2 Sam 3:31 - BAEBOLO ANZƐƐ BULUKU NWUANZANWUANZA

³¹ Akee Devidi zele Dwowabe nee menli mɔɔ nee ye lua la kɛ, “Bɛsuosua bɛ adɛladeɛ ne mɔ anu. Bɛheda ɛrele na bɛzu Abenɛɛ.” Belemgbunli ɔdaye mumua ne ɔlile funli ɛlɛka ehwili ne anzi.

2 Sam 3:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:29

(Ɛnee Wulubɛn ɛnle ɛkɛ.) Mɔɔ ɔziale ɔrale la, ɔhɔle kuma ne anwo na ɔnwunle kɛ Dwosefi ɛnle nu. Ɔsuosuanle ye tɛladeɛ ne mɔɔ ɔwula la anu,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:34

Na Gyekɔbo suosuanle ye tɛladeɛ ne mɔɔ ɔwula la anu, ɔvale ɛrele ɔpɛle ɔ bo, na ɔzunle ɔ ra ne mekɛ dɔɔnwo.

2 Sam 1:11

Devidi vale nyane ngome suosuanle ye tɛladeɛ ne anu, na ye menli mɔɔ nee ye lua la yɛle zɔhane ala.

2 Sam 1:2

Ye kenle nsa ne azo, nrenya bie vi Sɔɔlo konle azokoɛleɛ ne rale. Ɔkile ye nyane mɔɔ ɔlɛdi la, ɛnee yesuosua ye tɛladeɛ ne mɔɔ ɔwula la anu na yeva ndɛtɛlɛ yeyɛ ɔ ti zo. Ɔradwule Devidi anyunlu la, ɔdule ɔdɔle ɔ gyakɛ anu ɔbizale ye ahye.

1 Arl 20:31

Ye sonvolɛma ne mɔ hanle hilele ye kɛ, “Nana, yɛde kɛ Yizilayɛ arelemgbunli se anwunvɔne; bɛmaa yɛheda ɛrele na yɛbɔ file yɛgua yɛ kɔme yɛhɔnwu Yizilayɛ belemgbunli ne kɛ ɔkɛnwu wɔ anwunvɔne na yeangu wɔ.”

1 Arl 21:27

Yilaegya anloa dɔle ala la, Ehabe suosuanle ye adɛladeɛ mɔɔ ɔwula la anu na ɔvale ɛrele ɔhedale, ɔhyele ɛhɔne, ɔvale ɛrele ɔlale na ɔluale ye alɔbɔlɛ alɔbɔlɛ nu.

2 Arl 19:1

Belemgbunli Hɛzikaya dele edwɛkɛ ne la, nyane ngome manle ɔsuosuanle ye tɛladeɛ ne mɔɔ ɔwula la anu, ɔvale ɛrele tɛladeɛ ɔwulale na ɔhɔle Ɛdɛnkɛma Ɛzonlenlɛ Sua ne anu.

2 Arl 19:2

Ɔzoanle Yilayakem, mɔɔ nea belemgbunli suakunlu ɛkɛ ne la, Kɔɔto kɛlɛhɛlɛvolɛ Hyɛbena, nee sɛlɛvolɛ mgbanyinli bie mɔ wɔ Nyamenle kpɔmanvolɛ Ayezaya mɔɔ ɔ ze a le Emɔzo la anwo ɛkɛ. Bɛdabɛ noko bɛwulale ɛrele adɛladeɛ a bɛhɔle a.

Edwɛkpa ne kɛmɔ Luku hɛlɛle la 7:14

Akee ɔhɔvale ɔ sa ɔhanle ɛlɛka ne na bɛdabɛ mɔɔ bɛzo funli ne la gyinlanle na bɛzokoɛle. Gyisɛse zele kɛ, “Kpavolɛ! Mese, dwazo!”

Dwɔhyua Buluku ne 7:6

Dwɔhyua nee Yizilayɛ mgbanyima ne mɔ tetele bɛ adɛladeɛ ne mɔ bɛvale bɛhilele nyane mɔɔ ɛha bɛ la, na bɛdule bɛguale mutule nu wɔ Ɛdɛnkɛma Ngyekyeleɛ Ɛlɛka ne anyunlu, na bɛguale ɛkɛ ne toonwo nɔsolɛ nu; eza bɛvulale ɛnwea bɛguale bɛ ti zo bɛhilele kɛ bɛlɛdi nyane.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

Maanlebuvolɛma Buluku ne 11:35

Gyɛfeta nwunle ɔ ra raalɛ ne la, ɔsuosuanle ye tɛladeɛ mɔɔ ɔwula la anu na ɔhanle kɛ, “Me ra raalɛ! Duzu ati a wɔde me ɛbolɛ kpole zɛhae ɛ? Mebɔ Ɛdɛnkɛma ɛwɔkɛ mɔɔ hyia a, yɛɛ metwe mesia a ɔnyɛ boɛ.”