2 Sam 3:14 - BAEBOLO ANZƐƐ BULUKU NWUANZANWUANZA

¹⁴ Akee Devidi zoanle menli wɔ Sɔɔlo ara Yehyebɔhyɛte ɛkɛ ne manle bɛhɔzele ye kɛ, “Maa me sa ɛha me ye Maekale mɔɔ menvale Filisitia mrenya ɛya ko atoa ati nwoma menzule ɔ ti asoa la ndɛndɛ.”

2 Sam 3:14 ပူးပေါင်းရင်းမြစ်များ

2 Sam 2:10

Yehyebɔhyɛte lile ɛvolɛ abulanla la yɛɛ bɛziele ye Yizilayɛ belemgbunli a, na ɔziele maanle ne ɛvolɛ nwiɔ. Dwuda abusua ekpunli ne lile nɔhalɛ manle Devidi,

2 Sam 3:15

Yehyebɔhyɛte zoanle manle bɛhɔzale Paleteɛle mɔɔ ɛnee gya Maekale la bɛliele ɔ ye ne bɛvile ɔ sa nu. Paleteɛle ɔ ze a le Leyihye.

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

Edwɛkpa ne kɛmɔ Mateyu hɛlɛle la 1:18

Kɛ Gyisɛse Kelaese awolɛ ne yɛle la ɛne. Mekɛ mɔɔ Dwosefi yiale Mɛle, mɔɔ le Gyisɛse ɔ nli ne, na ɔtɛnyianle ɔtɛyɛle ɔ nwo debie la bɛnwunle kɛ Mɛle lua Sunsum Nwuanzanwuanza ne anwo zo ɛva ɛkolɛ.

1 Sam 18:25

Na Sɔɔlo zele kɛ, “Bɛhɔze Devidi kɛ, belemgbunli ɛmkpondɛ agyalɛ ne anwo debie biala. Ɔkpondɛ kɛ ɔsenra ye kpɔvolɛma ne, yemɔti mɔɔ ɔkpondɛ la a le Filisitiama ɛya ko mrenyanu ati nwoma ne mɔ.” (Sɔɔlo kpondɛ kɛ ɔyɛ ɛhye amaa Filisitiama anyia Devidi ahu ye.)

1 Sam 18:27

Devidi vale ye ɛlɔnema ne hɔle hɔhunle Filisitiama ɛya nwiɔ, ɔpepɛle bɛ mrenyanu ati nwoma ne mɔ ɔrɛlɛle belemgbunli ne, amaa yeanyia adenle yeagya ɔ ra raalɛ ne. Sɔɔlo vale ɔ ra raalɛ Maekale manle Devidi gyale.

1 Sam 25:44

Sɔɔlo vale Maekale mɔɔ ɛnee le Devidi aye la manle Leeyehye ara Paletae mɔɔ vi Galem la gyale.