2 Sam 4:2 - BAEBOLO ANZƐƐ BULUKU NWUANZANWUANZA

² Yehyebɔhyɛte lɛ menli nwiɔ mɔɔ nea nwule ekpunli ekpunli ne mɔ anwo zo a. Bɛfɛlɛ ko Beeyana yɛɛ bɛfɛlɛ ko ne Rilikabe. Bɛ ze a le Relemɔn mɔɔ vi Biyɛlo la yɛɛ ɔvi Bɛngyaman abusua ekpunli ne anu. (Bɛtia Biyɛlo bɛboka Bɛngyaman maanle ne anwo.

2 Sam 4:2 ပူးပေါင်းရင်းမြစ်များ

2 Sam 3:22

Nzinlii Dwowabe nee Devidi mgbanyima ne bie mɔ vi ɛleka mɔɔ bɛhɔtetale menli bɛwuale bɛ ninyɛne la rale. Bɛ nee anwonyia dɔɔnwo rale. Ɛnee Abenɛɛ ɛnle Devidi anwo ɛkɛ wɔ Hibulɔn, ɔboalekɛ Devidi ɛgua ye adenle ɛmaa yehɔ na yebɔ ye ɛwɔkɛ kɛ bɛbabɔ ɔ nwo bane.

2 Sam 4:5

Relemɔn amra mrenya ne mɔ, Rilikabe nee Beeyana, zile nu ewia henlema hɔle Yehyebɔhyɛte sua nu. Bɛhɔdwule la ɛnee yela ɔlɛdie ye ɛnwomenle.

2 Sam 4:9

Devidi buale Rilikabe nee ɔ diema Beeyana kɛ, “Meka tease Nyamenle ne mɔɔ ɛlie me ɛvi munzule kɔsɔɔti anu la!

2 Arl 5:2

Bɛ nee Yizilayɛma konle konle ne mɔ ko anu, Seleama hɔle Yizilayɛma anwo zo na bɛhyele kakula bɛlɛra bie bɛhɔle bɛ maanle nu, na bɛyɛle kɛ ɔzonle Neeman aye ne.

2 Arl 6:23

Yemɔti belemgbunli ne manle bɛdole bɛ ɛkponle kpole bie. Bɛlile debie bɛ ko yile na bɛnlonle nza la, akee ɔmanle bɛ adenle bɛziale bɛhɔle Selea belemgbunli ne ɛkɛ. Ɔvi mekɛ zɔhane Seleama anli bɛ edwɛkɛ ambɔ Yizilayɛma anwo zo ɛralɛ bieko.

Dwɔhyua Buluku ne 18:25

Azuamgbole ɛhye mɔ noko wɔ ɛkɛ: Gebɛyɔn, Leema, Biyɛlo,

Dwɔhyua Buluku ne 18:26

Mezepa, Kɛfaela, Moza,

Dwɔhyua Buluku ne 9:17

Yemɔti Yizilayɛma zile nu kɛ bɛkɔ ɛleka mɔɔ bɛwɔ la na ye kenle nsa ne azo bɛdwule azua ne mɔ mɔɔ menli zɔhane mɔ vi zolɛ rale la azo. Azua ne mɔ a le Gebɛyɔn, Kɛfaela, Biyɛlo, yɛɛ Keleate Gyialem.