2 Sam 4:4 - BAEBOLO ANZƐƐ BULUKU NWUANZANWUANZA

⁴ Sɔɔlo ara Dwɔnatan ɛnee lɛ ɔ ra nrenya mɔɔ agyakɛ ɛbubu a. Bɛfɛlɛ ye Mɛfebɔhyɛte. Ɔlile ɛvolɛ nnu la yɛɛ nrɛlaleɛ vi Gyɛzɛli rale kɛ bɛhu Sɔɔlo nee Dwɔnatan a; ye adanedivolɛ ne vale ye nriandile. Ɛnriandilɛ ne anu, kɛmɔ adanedivolɛ ne kpondɛ ye ndɛndɛ la ati, kakula ne dɔle aze na ɔyɛle abubura.

2 Sam 4:4 ပူးပေါင်းရင်းမြစ်များ

2 Sam 21:7

Na kɛmɔ Devidi nee Sɔɔlo ara Dwɔnatan vale Ɛdɛnkɛma bɔle bɛ nwo ɛwɔkɛ la ati, Devidi gyakyile Dwɔnatan ara Mɛfebɔhyɛte, mɔɔ le Sɔɔlo anlɔnra ne,

2 Sam 9:13

Yemɔti Mɛfebɔhyɛte mɔɔ ɛnee le abubura la dɛnlanle Gyɛlusalɛm na ɔlile aleɛ dahuu wɔ belemgbunli ne ɛkponle zo.

2 Sam 9:3

Belemgbunli ne bizale ye kɛ, “Awie tɛbɔ Sɔɔlo abusua ne anu mɔɔ ɔwɔ kɛ meyɛ ahunlunyele memaa ye, kɛmɔ menvale membɔle ɛwɔkɛ la ɔ?” Zaeba buale belemgbunli ne kɛ, “Dwɔnatan ara nrenya ko tɛbɔ ɛkɛ, na kɛkala ɔle abubura.”

2 Sam 9:6

Mɔɔ Dwɔnatan ara Mɛfebɔhyɛte, Sɔɔlo anlɔnra ne rale la, ɔvale enililɛ ɔbɔle ɔ ti aze ɔbizale Devidi ahye. Devidi vɛlɛle ye, “Mɛfebɔhyɛte.” Na ɔliele zolɛ, “Wɔ sonvolɛ a le me.”

1 Arl 11:17

ɔhale Heedade ala. Heedade nee ɔ ze ngɛkɛlɛ mɔɔ le Yidɔmma la bie mɔ nriandile hɔle Yigyibiti. (Mekɛ ne anu ɛnee Heedade le kakula.)

1 Edk 8:34

Dwɔnatan ara nrenya a le Mɛlebeeyale mɔɔ wole Maeka la.

1 Edk 9:40

Dwɔnatan wole Mɛlebeeyale yɛɛ Mɛlebeeyale wole Maeka.

1 Sam 29:1

Filisitiama boɔboale bɛ ɛlɔnema kɔsɔɔti anloa wɔ Efɛke. Yizilayɛma noko boɔboale bɛ nloa wɔ azudenle ne mɔɔ wɔ Gyɛzɛli Bɔnza ne anu la anloa.

1 Sam 29:11

Yemɔti nwonlomɔ mangyee ne ala Devidi nee ye ɛlɔnema ne ziale hɔle Gyɛzɛli.