2 Sam 24:25 - BAEBOLO ANZƐƐ BULUKU NWUANZANWUANZA

²⁵ Akee ɔzile azukponle ne ɔmanle Ɛdɛnkɛma na ɔbɔle nane ɛyelalɛ nee anzonudwolɛ azu. Ɛdɛnkɛma diele ye nzɛlɛlɛ ne na ewule nzane ne gyakyile Yizilayɛma.

2 Sam 24:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:9

Mɔɔ bɛhɔdwule ɛleka ne mɔɔ Nyamenle hanle nwolɛ edwɛkɛ hilele Ebileham la, Ebileham zile azukponle wɔ ɛkɛ ne, ɔvale ɛyɛne ne ɔguale zolɛ, na ɔkyekyele ɔ ra Ayezeke ɔdole azukponle ne azo, wɔ ɛyɛne ne azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:20

Nowa zile azukponle manle Ɛdɛnkɛma. Akee ɔhyele nane nee nloma ne mɔ mɔɔ anwo te la biala anu ko, ɔhunle bɛ na ɔyelale bɛ ɔbɔle azu wɔ azukponle ne azo ɔmanle Nyamenle.

2 Sam 21:14

Bɛziele Sɔɔlo nee ɔ ra Dwɔnatan mbowule ne mɔ wɔ Sɔɔlo ɔ ze Kehye nla ne anu wɔ Zila, wɔ Bɛngyaman maanzinli nu. Akee bɛyɛle mɔɔ belemgbunli ne hanle hilele bɛ la amuala. Na Nyamenle diele maanlema ne nzɛlɛlɛ.

2 Sam 24:14

Na Devidi zele Gaade kɛ, “Mewɔ anwongyelelɛ nu! Noko akee kɛ dasanli kɛdua me kakɛ la, maa Ɛdɛnkɛma mumua ne ɛdua me kakɛ, ɔluakɛ yemɔ, ye anwunvɔnezelɛ le kpole.”

1 Arl 1:1

Mekɛ ne hɔle bie la ɛnee Belemgbunli Devidi akee ɛyɛ kpanyinli kpalɛ. Bɛfa ahundu bɛmundumundu ɔ nwo bɔbɔ a ɔ nwo ɛnyɛ wuluwulu.

Yizikeɛle Buluku ne 16:42

Ɛhye yɛɛ bamaa me ɛya kpole ne mɔɔ meva bɛ nwo la adwo, na meagyakyi bɛ nwo nungule ɛhwenlɛ ne a. Me kunlu badwo na menrɛva ɛya bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:13

Awie biala mɔɔ kɛbikye Ɛdɛnkɛma Ndanlɛ Sua ne bɔbɔ la bawu. Asoo ɔwɔ kɛ yɛ muala yɛ bo zo minli ɔ?”

Maanlebuvolɛma Buluku ne 21:4

Aleɛ hyenle la menli ne dwazole ndɛ yɛle azukponle, bɛyelale nane bɛbɔle azu, eza bɛbɔle anzonudwolɛ azu.

Maanlebuvolɛma Buluku ne 6:24

Akee Gedɛyɔn yɛle azukponle manle Ɛdɛnkɛma na ɔvɛlɛle ye “Ɛdɛnkɛma le anzonudwolɛ.” Na ɛnɛ nee ɛnɛ ala, ɔtɛgyi Ɔfela. Ɔfela le Ebayizɛma sua zo.

1 Sam 13:9

Yemɔti Sɔɔlo zele menli ne kɛ, “Bɛva ɛyelalɛ nee anzonudwolɛ azubɔdeɛ ne mɔ bɛrɛlɛ me.” Na ɔbɔle ɛyelalɛ azu.

1 Sam 14:35

Na Sɔɔlo zile azukponle manle Ɛdɛnkɛma. Ɛhye a le azukponle mɔɔ lumua mɔɔ Sɔɔlo zile manle Ɛdɛnkɛma a.

1 Sam 7:17

Ɔwie a akee ɔsia ɔkɔ ye sua zo Releema na ɔkɔtoto ɛkɛ ne noko boɛ. Ɔzile azukponle wɔ Releema ɔmanle Ɛdɛnkɛma.

1 Sam 7:9

Samoɛle hunle boane ralɛ mɔɔ tɛno nyɛfonlɛ la yelale ye mumua ne bɔle azu manle Ɛdɛnkɛma. Akee ɔzɛlɛle Ɛdɛnkɛma kɛ ɔboa Yizilayɛma na Ɛdɛnkɛma diele ye nzɛlɛlɛ ne.