2 Sam 4:1 - BAEBOLO ANZƐƐ BULUKU NWUANZANWUANZA

¹ Mɔɔ Yehyebɔhyɛte dele kɛ bɛhu Abenɛɛ wɔ Hibulɔn la, ɔ nwo bubule ye, Yizilayɛma kɔsɔɔti zulole.

2 Sam 4:1 ပူးပေါင်းရင်းမြစ်များ

2 Sam 17:2

Mebahɔfofo ɔ nwo zo wɔ mekɛ mɔɔ ɛnee yevɛ na ɔ rɛle ɛbɔ la. Ɔ nye zo bada ye kpole bie na menli mɔɔ li ɔ nzi la banriandi agua ɛbɔ nu.

2 Sam 2:8

Nɛɛ ara nrenya Abenɛɛ mɔɔ nea Sɔɔlo ɛlɔnema ne anwo zo la ɛva Sɔɔlo ara nrenya Yehyebɔhyɛte ɛnriandi ɛhɔpɛ Azule Dwɔdan ne ɛhɔ Meehaneeyem;

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

Ɛzela Buluku ne 4:4

Ɛhye ati menli mɔɔ wɔ maanle ne anu la bɔle ɔ bo kɛ bɛsɛkye Dwudama adwenle, na bɛhanle bɛ ɛzulolɛ mɔɔ ɛnee akee bɛkɔ gyima ne anwo bɔbɔ a bɛsulo.

Nihɛmaya Buluku ne 6:9

Ɔluakɛ ɛnee bɛkulo kɛ bɛnwunlonwunla yɛ amaa bɛaze kɛ, “Bɛ sa ɛkpa, bɛangola gyima ne yɛ.” O Nyamenle, kpogya me sa zo ɛ!

Ayezaya Buluku ne 13:7

Ɛsalɛ biala anu bado, awie biala ahonle badu,

Ayezaya Buluku ne 35:3

Bɛmaa mɔɔ asa anu ɛtuto la anwosesebɛ, na bɛmaa mɔɔ agyakɛ anzi ɛtuto la ɛgyinla kpundii.

Gyɛlɛmaya Buluku ne 50:43

Babelonia belemgbunli ne dele bɛ nganeɛ, ɔ nwo golole ye na ɔ sa nu dole. Nyane wiele ye kyekye, ɔdele nyane kɛ raalɛ mɔɔ ɛvo awolɛ zo.

Gyɛlɛmaya Buluku ne 6:24

Gyɛlusalɛmma se, “Yɛde nrɛlaleɛ ne, yɛ sa nu ɛtuto. Arɛlebɔlɛ nee nyane ɛkyekye yɛ kɛ raalɛ mɔɔ ɛvo awolɛ zo la.

Zɛfanaya Buluku ne 3:16

Mekɛ ne anu bɛbaha bɛahile Gyɛlusalɛmma kɛ, “Zayɔn, mmasulo; mmamaa ɛ sa nu to.