2 Sam 3:39 - BAEBOLO ANZƐƐ BULUKU NWUANZANWUANZA

³⁹ Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

2 Sam 3:39 ပူးပေါင်းရင်းမြစ်များ

2 Sam 16:10

Na belemgbunli ne zele Abehyae nee ɔ diema Dwowabe kɛ, “Bɛmɛ Zɛluaya amra, ɛhye ɛnle bɛ edwɛkɛ. Saa Ɛdɛnkɛma yɛɛ ɛze ye kɛ ɔbɔ Devidi sasa a ɛnee nwane a lɛ adenle kɛbiza ye kɛ, ‘Duzu ati a wɔyɛ ɛhye ɛ?’ ”

2 Sam 19:13

Bɛze Ameesa kɛ, ɔle me nwo sonla. Saa meandu Dwowabe, meanva ɔdaye Ameesa meanyɛ me Safohyenlema Kpanyinli mɔɔ nea me ɛlɔnema ne anwo zo la a, Nyamenle ɛdua me kakɛ ɛgua me bie zo.”

2 Sam 19:22

Na Devidi zele kɛ, “Bɛmɛ Zɛluaya amra, duzu adwenle a me nee bɛ yɛva mɔɔ bɛyɛ bɛahwe ngyegyelɛ bɛamaa me a? Ɛnɛ le mekɛ mɔɔ ɔwɔ kɛ bɛku sonla wɔ Yizilayɛ ɔ? Anzɛɛ bɛnze kɛ ɛnɛ mele Yizilayɛ belemgbunli ɔ?”

2 Sam 3:38

Belemgbunli zele ye mgbanyima ne kɛ, “Bɛnze kɛ belemgbunli ra nee sonlakpole ɛwu Yizilayɛ maanle ye anu ɛnɛ kenle ye ɔ?

1 Arl 2:32

Ɛdɛnkɛma ɛdua ye kakɛ wɔ ye amumuyɛ ne mɔɔ ɔyɛle ɔhunle Abenɛɛ mɔɔ le Yizilayɛ Safohyenlema Kpanyinli ne nee Ameesa mɔɔ le Dwuda Safohyenlema Kpanyinli, wɔ mekɛ mɔɔ egya Devidi ɛnze nu la. Ɛnee mrenya nwiɔ ɛhye le kpalɛ yɛɛ eza bɛbɔ mɔdenle bɛtɛla ye.

1 Arl 2:9

Noko mmamaa ɔfa ɔ nwo ɔdi. Kɛmɔ ɛdawɔ ɛze wɔ nrɛlɛbɛ la, ɛbanwu adenle mɔɔ ɔwɔ kɛ ɛfa ye ɛse zolɛ la. Maa ɔva ɔ ti kanrɛlɛ ne ɔdua.”

1 Edk 22:5

Devidi dwenlenle nwolɛ kɛ, “Ɛzonlenlɛ Sua ne mɔɔ me ra Sɔlɔmɔn bazi la, ɔwɔ kɛ ɔyɛ kpole, ɔyɛ kɛnlɛma mɔɔ awie biala kanvo ye a. Noko Sɔlɔmɔn le kakula, yɛɛ ɔ ti ɛtɛtinle. Yemɔti meboɔboa ninyɛne mɔɔ bɛbava bɛazi la anloa meamaa ye.” Yemɔti Devidi nyianle ninyɛne mɔɔ bɛbava bɛazi sua ne la anu dɔɔnwo kolaa na yeawu.

1 Edk 29:1

Belemgbunli Devidi akee zele ɛlɔne mɔɔ rayiale la kɛ, “Me ra Sɔlɔmɔn yɛɛ Nyamenle ɛnlea nu ɛye ye a, noko ɔtɛde kakula, ɔ ti ɛtɛtinle. Gyima ne mɔɔ gyi ɔ nyunlu la le kpole. Ɔluakɛ suakunlu ne mɔɔ bɛbazi la ɛnle sonla ɛdeɛ. Ɔle Ɛdɛnkɛma Nyamenle ne suakunlu.

2 Edk 13:7

Menli agbamgbanvolɛ bie bɛdabɛ noko bɛhɔlile ɔ nzi na bɛkpole Sɔlɔmɔn ara Rilihɔbowam wɔ mekɛ mɔɔ Rilihɔbowam le kakula na ye adwenle ɛtɛtinle na yeahola yeagyinla bɛ nloa la.

Edwɛndolɛ Buluku ne 101:8

Alehyenlɛ biala mebazɛkye amumuyɛma mɔɔ wɔ azɛlɛ ne azo la; mebavoa amumuyɛma kɔsɔɔti meaye bɛ meavi Ɛdɛnkɛma suakpole ne azo.

