2 Sam 5:10 - BAEBOLO ANZƐƐ BULUKU NWUANZANWUANZA

¹⁰ Akee Devidi anwo yɛle ɛzulolɛ kpole kpalɛ, ɔboalekɛ Tumivolɛ Ɛdɛnkɛma Nyamenle ne nee ye lua.

2 Sam 5:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:22

Mekɛ ne anu Belemgbunli Abemɛlɛke nee Faekɔlo, ye safohyenlema kpanyinli ne mɔɔ nea ye ɛlɔnema ne anwo zo la, hɔle Ebileham ɛkɛ hɔzele ye kɛ, “Nyamenle boa wɔ wɔ debie biala mɔɔ ɛkɛze kɛ ɛyɛ la anu.

2 Sam 3:1

Sɔɔlo abusua ne ɛlɔnema nee Devidi ɛlɔnema ne honle hyɛle kpalɛ. Na Devidi tumi ne yɛle kpole na Sɔɔlo abusua ne ɛlɔnema anwo hanle aze.

2 Sam 7:9

yɛɛ adenle biala anu me nee wɔ ɛlua. Meli wɔ kpɔvolɛma kɔsɔɔti anwo zo konim memaa wɔ; mebamaa wɔalie duma kpole, kɛmɔ mgbolema mɔɔ wɔ aleɛabo la lɛ ye la.

2 Sam 8:14

Ɔyɛle ye ɛlɔnema azokoɛleɛ dɔɔnwo wɔ Yidɔm maanle ne anu, na Yidɔmma yɛle Devidi ngɛkɛlɛ. Ɛleka biala mɔɔ Devidi hɔle la, Ɛdɛnkɛma manle ɔlile konim.

2 Sam 8:6

Akee Devidi yɛle ye ɛlɔnema azokoɛleɛ dɔɔnwo wɔ maanle ne anu na Seleama yɛle Devidi ngɛkɛlɛ na bɛduale adwule bɛmanle ye.

Dwobu Buluku ne 17:9

Noko tenlenenli die to nu kɛ ɔle fɔɔnwo, yɛɛ mɔɔ ɛnle ɛtanevolɛ la nyi anwosesebɛ nu.

Edwɛndolɛ Buluku ne 24:10

Nwane a le anyunlunyia Belemgbunli ɛhye? Tumivolɛ Ɛdɛnkɛma ɔ, yemɔ a ɔle anyunlunyia Belemgbunli ne a.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

Edwɛkpa ne kɛmɔ Luku hɛlɛle la 2:52

Na Gyisɛse nyinle nwonane nu nee nrɛlɛbɛ nu, na ɔnyianle ɔ nyunlu wɔ Nyamenle nee menli nyunlu.

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

1 Sam 18:12

Sɔɔlo sulo Devidi kpole, ɔluakɛ Ɛdɛnkɛma Sunsum ne ɛva Devidi na Sɔɔlo ɛdeɛ ne ɛvi ɔ nwo.

1 Sam 18:14

na ɔlile bɛ muala anu konim, ɔluakɛ Ɛdɛnkɛma nee ye lua.

1 Sam 18:5

Ɛzoanlɛ nee gyima biala mɔɔ Sɔɔlo vale manle Devidi la, ɔyɛle bɛ muala gyɛlɛɛnye; yemɔti Sɔɔlo yɛle ye safohyenle wɔ ye ɛlɔne ne anu. Awie biala, bɔbɔ Sɔɔlo sonvolɛma ne akunlu dwole fɔɔnwo wɔ Devidi gyinlabelɛ ne anwo.