2 Sam 4:8 - BAEBOLO ANZƐƐ BULUKU NWUANZANWUANZA

⁸ bɛvale bɛrɛlɛle Devidi wɔ Hibulɔn. Bɛzele belemgbunli ne kɛ, “Sɔɔlo, wɔ kpɔvolɛ ne mɔɔ ɛnee ɛlɛkpondɛ wɔ ahu wɔ la ara Yehyebɔhyɛte ati ne ɛne. Nana, Ɛdɛnkɛma ɛzenra Sɔɔlo nee ɔ bo zo amra ɛdua bɛ kakɛ ɛnɛ demua ye ɛmaa wɔ.”

2 Sam 4:8 ပူးပေါင်းရင်းမြစ်များ

2 Sam 18:19

Akee Zeedɔko ara Ahaemaze zele kɛ, “Bɛmaa menriandi waa mengɔmbɔ belemgbunli amaneɛ kɛ Ɛdɛnkɛma ɛye ye ɛvi ye kpɔvolɛma asa anu.”

2 Sam 18:31

Akee Sudanenli akɛlɛ ne ɔdaye ɔrale na ɔrahanle kɛ, “Melɛ amaneɛ fɛlɛko melɛbɛlɛ me awulae belemgbunli. Ɔluakɛ Ɛdɛnkɛma ɛlie wɔ ɛvi kpɔvolɛma mɔɔ honle tiale wɔ la asa anu ɛnɛ.”

2 Sam 2:8

Nɛɛ ara nrenya Abenɛɛ mɔɔ nea Sɔɔlo ɛlɔnema ne anwo zo la ɛva Sɔɔlo ara nrenya Yehyebɔhyɛte ɛnriandi ɛhɔpɛ Azule Dwɔdan ne ɛhɔ Meehaneeyem;

2 Sam 22:48

Nyamenle mɔɔ maanle menlile me kpɔvolɛma anwo zo konim, na ɔbɛlɛle maanle maanle aze wɔ me nyunlu a;

Edwɛndolɛ Buluku ne 71:24

Mebaha wɔ tenlene moalɛ ne anwo edwɛkɛ dahuu, ɔluakɛ bɛdabɛ mɔɔ bɛkpondɛ me bɛahu me la anyunlu ɛgua aze, bɛbɔ anyiemgba.

Edwɛkpa ne kɛmɔ Mateyu hɛlɛle la 2:20

ɔzele ye kɛ, “Dwosefi, fa kakula ne nee ɔ nli sia kɔ Yizilayɛ azɛlɛ zo, ɔluakɛ menli mɔɔ kpondɛ kakula ne ahu ye la ɛwu.”

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”

1 Sam 18:11

Ɔvale adwenle kɛ, “Mebɛtɛ Devidi wɔ bane ne anwo.” Yemɔti ɔdole atwɛ ne fane nwiɔ na Devidi yele ɔ nwo ɛkɛ fane nwiɔ ne.

1 Sam 19:1

Sɔɔlo zele ɔ ra Dwɔnatan nee ye sonvolɛma kɔsɔɔti kɛ bɛhu Devidi. Dwɔnatan ɛnee kulo Devidi edwɛkɛ kpalɛ.

1 Sam 19:15

Sonvolɛma ne hɔbɔle Sɔɔlo amaneɛ, na ɔzele bɛ kɛ, “Bɛhɔdwu ye nee ye ɛsokpa ne amuala bɛrɛlɛ me bɛmaa mengu ye.”

1 Sam 20:1

Devidi vi Naeyo mɔɔ wɔ Releema la nriandile hɔle Dwɔnatan anwo lɔ. Ɔbizale ye kɛ, “Duzu a meyɛ a? Duzu fɔlɛ a medi a? Duzu ɛtane a meyɛ metia ɛ ze mɔɔ yemɔti ɔlɛkpondɛ me yeahu me a?”

1 Sam 23:15

Devidi nwunle kɛ Sɔɔlo kpondɛ kɛ ɔku ye. Ɛnee Devidi wɔ Hɔlɛhye mɔɔ wɔ fienemgbole ne mɔɔ zua Zefe la anu.

1 Sam 24:4

Na Devidi ɛlɔnema ne zele ye kɛ, “Ɛnɛ kenle ye le wɔ kenle. Ɛdɛnkɛma ɛze wɔ kɛ, ‘Mebaye wɔ kpɔvolɛ ne meawula ɛ sa nu, na wɔayɛ ye debie biala mɔɔ ɛdawɔ ɛkulo la.’ ” Devidi dwazole yɛle nyaa hɔpɛle Sɔɔlo tɛladeɛ ne mɔɔ ɔwula la sinli mɔɔ Sɔɔlo annwu ye a.

1 Sam 25:29

Saa awie se kɛ ɔku wɔ a, Ɛdɛnkɛma wɔ Nyamenle ne bava wɔ avea gyɛlɛɛnye, kɛmɔ sonla sinza ye agyadeɛ mɔɔ sonle bolɛ la. Na mɔɔ fane wɔ kpɔvolɛma ne mɔ anwo, ɔbavuandi bɛ yeagua kɛ bɛto totoabɔ la.