2 Sam 3:29 - BAEBOLO ANZƐƐ BULUKU NWUANZANWUANZA

²⁹ Ye mogya ne ɛgua Dwowabe nee ɔ ze awuke nu amra kɔsɔɔti ati zo. Wɔ awolɛndoazo biala anu, ye busuanli bie ɛva raalɛ nwo ewule, anzɛɛ kokobɛ ɛdila ye. Kyesɛ mraalɛ gyima ala na yeahola ye yɛ anzɛɛ bɛhu ye bie wɔ konle nu anzɛɛ ɔ nloa anu aleɛ ɛbɔ ye.”

2 Sam 3:29 ပူးပေါင်းရင်းမြစ်များ

2 Sam 1:16

Akee Devidi zele ye kɛ, “Wɔ mogya ɛgua ɛdawɔ ɛ ngome ɛ ti zo, ɔluakɛ ɛdawɔ ɛ nloa ɛli daselɛ ɛtia wɔ kɛ wɔhu sonla mɔɔ Ɛdɛnkɛma ɛkpokpa ye nwole la.”

2 Sam 16:8

Ɛdɛnkɛma ɛdua wɔ kakɛ kɛ ɛvale Sɔɔlo belemgbunli maanle ne na ɛhanle ɔ bo zo amra mogya ɛguale a. Ɛdɛnkɛma ɛlie belemgbunli maanle ne ɛmaa ɛ ra Abesalɛm. Wɔ munzule doa wɔ, kɔdiawu!”

2 Sam 3:28

Nzinlii mɔɔ Devidi dele la, ɔhanle kɛ, “Medame nee me belemgbunli maanle ye ɛnli fɔlɛ wɔ Ɛdɛnkɛma anyunlu wɔ Abenɛɛ mogya nwo.

2 Arl 5:1

Nrenya bie, bɛfɛlɛ ye Neeman; ɔle safohyenle kpanyinli mɔɔ nea Selea ɛlɔnema ne anwo zo a. Selea belemgbunli ne bu ye kpalɛ eza ɔkulo ye edwɛkɛ, ɔboalekɛ ɔlua Neeman anwo zo Ɛdɛnkɛma ɛmaa Seleama ɛli Yizilayɛma anwo zo konim. Neeman le katakyie, noko ɔle kokobɛvolɛ.

2 Arl 5:27

Zɔhane ati Neeman kokobɛ ne badila wɔ nee ɛ bo zo amra dahuu.” Gɛheezae vindele la ɛnee kokobɛ ne ɛdila ye, ɔ nwo ɛyɛ nzelabenle.

Edwɛndolɛ Buluku ne 7:17

Mebayɛ Ɛdɛnkɛma mo mɔɔ fɛta ye pɛlepɛlelilɛ ne, na meado ayɛlɛyelɛ edwɛne meahanvo Ɛdɛnkɛma, Anwuma Anwumanli ne duma.

Sɛlɛ 15:2

“Ka kile Yizilayɛma kɛ, ‘Saa nide vi awie mrenyanu finde a, ɛnee ahenle anwo ɛnde.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 35:33

Saa bɛyɛ ɛhye a evinli baha azɛlɛ ne mɔɔ bɛde zolɛ la. Ɔluakɛ mogya maa evinli ka azɛlɛ ne, yemɔti saa bɛangu kɔdiawu ne a, adenle biala ɛnle ɛkɛ mɔɔ bɛdua zolɛ bɛnua azɛlɛ ne a ɔkɛda a, kyesɛ kɔdiawu ne mogya ne ala.

Ɛzoanvolɛma Gyima ne 28:4

Mɔɔ bɔra ne azo amra nwunle kɛ ɛwɔlɛ ne beba Pɔɔlo asa la, bɛdule bɛ nwo azukue kɛ, “Sonla ɛhye kɛyɛ kɔdiawu. Yemɔti yevi nyevile ye anu kɔlɔnwo bɔbɔ ɛdeɛ, noko ɔyɛ biala a ɔbawu.”

Mɛla 21:6

Akee mgbanyima ne mɔ banrinzi bɛ sa anwo agua ɛnlankɛ ralɛ ne mɔɔ bɛbu ɔ kɔme wɔ bɔnza ne anu la anwo

Yekile 16:6

Bɛhanle Nyamenle menli ne nee kpɔmanvolɛma mogya bɛguale, na ɛdawɔ noko wɔmaa bɛ mogya kɛ bɛnlo. Mɔɔ bɛnyia ye la fɛta bɛ!”

Maanlebuvolɛma Buluku ne 9:24

Ɛhye zile, amaa Gedɛyɔn amra abulasuu ne mogya agua Abemɛlɛke nee Hyikɛm amra mɔɔ zile ye adua manle ɔhunle bɛ la ati zo.