2 Sam 3:20 - BAEBOLO ANZƐƐ BULUKU NWUANZANWUANZA

²⁰ Abenɛɛ nee mgbanyima abulanwiɔ ne dwule Hibulɔn la Devidi dole bɛ ɛkponle kpole bie.

2 Sam 3:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:30

Yemɔti Ayezeke dole bɛ ɛkponle, na bɛlile na bɛnlonle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:54

Akee Gyekɔbo bɔle azu wɔ boka ne azo, na ɔvɛlɛle ɔ nwo amra ne kɛ bɛrakpula bɛ sa. Bɛlile debie, na bɛlale boka ne azo kenle ko ne nɔe ne.

2 Sam 3:19

Abenɛɛ eza dendɛle hilele Bɛngyaman abusua ekpunli ne anu amra. Akee ɔtelele zolɛ ɔhɔle Hibulɔn kɛ ɔkaha debie mɔɔ Yizilayɛma nee Bɛngyaman abusua ekpunli ne ɛlie ɛdo nu kɛ bɛyɛ la yeahile Devidi.

2 Sam 3:21

Abenɛɛ zele Devidi kɛ, “Nana, mekɔ meahɔboɔboa Yizilayɛma kɔsɔɔti anloa meamaa wɔ. Bɛ muala bɛ nee wɔ bayɛ ngyehyɛlɛ na bɛalie bɛado nu kɛ ɛle bɛ belemgbunli na wɔazie maanle ne kɔsɔɔti kɛmɔ ɛkpondɛ la.” Yemɔti Devidi manle Abenɛɛ adenle manle ɔhɔle anzonudwolɛ nu.

Ɛseta Buluku ne 1:3

Ɔlile ɛvolɛ nsa wɔ ebia ne azo la ɔdole ye mgbanyima nee sonvolɛma, Pɛhyea nee Midea sogya mgbanyinli, menli mɔɔ di munli nee amɛnladoma mɔɔ nea maanle maanle ne mɔ azo la ɛkponle,

1 Sam 25:36

Abegeli ziale hɔle sua nu na ɔhɔdole kɛ Neebale ɛdo ɛkponle kpole bie kɛ asɛɛ belemgbunli bie la, ɔ nye ɛlie na yebo kpole kpalɛ. Yemɔti yeanga ɛhwee yeangile ye hɔkpulale ye alehyenlɛ nu.