2 Sam 4:9 - BAEBOLO ANZƐƐ BULUKU NWUANZANWUANZA

⁹ Devidi buale Rilikabe nee ɔ diema Beeyana kɛ, “Meka tease Nyamenle ne mɔɔ ɛlie me ɛvi munzule kɔsɔɔti anu la!

2 Sam 4:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:16

Nyamenle soanvolɛ ne mɔɔ ɛlie me ɛvi munzule kɔsɔɔti anu la, Ɛyila mgbavolɛ ɛhye mɔ; na ɔlua bɛ nwo zo bɛbɔ me nee me ze mɔ Ebileham nee Ayezeke aluma atɛnlase; Na bɛ nwo ɛzo bɛyɛ ɛlɔne wɔ azɛlɛ ye azo!”

2 Sam 4:2

Yehyebɔhyɛte lɛ menli nwiɔ mɔɔ nea nwule ekpunli ekpunli ne mɔ anwo zo a. Bɛfɛlɛ ko Beeyana yɛɛ bɛfɛlɛ ko ne Rilikabe. Bɛ ze a le Relemɔn mɔɔ vi Biyɛlo la yɛɛ ɔvi Bɛngyaman abusua ekpunli ne anu. (Bɛtia Biyɛlo bɛboka Bɛngyaman maanle ne anwo.

1 Arl 1:29

Na Belemgbunli Devidi vuale bieko hilele ye kɛ, “Batehyɛba, meka tease Ɛdɛnkɛma, mɔɔ ɛlie me ɛvi munzule dɔɔnwo anu la kɛ,

Edwɛndolɛ Buluku ne 103:4

Ɔdie wɔ ngoane ɔfi Ewule Kuma nu, na ɔkile ye ɛhulolɛ kpundii ne nee ye anwunvɔnezelɛ ne ɛ nwo zo.

Edwɛndolɛ Buluku ne 106:10

Yemɔti ɔliele bɛ ɔvile kpɔvolɛ ne asa anu, na ɔliele bɛ ɔvile kpɔvolɛ ne tumi bo.

Edwɛndolɛ Buluku ne 107:2

Bɛmaa bɛdabɛ mɔɔ Ɛdɛnkɛma ɛlie bɛ la ɛha, bɛmɛ mɔɔ yelie bɛ yevi bɛ amaneɛnwunlɛ nu, na yeboɔboa bɛ nloa yevi maanle maanle zo, ɔvi aduduleɛ nee adɔleɛ, ɛbɔ nu nee nyevile nu la ɛha ye zɔ.

Edwɛndolɛ Buluku ne 34:17

Saa tenlenema biza moalɛ a, Ɛdɛnkɛma tie bɛ, na ɔdie bɛ ɔfi bɛ amaneɛnwunlɛ nu.

Edwɛndolɛ Buluku ne 34:22

Ɛdɛnkɛma die ye sonvolɛma ngoane; bɛnrɛbua bɛdabɛ mɔɔ bɛtane ye la ewule fɔlɛ.

Edwɛndolɛ Buluku ne 69:18

Twe bikye me, kpɔne me; maa menyia me ti wɔ kpɔvolɛma asa anu.

Edwɛndolɛ Buluku ne 71:23

Mebadea nu anyelielɛ nu, mekɛ mɔɔ menwɔha kɛ meye wɔ ayɛlɛ la; me ɛkɛla mɔɔ ɔdaye noko wɔlie ye la baye wɔ ayɛlɛ.

1 Sam 26:24

Kɛmɔ ɛnɛ meangu wɔ la, zɔhane ala yɛɛ Ɛdɛnkɛma ɛyɛ ɛmaa me na ɔye me ɔvi ngyegyelɛ biala anu a.”