2 Sam 5:2 - BAEBOLO ANZƐƐ BULUKU NWUANZANWUANZA

² Tete ne mɔɔ ɛnee Sɔɔlo a di yɛ belemgbunli la, wɔmɔ yɛɛ ɛ nee yɛ hɔle ɛ nee yɛ rale a; na Ɛdɛnkɛma zele wɔ kɛ, ‘Ɛbayɛ kɛ mboaneneavolɛ la, wɔanlea me menli Yizilayɛma na wɔali bɛ belemgbunli.’ ”

2 Sam 5:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:24

Noko ye ɛda ɛdeɛ ne andɔ aze. Ɔ sa nu yɛle ɛsesebɛ wɔ Gyekɔbo Nyamenle Bedevinli ne tumi nu, Wɔ Mboaneneavolɛ Yizilayɛ Pepɛdievolɛ ne duma nu.

2 Sam 6:21

Na Devidi zele Maekale kɛ, “Menzile agole, menyele Ɛdɛnkɛma ne mɔɔ vale ɛ ze nee ye abusua ne ziele ahane, na ɔziele me ye menli Yizilayɛma belemgbunli la ayɛlɛ. Na mebahɔ zolɛ meazi agole meawula Ɛdɛnkɛma anyunlunyia dahuu.

2 Sam 7:7

Ɛleka kɔsɔɔti mɔɔ me nee Yizilayɛma ɛhɔ la, meanga edwɛkɛ kpɔkɛ ko bɔbɔ meangile Yizilayɛ mgbanyima mɔɔ menyele bɛ kɛ bɛli Yizilayɛma ati la kɛ, duzu ati a bɛtɛfale sida mbaka bɛtɛsile sua bɛtɛmanle me ɛ?’

2 Sam 7:8

“Yemɔti ka kile me sonvolɛ Devidi kɛ, medame Tumivolɛ Ɛdɛnkɛma mese, ‘Menyele wɔ menvile mboane ɛnleanlɛ zo wɔ fiene ne anu kɛ ɛrali me menli Yizilayɛma belemgbunli;

2 Arl 20:5

kɛ ɔzia ɔhɔ Hɛzikaya mɔɔ sie Ɛdɛnkɛma menli ne la anwo ɛkɛ ɔhɔze ye kɛ, “Medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne, menwu wɔ monle mɔɔ wɔhwi la. Mebayɛ wɔ ayile na ɛnɛ anwo zo kenle nsa, ɛbahɔ Ɛzonlenlɛ Sua ne anu.

1 Edk 11:2

Mekɛ bie mɔɔ ɛze ɛhɔ, mɔɔ ɛnee Sɔɔlo a le belemgbunli la, wɔmɔ yɛɛ ɛlile Yizilayɛma ati ɛ nee bɛ hɔle, rale a, na Ɛdɛnkɛma wɔ Nyamenle ne zele wɔ kɛ, ‘Wɔmɔ yɛɛ ɛbali Yizilayɛma ati na wɔali bɛ belemgbunli a.’ ”

2 Edk 1:10

Zɔhane ati maa me nrɛlɛbɛ nee ndelebɛbo maa menva menzie menli ɛhye mɔ, ɔluakɛ awie biala ɛnrɛhola wɔ menli pemgbenleamgbe ɛhye mɔ anwo zo nea.”

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 55:4

Bɛnlea, menyɛle ye maanle maanle ne mɔ dasevolɛ, maanle maanle ne mɔ safohyenlema kpanyinli mɔɔ li bɛ ti.

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Maeka Buluku ne 5:4

Ɔbalua Ɛdɛnkɛma anwosesebɛ zo yeagyinla yeayɛne ye nyɛmoa wɔ Ɛdɛnkɛma ye Nyamenle ne anyunlunyia nu. Na ye menli ne badɛnla bɛ nwo adɔ bɛ, ɔluakɛ ɛnɛ ɛdeɛ, ɔbayɛ sonlakpole wɔ ewiade ɛleka biala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:17

mɔɔ kɛli bɛ nyunlu ɔ nee bɛ kɛhɔ, ɔ nee bɛ kɛra la, amaa menli ne anyɛ kɛ mboane mɔɔ ɛnlɛ neavolɛ la.”

Edwɛkpa ne kɛmɔ Mateyu hɛlɛle la 2:6

‘Na wɔmɔ Bɛtelɛhɛm, mɔɔ wɔ Dwuda maanle nu, ɛnle ekyi wɔ Dwuda maanle nu azuamgbole avinli; ɔluakɛ wɔ ɛkɛ ne yɛɛ mɔɔ barali Yizilayɛma ati anlea me menli ne anwo zo la vi bara a.’ ”

Dw 10:11

“Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

Kɛlata mɔɔ bɛhɛlɛle bɛhɔmanle Hibuluma la 2:10

Ɔle kpalɛ kɛ Nyamenle, mɔɔ ɔdaye yɛɛ ɔbɔle ninyɛne kɔsɔɔti na bɛle ye ɛdeɛ la, kɛmaa Gyisɛse kɛnwu amaneɛ kolaa na yeali munli, amaa yeahola yeava mralɛ somaa yeahɔ Nyamenle anyunlunyia ne anu.

1 Sam 13:14

na kɛkala, wɔ belemgbunlililɛ ne ɛnrɛhɔ zolɛ bieko. Ɛdɛnkɛma ɛnyia sonla mɔɔ ɔdaye ɔkulo la, yeye ye kɛ ɔzie ye menli ne, ɔboalekɛ wɔdu ɔ nloa wɔdo.”

1 Sam 16:1

Ɛdɛnkɛma bizale Samoɛle kɛ, “Kenle nyɛ yɛɛ ɛfa wɔali Sɔɔlo anwo nyane a? Mekpo ye, ɔnli Yizilayɛ belemgbunli bieko. Dwazo fa ɔlivi nwole gua wɔ ɛweɛne ne anu. Mesoa wɔ wɔ Bɛtelɛhɛmenli Gyɛsi ɛkɛ ne, ɔluakɛ meye ɔ mra mrenya ne mɔ ko kɛ mesie ye belemgbunli.”

1 Sam 18:13

Yemɔti Sɔɔlo yele ye ɔ nwo ɛkɛ ne na ɔyɛle ye ɛlɔnema apenle safohyenle. Ɔ nee ye ɛlɔnema ne hɔle konle dɔɔnwo,

1 Sam 18:16

Na Yizilayɛma nee Dwudama ɛdeɛ bɛ kɔsɔɔti bɛhulole Devidi edwɛkɛ, ɔboalekɛ saleɛ doa ye.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.

1 Sam 25:28

Mesɛlɛ wɔ, ɛtane biala mɔɔ meyɛ la, fa kyɛ me. Ɛdɛnkɛma bamaa wɔali belemgbunli, ɛ bo zo amra noko bali belemgbunli, ɔboalekɛ ɛlɛko wɔamaa ye, na melɛ dodo biala mɔɔ ɛbali la, munzule ɛnrɛdo wɔ ɛlɛ.

1 Sam 25:30

Akee mɔɔ Ɛdɛnkɛma kɛwie debie kpalɛ biala mɔɔ yeva yebɔ wɔ ɛwɔkɛ la yɛ na yezie wɔ Yizilayɛ belemgbunli yewie la,

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”