Edwɛndolɛ Buluku ne 28:4

Bua bɛ ndɛne, kɛmɔ bɛ gyima si de la, nee kɛmɔ bɛ ninyɛndane ne mɔ si de la. Tua bɛ kakɛ, kɛmɔ bɛ sa anloa gyima si de la. tua bɛ kakɛ mɔɔ fɛta la.

Edwɛndolɛ Buluku ne 62:12

O Awulae, wɔmɔ a ɛlɛ ɛhulolɛ kpundii a. Ɔluakɛ wɔmɔ yɛɛ ɛtua sonla kakɛ, kɛmɔ ye gyima si de la a.

Edwɛndolɛ Buluku ne 7:16

Ye ngunzi ne bɔ ɔ ti, na ye konle adwenle ne bodɛboda ye.

Edwɛndolɛ Buluku ne 75:10

Ɔbazɛkye amumuyɛma tumi ne na tenlenema tumi ne bayɛ kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 21:12

“Awie biala mɔɔ kɛbɔ ɔ gɔnwo kɛhu ye la, ɔwɔ kɛ bɛku ye.

Mrɛlɛbulɛ Buluku ne 20:8

Belemgbunli mɔɔ de ye ndɛnebualɛ ebia nu la fa ɔ nye kpɔla menli nu nwu mɔɔ ɛnle kpalɛ wɔ bɛ avinli la.

Mrɛlɛbulɛ Buluku ne 25:5

Saa ɛtu amumuyɛma ɛfi belemgbunli anwo a, tenleneyɛlɛ bamaa ye belemgbunlililɛ ne ali munli.

Ayezaya Buluku ne 3:11

Munzule ɛha amumuyɛnli ne! Ɔnrɛwie boɛ ɛlɛ, ɔluakɛ mɔɔ yeyɛ la, bɛbayɛ ye bie bɛazie ɔ bo zo.

Ayezaya Buluku ne 7:4

Ka kile ye kɛ: Gyinla ɛ nwo, yɛ koonwu, mmasulo yɛɛ mmamaa wɔ ahonle tu. Ɔluakɛ Rilizen nee ye Selea ɛlɔnema ne yɛɛ Belemgbunli Pikaa ɛya mɔɔ ɛva la le kɛ senle nu ɛyɛne mɔɔ ɛlɛnu na ɔlɛkpu esike la.

Gyɛlɛmaya Buluku ne 38:5

Belemgbunli Zɛdikaya hanle kɛ, “Bɛnlea, ɔwɔ bɛ sa nu, bɛyɛ ye kɛmɔ bɛdabɛ bɛkulo la, ɔluakɛ belemgbunli ne ɛnrɛyɛ ɛhwee ɛnrɛtia bɛ.”

Daneɛle Buluku ne 6:16

Ɔlua ɛhye ati belemgbunli ne manle bɛhɔvale Daneɛle bɛrale na bɛvuandinle ye bɛdole awenade ne mɔ tunli ne anu. Belemgbunli ne zele Daneɛle kɛ, “Wɔ Nyamenle ne mɔɔ ɛsonle ye dahuu la ɛlie wɔ ngoane!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:23

Na saa bɛanyɛ ye zɔhane a, ɛnee bɛnwu ye kɛ bɛyɛ ɛtane bɛtia Ɛdɛnkɛma, yɛɛ bɛnwu ye kɛ bɛ ɛtane ne baye bɛ amaa.

Wulo 13:4

Ɔluakɛ ɔle Nyamenle sonvolɛ mɔɔ ɛlɛyɛ ye gyima wɔ bɛ kpalɛ ti a. Noko saa ɛdi ɛtane ɛdeɛ a, ɛnee sulo ye, ɔluakɛ ɔlɛ tumi, yɛɛ kɛmɔ ɔle sonvolɛ mɔɔ ɛlɛyɛ ye Nyamenle gyima la, ɔkola ɔtea menli mɔɔ di ɛtane la.

2 Tem 4:14

Alɛzanda mɔɔ le kɔbele dwinvolɛ ne ɛyɛ me ɛtane kpole, na Awulae badua ye nwolɛ kakɛ noko, kɛmɔ ɔfɛta la.

Maanlebuvolɛma Buluku ne 9:57

Eza Nyamenle manle Hyikɛm amra munzule ne mɔɔ bɛbɔle la bɔle bɛ ti. Ɛhye kile kɛ Dwotam mɔɔ le Gedɛyɔn ara ne amonle mɔɔ wale bɛ la ɛdila.