2 Sam 4:6 - BAEBOLO ANZƐƐ BULUKU NWUANZANWUANZA

⁶ Ɛnee anlenkɛ sinzavolɛ raalɛ ne ɛlɛkpa ma nu na ɔdaye noko ɔ nye wuanenle ye manle ɔvale nu ɔlafele. Rilikabe nee ɔ diema Beeyana yɛle nyaa wolole suakunlu ɛkɛ ne.

2 Sam 4:6 ပူးပေါင်းရင်းမြစ်များ

2 Sam 2:23

Noko Asahɛle amkponle na ɔvoanle Abenɛɛ ndinlizo. Abenɛɛ dole ye atwɛ ne abo ne ɔ nzi wɔle Asahɛle akunlu manle atwɛ ne vindele ɔ nzi. Asahɛle dɔle aze na ɔwule. Menli mɔɔ rale ɛleka mɔɔ Asahɛle honle dɔle la gyinlanle ɛkɛ ne koonwu.

2 Sam 20:10

Ameesa annwu dadeɛ ne mɔɔ wɔ Dwowabe asa bɛne ne anu la, yemɔti Dwowabe vale dadeɛ ne wɔle Ameesa akunlu tulule ye anyalɛ manle ɔwule. Yeanwɔ ye fane nwiɔ. Akee Dwowabe nee ɔ diema Abehyae hɔle zolɛ voanle Hyiba.

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

2 Sam 4:2

Yehyebɔhyɛte lɛ menli nwiɔ mɔɔ nea nwule ekpunli ekpunli ne mɔ anwo zo a. Bɛfɛlɛ ko Beeyana yɛɛ bɛfɛlɛ ko ne Rilikabe. Bɛ ze a le Relemɔn mɔɔ vi Biyɛlo la yɛɛ ɔvi Bɛngyaman abusua ekpunli ne anu. (Bɛtia Biyɛlo bɛboka Bɛngyaman maanle ne anwo.

Maanlebuvolɛma Buluku ne 3:26

Mekɛ mɔɔ bɛlɛkendɛ bɛamaa belemgbunli ne avinde la ɛnee Yihɛde ɛhɔ dɛbadɛba; yepɛ nu ɛleka mɔɔ awolɛ ananze ne mɔ wɔ la, yenriandi yehɔ Siayela.