2 Sam 3:12 - BAEBOLO ANZƐƐ BULUKU NWUANZANWUANZA

¹² Abenɛɛ zoanle menli wɔ Devidi anwo wɔ Hibulɔn manle bɛhɔzele ye kɛ, “Azɛlɛ ne, nwane ɛdeɛ ɔ? Maa yɛyɛ ngyehyɛlɛ na menwɔboa wɔ menwɔmaa ɛkɛlie Yizilayɛ maanle ne kɔsɔɔti.”

2 Sam 3:12 ပူးပေါင်းရင်းမြစ်များ

2 Sam 19:14

Devidi edwɛkɛ ne hanle Dwudama kɔsɔɔti ahonle na bɛmanle bɛhɔzele belemgbunli ne kɛ, “Ɛ nee wɔ mgbanyima ne mɔ kɔsɔɔti bɛzia bɛrɛla sua nu.”

2 Sam 19:41

Yizilayɛma kɔsɔɔti rale belemgbunli ɛkɛ ne rabizale ye kɛ, “Nana, duzu ati a yɛ mediema Dwudama ɛrava wɔ nee ɛ nwo amra nee wɔ ɛlɔnema ne ɛpɛ Dwɔdan ye a?”

2 Sam 19:6

Ɔboalekɛ yɛnwu kɛ ɛkulo bɛdabɛ mɔɔ bɛkpɔ wɔ la na ɛkpɔ bɛdabɛ mɔɔ bɛkulo wɔ la. Ɛnɛ wɔmaa yela ali wienyi kɛ safohyenlema nee ɛlɔnema ɛnle ɛhwee wɔ ɛ nye zo. Ɛnɛ wɔhile wɔmaa menwu ye wienyi kɛ, saa Abesalɛm anwu yɛɛ yɛmɛ ɛlɔnema ne kɔsɔɔti yɛwule a anrɛɛ ɛ kunlu dwo.

2 Sam 3:11

Yehyebɔhyɛte zulole Abenɛɛ, yemɔti yeangola edwɛkɛ kpɔkɛ ko bɔbɔ ka.

2 Sam 3:13

Devidi zele ye kɛ, “Mede; meyɛ wɔ mo. Memaa wɔ mɛla ko ɛhye. Saa ɛkola zolɛ di a me nee wɔ kɛyɛ ngyehyɛlɛ ne. Mɛla ne a le kɛ, mmamaa menwu ɛ nyunlu, mɔɔ mekanwu ɛ nyunlu la ɛnee ɛ nee me ye Maekale, Sɔɔlo ara raalɛ ne, ɛra.”

2 Sam 3:21

Abenɛɛ zele Devidi kɛ, “Nana, mekɔ meahɔboɔboa Yizilayɛma kɔsɔɔti anloa meamaa wɔ. Bɛ muala bɛ nee wɔ bayɛ ngyehyɛlɛ na bɛalie bɛado nu kɛ ɛle bɛ belemgbunli na wɔazie maanle ne kɔsɔɔti kɛmɔ ɛkpondɛ la.” Yemɔti Devidi manle Abenɛɛ adenle manle ɔhɔle anzonudwolɛ nu.

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

2 Sam 3:38

Belemgbunli zele ye mgbanyima ne kɛ, “Bɛnze kɛ belemgbunli ra nee sonlakpole ɛwu Yizilayɛ maanle ye anu ɛnɛ kenle ye ɔ?

Edwɛndolɛ Buluku ne 62:9

Awienvolɛma le kɛ anwoma, mgbolema le kɛ ɛlalɛ; ɛgua bɛ tone zo a bɛndo ɛhwee; bɛ kɔsɔɔti bɛ ɛnlomboɛ ɛndo anwoma.