2 Sam 24:6 - BAEBOLO ANZƐƐ BULUKU NWUANZANWUANZA

⁶ Akee bɛhɔle Geleade nee Keedɛhye mɔɔ wɔ Hɛtema maanle nu la, na bɛrale Dan; bɛvi Dan la, bɛhɔle Saedɛn adɔleɛ.

2 Sam 24:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:15

Keena ara nrenya kpanyinli a le Saedɛn. Nzinlii ɔwole Hɛte, bɛ bo zo amra a bɛfa bɛ aluma bɛfɛlɛ bɛ la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:21

Na ɔvale ye debie biala ɔnriandile. Ɔpɛle Azule Yufileti ne na ɔbɔle ɔ ti Geleade maanle nu awoka ne mɔ azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:1

Wulubɛn nee Gaade mbusua ekpunli ne mɔ ɛnee lɛ nlankɛ dɔɔnwo kpalɛ. Mɔɔ bɛnwunle kɛ Gyeezɛ nee Geleade azɛlɛ ne le kpalɛ maa nlankɛ la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:39

Manasɛ ara Meekɛ abusua ekpulike ne honle vale Geleade, bɛdule Amɔlema mɔɔ de ɛkɛ la, na bɛdɛnlanle ɛkɛ.

Dwɔhyua Buluku ne 11:8

Ɛdɛnkɛma manle Yizilayɛma lile konim. Yizilayɛma voanle bɛ toonwo bɛhɔdwule Mezelɛfo Meeyem nee Saedɛn, toonwo bɛhɔdwule Mezepa Bɔnza ne anu wɔ aduduleɛ nehane. Na bɛhonle toonwo Yizilayɛma wiele bɛ kpɔvolɛma ne amuala ku.

Dwɔhyua Buluku ne 19:28

Yibolɔn, Rilihɔbo, Hamɔn, yɛɛ Kana, na ɔwie Saedɛn.

Dwɔhyua Buluku ne 19:47

Mekɛ mɔɔ Danema azɛlɛ ne vile bɛ sa la, bɛdoale Leeyehyema bɛ nee bɛ hɔhonle. Danema vale sua ne, bɛhunle menli ne na bɛvale ɛkɛ ne bɛyɛle bɛ ɛdeɛ. Bɛdɛnlanle ɛkɛ na bɛhakyile sua ne duma Leeyehye ne na bɛvale bɛ nlenya Dan duma bɛdonle sua ne.

Maanlebuvolɛma Buluku ne 1:31

Ahya abusua ekpunli ne anu amra andu menli mɔɔ wɔ Ako la anzɛɛ Saedɛnema. Bɛandu Ahelabema, Akezebema, Hɛlebama, Efɛkema, yɛɛ Rilihɔboma.