2 Sam 5:3 - BAEBOLO ANZƐƐ BULUKU NWUANZANWUANZA

³ Yemɔti Yizilayɛ mgbanyima ne mɔ kɔsɔɔti zile nu rale Devidi anwo ɛkɛ wɔ Hibulɔn. Belemgbunli Devidi nee bɛ yɛle ngyekyeleɛ wɔ Ɛdɛnkɛma anyunlu na bɛziele ye Yizilayɛ belemgbunli.

2 Sam 5:3 ပူးပေါင်းရင်းမြစ်များ

2 Sam 2:4

Na Dwudama rale raziele Devidi belemgbunli. Devidi dele kɛ Gyeebɛhyema mɔɔ wɔ Geleade la ɛzie Sɔɔlo la,

2 Sam 2:7

Bɛgyinla kpundii na bɛmia bɛ nwo. Bɛ Belemgbunli Sɔɔlo ɛwu, na Dwudama ɛzie me belemgbunli.”

2 Sam 3:21

Abenɛɛ zele Devidi kɛ, “Nana, mekɔ meahɔboɔboa Yizilayɛma kɔsɔɔti anloa meamaa wɔ. Bɛ muala bɛ nee wɔ bayɛ ngyehyɛlɛ na bɛalie bɛado nu kɛ ɛle bɛ belemgbunli na wɔazie maanle ne kɔsɔɔti kɛmɔ ɛkpondɛ la.” Yemɔti Devidi manle Abenɛɛ adenle manle ɔhɔle anzonudwolɛ nu.

1 Arl 1:34

Saa bɛdwu ɛkɛ a bɛmaa sɛlɛvolɛ Zeedɔko nee Nyamenle kpɔmanvolɛ Neetan ɛkpokpa ye nwole kɛ ɔle Yizilayɛma belemgbunli. Bɛwie a bɛwu aweɛne tendenle ne anu bɛze kɛ, ‘Belemgbunli Sɔlɔmɔn ɛnyi ɛhyɛ.’

2 Arl 11:17

Sɛlɛvolɛ Gyɛhɔyada manle Belemgbunli Dwowahye nee menli ne nee Ɛdɛnkɛma yɛle ngyehyɛlɛ na bɛkyekyele ɔ bo kɛ bɛkɛyɛ Ɛdɛnkɛma ɔdaye ye menli. Eza ɔmanle belemgbunli nee menli ne yɛle ngyekyeleɛ.

1 Edk 11:1

Yizilayɛma amuala hɔle Devidi anwo ɛkɛ wɔ Hibulɔn hɔzele ye kɛ, “Yɛ muala yɛle menli ko.

1 Edk 11:3

Yemɔti Yizilayɛ mgbanyima ne kɔsɔɔti hɔle belemgbunli ne ɛkɛ ne wɔ Hibulɔn, na Devidi nee bɛ yɛle ngyehyɛlɛ, bɛkyekyele ɔ bo wɔ Ɛdɛnkɛma anyunlu, na bɛziele Devidi belemgbunli kɛ ɔnlea Yizilayɛma kɔsɔɔti anwo zo, kɛmɔ Ɛdɛnkɛma luale Samoɛle anwo zo hanle la.

1 Edk 28:4

Ɛdɛnkɛma, Yizilayɛ Nyamenle ne, nleanle nu yele me nee me bo zo amra kɛ yɛli belemgbunli wɔ Yizilayɛma anwo zo dahuu. Ɔnleanle nu ɔyele Dwuda abusua ekpunli ne kɛ bɛli Yizilayɛma kɔsɔɔti ati, yɛɛ ɔnleanle nu ɔyele egya abusua ekpulike ne ɔvile Dwudama amuala avinli. Akee ɔnleanle abusua ekpulike zɔhane anu la, ɔyele me, ɔ nye liele kɛ ɔkɛye me ɔkɛvi egya awuke nu ɔkɛzie me Yizilayɛma belemgbunli.

2 Edk 23:16

Akee sɛlɛvolɛ Gyɛhɔyada nee belemgbunli ne yɛɛ menli ne amuala yɛle ngyehyɛlɛ na bɛhyele ɔ bo kɛ Ɛdɛnkɛma ala a bɛkɛzonle ye a.

Nihɛmaya Buluku ne 9:38

Ɔlua ninyɛne ɛhye mɔ kɔsɔɔti mɔɔ ɛsisi la ati, yɛdayɛ Yizilayɛma, yɛyɛ ngyehyɛlɛ ɛhye, na yɛ mgbanyima, yɛ Livaema nee yɛ sɛlɛvolɛma ava bɛ sa awula ɔ bo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:16

Kɔboɔboa Yizilayɛ mgbanyima kɔsɔɔti anloa na ka kile bɛ kɛ: Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile me. Ka kile bɛ kɛ menwu mɔɔ bɛva bɛyɛ bɛ wɔ Yigyibiti la,

Dwɔhyua Buluku ne 10:36

Ɛhye anzi, Dwɔhyua nee ye ɛlɔnema ne vile Ɛgelɔn na bɛhɔle Hibulɔn, wɔ awoka ne mɔ azo lɔ; bɛtetale ye bɛ nee sua ne azo amra honle

Maanlebuvolɛma Buluku ne 11:11

Yemɔti Gyɛfeta nee Geleade mgbanyima hɔle. Menli ne ziele ye belemgbunli na bɛyɛle kɛ ɔli bɛ ti. Gyɛfeta hanle ye edwɛkɛ muala hilele menli ne mɔ wɔ Mezepa wɔ Ɛdɛnkɛma anyunlu.

1 Sam 11:15

Yemɔti bɛ kɔsɔɔti bɛhɔle Gelegale bɛhɔziele Sɔɔlo belemgbunli wɔ Ɛdɛnkɛma anyunlu. Bɛbɔle anzonudwolɛ azu bɛmanle Ɛdɛnkɛma wɔ ɛkɛ ne. Na Sɔɔlo nee menli ne kɔsɔɔti lile fɛlɛko.

1 Sam 16:13

Samoɛle vale ɔlivi nwole ɛweɛne ko ne na ɔwolale ɔguale ɔ ti zo wɔ ɔ mediema ne mɔ anyunlu ɛkɛ. Ɛkɛ ne ala Ɛdɛnkɛma Sunsum ne dwule Devidi anwo zo na ɔvi mekɛ ne anu ɔhale ɔ nwo bɔkɔɔ. Na Samoɛle ziale hɔle Releema.

1 Sam 23:18

Na bɛ mu nwiɔ bɛvale Ɛdɛnkɛma bɛbɔle bɛ nwo ɛwɔkɛ kɛ bɛkɛyɛ mediema dahuu. Devidi woale Hɔlɛhye, na Dwɔnatan ziale hɔle sua nu.