyiale la.

1 Arl 8:1

Akee Belemgbunli Sɔlɔmɔn yiale Yizilayɛ mgbanyima nee abusua ekpunli biala anu kpanyinli nee bɛ ze mɔ abo zo amra adile adile ne mɔ wɔ Gyɛlusalɛm kɛ bɛkaye Ɛdɛnkɛma Ngyekyeleɛ Ɛlɛka ne wɔ Devidi sua zo Zayɔn bɛara Ɛzonlenlɛ Sua ne anu.

1 Arl 9:24

Akee Yigyibiti belemgbunli ne ara raalɛ ne mɔɔ Sɔlɔmɔn gyale ye la vile Devidi suakpole ne azo dule hɔdɛnlanle sua ne mɔɔ ɔ hu Sɔlɔmɔn zile manle ye la anu. Sɔlɔmɔn akee manle bɛzoale anwea bɛduale kuma ne mɔɔ la suakpole ne aduduleɛ la.

1 Edk 11:7

Devidi hɔdɛnlanle sua ne azo aranemgbole ne anu, yemɔti bɛvɛlɛle sua ne “Devidi Suakpole.”

2 Edk 24:16

Bɛziele ye wɔ Devidi Suakpole zo wɔ arelemgbunli ne mɔ avinli, wɔ mɔɔ ɔyɛle ɔmanle Yizilayɛma, ye ɛzonlenlɛ kpalɛ mɔɔ ɔzonlenle Nyamenle, nee ye nyɛleɛ kpalɛ mɔɔ ɔyɛle wɔ Ɛzonlenlɛ Sua ne anwo la ati.

2 Edk 5:2

Akee Belemgbunli Sɔlɔmɔn dole ɛsalɛ vɛlɛle mbusua ekpunli ekpunli ne mɔ mgbanyinli, Yizilayɛ mgbanyima, mbusua mgbanyinli mɔɔ gyigyi bɛ ze mɔ awuke ti la manle bɛ muala bɛrayiale Gyɛlusalɛm, kɛ bɛkava Ɛdɛnkɛma Ngyekyeleɛ Ɛlɛka ne wɔ Devidi Suakpole zo, Zayɔn bɛ nee ye ara Ɛzonlenlɛ Sua ne anu.

Nihɛmaya Buluku ne 3:15

Kɔlehozi ara Hyalɛm, mɔɔ sie Mezepa Maanzinli ne la, yɛle Nzufeanvea Anlenkɛ Kpole ne boɛ. Ɔbobɔle ɛbonle fofolɛ ɔduale ye, ɔduale ye kɔlɔkɔlɔ, na ɔvale mbulalɛ ɔguale ɔ nzi. Akee ɔyɛle bane ne mɔɔ vi Hyila Nzubula ne mɔɔ zua belemgbunli ne tola ne la boɛ, toonwo ɔhɔkpulale kpolike ne mɔɔ tolo kɔ Devidi suakpole ne azo la.

Edwɛndolɛ Buluku ne 132:13

Ɛdɛnkɛma ɛnlea nu ɛye Zayɔn; yehulo kɛ ɛkɛ ne a ɔtɛnla a:

Edwɛndolɛ Buluku ne 2:6

Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

Edwɛndolɛ Buluku ne 48:12

Bɛkpɔsa Zayɔn azo, bɛbɔ ye mgbɔlɔka bɛyia, bɛdia ye tawa ne mɔ;

Edwɛndolɛ Buluku ne 48:3

Nyamenle ɛhile kɛ ɔle pepɛdievolɛ wɔ ye aranemgbole ne mɔ anu.

Edwɛndolɛ Buluku ne 51:18

Fa fɛlɛkolilɛ yɛ Zayɔn boɛ; die Gyɛlusalɛm bane ne mɔ fofolɛ,

Edwɛndolɛ Buluku ne 87:2

Ɛdɛnkɛma kulo Zayɔn nlenkɛ mgbole ne mɔ tɛla ɛleka biala mɔɔ wɔ Yizilayɛ la.

Edwɛndolɛ Buluku ne 9:11

Bɛdo ayɛlɛyelɛ edwɛne bɛmaa Ɛdɛnkɛma mɔɔ wɔ Zayɔn! Bɛbɔ ye gyima ne mɔ nolo bɛhile maanle maanle.

Ayezaya Buluku ne 12:6

Bɛdeɛdea nu, bɛva anyelielɛ bɛdo edwɛne, O Zayɔnoma, ɔluakɛ Yizilayɛ Nwuanzanwuanza Ko ne mɔɔ de bɛ avinli la le kpole.”

Ayezaya Buluku ne 59:20

Ɛdɛnkɛma se, “Mebara Gyɛlusalɛm kɛ Kpɔnevolɛ mearakpɔne Gyekɔbo abo zo amra ne mɔɔ kɛhwe bɛ nwo kɛvi bɛ mɛladonlɛ nwo la.

Gyɛlɛmaya Buluku ne 21:13

Na bɛnlea, bɛmɛ Gyɛlusalɛmma mɔɔ bɛvo bɛdɛnla bɔnza ne anwuma, na bɛyɛ bɛ nwo bodane mɔɔ la azɛlɛ wienyi zo, na bɛse awie ɛnrɛhola ɛnrɛva konle ɛnrɛdoa bɛ, yɛɛ awie ɛnrɛhola ɛnrɛra ɛleka mɔɔ bɛwɔ la, medame Ɛdɛnkɛma, mese,

Maeka Buluku ne 4:2

na menli dɔɔnwo baraha kɛ, “Bɛrɛla bɛmaa yɛhɔ Ɛdɛnkɛma Boka ne azo, yɛhɔ Gyekɔbo Nyamenle ne sua nu, amaa yeahilehile yɛ ye ndenle ne mɔ, na yɛalua ye ndenle ne mɔ anu. Ɔluakɛ Zayɔn yɛɛ mɛla ne vi bara a, Ɛdɛnkɛma edwɛkɛ ne vi Gyɛlusalɛm a bara a.”

Wulo 9:33

Nyamenle Edwɛkɛ ne se, “Nea, melɛfa bolɛ meado Zayɔn mɔɔ bamaa menli akpulokpula a, ɔbayɛ bodane mɔɔ bamaa bɛadu bɛagua a. Na mɔɔ kɛlie ye kɛli la arɛle ɛnrɛbɔ.”

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Yekile 14:1

Akee mekado me nye la ɛnee Boaneralɛ ne gyi Boka Zayɔn azo; ɔ nee menli apenle ngoko ɛya ko, abulanla nee nna (144,000) mɔɔ bɛhɛlɛ ɔdaye ye duma yɛɛ Selɛ ne duma wɔ bɛ nwoma azo la a gyi ɛkɛ a.