2 Sam 3:16 - BAEBOLO ANZƐƐ BULUKU NWUANZANWUANZA

¹⁶ Na mɔɔ bɛ nee Maekale kɔ la, ɔ hu vale ɛzunlɛ doale ye toonwo ɔhɔdwule Bahulem. Na Abenɛɛ zele ye kɛ, “Sia ɛ nzi!” Na Paleteɛle ziale.

2 Sam 3:16 ပူးပေါင်းရင်းမြစ်များ

2 Sam 16:5

Mɔɔ Belemgbunli Devidi dwule Bahulem la, Sɔɔlo abo zo amra ne mɔ ko, mɔɔ le Gila ara Hyemɛyae, rayiale ye. Ɔba kɔsɔɔti la ɛnee ɔ ne la zo ɔlɛbɔ Devidi sasa.

2 Sam 17:18

Kenle ko kakula nrenya bie nwunle bɛ. Ɔhɔhanle ɔhilele Abesalɛm, yemɔti bɛ mu nwiɔ bɛnriandile bɛhɔle nrenya bie mɔɔ wɔ Bahulem la sua nu. Ɔlɛ bula bie wɔ ye awuke ne anu na bɛdwule nuhua.

2 Sam 19:16

Gila ara Hyemɛyae mɔɔ le Bɛngyamanenli na ɔvi Bahulem la nee Dwudama a rale rayiale Belemgbunli Devidi a.

2 Sam 19:17

Ɔba la, ɔ nee Bɛngyaman abusua ekpunli ne anu menli apenle a rale a. Na Zaeba, mɔɔ le sonvolɛ wɔ Sɔɔlo awuke nu la, vale ɔ mra mrenya bulu nee nnu ne nee sonvolɛma abulanwiɔ nriandile rale Dwɔdan ne anloa kolaa na belemgbunli ne adwu ɛkɛ.

2 Sam 3:15

Yehyebɔhyɛte zoanle manle bɛhɔzale Paleteɛle mɔɔ ɛnee gya Maekale la bɛliele ɔ ye ne bɛvile ɔ sa nu. Paleteɛle ɔ ze a le Leyihye.

1 Arl 2:8

“Akee Bɛngyamanenli Gila ara Hyemɛyae mɔɔ vi Bahulem la ɔdaye ɔwɔ ɛkɛ. Kenle mɔɔ mengɔle Meehaneeyem la ɔbɔle me sasa kpole bie, noko me nee ye yiale Azule Dwɔdan ne anloa la menvale Ɛdɛnkɛma menganle ndane kɛ menrɛhu ye.

Gyɛlɛmaya Buluku ne 41:6

Yehyemeeyɛle vale ɛzunlɛ vi Mezepa rayiale bɛ adenle. Ɔradole bɛ la ɔhanle ɔhilele bɛ kɛ, “Bɛrɛla bɛranlea Ahaekam ara nrenya Gɛdalaya.”